Ezara 3:7 - KITABU KITAKATIFU

⁷ Avandu vahaana mabese kutunga avasiza vamagina nizimbaho. Vahaana viukulia, viukunwa namaguta ga muzeituni kuhilwa mu madaala manene ga Tiro na Sidoni kunangwa vahevwe misaala jimidalagwa kutura Lebanoni. Jaziira mu inyanza kuduuka Jopa. Yaga goosi gekoleka kigira mwami Sairasi wa Pasia yavugilira.

Ezara 3:7 Iomraidhean Croise

2 Samweli 5:11

Mwami Huramu wa Tiro yatuma avatumwa vi viasala ku Daudi; yamuha misaala ji midaragwa kandi na avavaazi na avumbaki vizinyumba zia magina ukwumbakira Daudi inyumba yu vwami.

1 Avami 5:6

Kunangwa tuma avasaza vovo vazie Lebanoni vaandemere midaragwa. Avasaza vange valayinzira navo, na ndatunga vasaza vovo choosi chu ukalaga. Kuli ivi umanyi vulahi, vasaza vange sivamanyi kotema misaala vulahi kuli vovo vamanya mba.”

2 Avami 12:10

Lwa valora haali ho na mabese manyingi nigaveeye mu lisandugu, mung'odi wu mwami nu Musaalisi Munene vaza kandi vavaliza mabese agaali ni galeteywi mu Litembeli ma vagaviika mu misigo.

2 Avami 12:13

Navuzwa mabese galeetwa mu Litembeli yaga, sigatumikilwa kolomba zibenzeni zie ifeza, amakasi gu kukala zindambi zie zitaya, zibakuli, vikombe vie ifeza, visiliva anoho viju vindi vie zahabu anoho viefeza mba.

2 Kyetsinyinga 34:10

Mabesa yaga gahaanwa ku vasaza vavaga avasingilira uvwumbaki vuhia vwi Litembeli,

Ezara 3:6

Kali niiva avandu vaali nivakikiri kutanga kwumbaka vuhia Litembeli, vatanga ku lidiku liukutanga liu mweli gwa saba kusamba visiuviliru ku Yahova.

Ezekieli 27:17

Avandu vi Ivuyuda na avandu va Isiraeli vaakiranyia ni munyi. Vaamugulizira ingano kutura Minizi, amaguta, mizeituni, uvwuki kandi vifunya umwayu.

Jona 1:3

Navuzwa Jona yiruka kutura ku Yahova nazia Tarishishi. Yasulunguta kuzia Jopa, uwa yanyoora iliato iliali nilizizaa Tarishishi. Yahaana mitungu jije ma naniina harara na vavinziri yu muliato yilio kuzia Tarishishi, niyiruka kutura ku Yahova.

Vikolwa 12:20

Herodi yaali nuvutima vonene ligali ku avandu va Tiro na Sidoni. Kunangwa vazia kuye nu muganda nivenya komoloma naye. Mulitanga vagoonya Bulasito mundu wasingilira inyumba yu mwami avakonye. Maku vazia ku Herodi nivamuteeva murembe gove hagati haavo kigira kivala chavo chanyoola viukulia kutura mu kivala chu mwami Herodi.

Vikolwa 9:36

Yaali ho mukali mulala mu lidaala lia Jopa walangwa Tabita. Mu Luguriki ni Torokasi, ligirung'anyia lialio ni kisusu. Mukali uyu yakola miyinzi milahi jokokoonya avadaka kazozo.

Vikolwa 9:38

Jopa si liali ihale ligali na Liida mba; kulwayago, lwa vandu vasuuvira vahulira ndi Petero aveeye Liida, vatuma avandu vaviri kuye kumugoonya, “Hamba kuzie wiitu vwangu niganyalika.”

Vikolwa 9:43

Petero yamenya mu Jopa amadiku manyingi, munyumba yu mundu mulala uwalangwa Simoni, musiza wi visero.