Ezara 3:10 - KITABU KITAKATIFU

¹⁰ Lwa avandu vatanga kuviika muse gwi Litembeli, avasaalisi niviviiki zinguvu ziavo vaali muvogono vwavo nikisiriva mumakono gaavo. Avandu vinyumba ya Levi avihiiri ya Asafu vasingira ho nivikuli. Vizominya Yahova kolondekana amalago gavaahevwa kutura ing'inga yu Mwami Daudi wa Isiraeli.

Ezara 3:10 Iomraidhean Croise

1 Kyetsinyinga 15:24

Vasaalisi Shebania na Joshafati, Nezaneli, Amasai Zakaria, Benaya kandi Elieza, vatovolwa vaduuki kukuba visiliva imbiri wi Lisandugu Lie lilagana lia Nyasaye. Obedi Edomu na Jehia navo kandi vaali avalindi vi kirivwa vi Lisandugu.

1 Kyetsinyinga 15:27

Daudi yaali niyiviiki iganza yalombwa kutura ku ikatani indahi ligali, ma kandi avimbi vivika kuli ndio, Kenania, mwimiliri wavo, kandi harara ni hiiri ya Levi vaginga Lisandugu Lie lilagana. Daudi kandi yiviika kisibaho Chi katani.

1 Kyetsinyinga 16:37

Mwami Daudi yavika Asafu na vandu vi hiiri ya Levi vache kusingilira havundu hu kusigamira, hi Lisandugu lie Lilagana lia Nyasaye liavikwa. Venyeka kokora miyinzi jaavo hene yaho zing'inga ziosi.

1 Kyetsinyinga 16:42

Hemani na Jeduzuni vasingilira likuba visiliva ni vikuli, kandi ni viju vindi viosi viakubwa lwa viimba zinyimbu ziu kwizominya Yahova. Avandu vi kiliango cha Jeduzuni valinda virivwa.

1 Kyetsinyinga 23:5

4,000 valava valindi vi virivwa, na 4,000 valakuminya Yahova nivatumikira viju viu kwimbira mu via inzi mali kuvaha.”

1 Kyetsinyinga 25:25

Ikura ya komi na nane yagwira Hanani, avayaayi veve na aviiko veve vosi vaali komi na mbiri.

2 Kyetsinyinga 35:14

Inyima wa yaga kokoleka, vandu va Levi velombera aveene harara na avasaalisi visukululwi va Haruni zinyama ziavo, kigira avasaalisi vakora miyinzi ju kuhaana vihaanwa viu kusambwa kandi ni vihaanwa viu kusambwa vie zitinya kuduuka zing'inga zia vudiku.

2 Kyetsinyinga 35:15

Avimbi, visukululwi via Asafu, vaali mu vogono vwavo kolondekana na malago gu mwami Daudi, Asafu, Hemani na Jeduzuni muporofeti wu mwami. Navuzwa avalindi vi virivwa vie Litembeli vaali ha vuli kirivwa. Sivali ni lienya kutura ku vutumwa vwavo mba, kigira vandu va Levi avamwavo vaavo vavalombera lilia liavo lie Lipasaka.

2 Kyetsinyinga 5:12

Ma kandi vandu va Levi vosi avaari avimbi, Asafu, Hemani, na Jeduzuni, avana vayaayi vaavo, na viiko vaavo vosi, viviika zinguvu zindahi, harara ni vikuli nu vukana vwi migoye. Vasingira Ivugwi wu vwali harara na avasaalisi 120 avaari avakubi vi visiriva.

Ezara 2:41

Livaliza lia vandu avimbi vi zinyimbu mu litembeli lie: Ivisukulurwi via Asafu viali 128,

Ezara 5:16

Maku Sheshibazari yazia naviika musingi gwi Litembeli mu Jerusalemi. Kutura ing'inga yene yeyo, Litembeli liazizagilira kwumbakwa uvuhia. Kuduuka lero Litembeli likikiri kumalirizwa.’

Zaburi 150:5

Mumwizominye ni vindu vie migasa ivilangiliraa ligali. Mumwizominye ni vindu vie migasa vilangiliraa ligali.

Haggai 2:15

Yahova avoora, “Munyala kolola chekoleka ku munyi? Ni mukikiri kutanga kwumbaka Litembeli vuhia,

Zekaria 4:10

Valavihilirwa kigira miyinzi sijizizagiliraa vulahi mba. Navuzwa valalola Zerubabeli nazizagilira kwumbaka Litembeli, navalava nuvusangali.”

Zekaria 4:6

Maku engelosi yambolera kuhaana makuva yaga ku Zerubabeli kutura ku Yahova: “Ulanyaliza, na si gaveeye kigira vunyali vuvwo anoho kigira zinguru zizio mba, navuzwa gaveeye kigira Roho wange Yahova wamahi avoora.

Zekaria 4:7

Uvudinyu voveeye kuli kiguru kenene, vulagota kutura imbiri woovo. Ulumbaka vuhia Litembeli na lwa uva nuviika ligina lio kumalirika mu vogono yivwo, avandu valahanzuka nokovoora nu mwoyo munene, ‘Vulahi ligali, vulahi ligali!’ ”

Zekaria 6:12

Mumuvolere ndi Yahova Wuvunyali avoora, ‘Mundu ulangwa Ulusia alavilukila havundu ha aveeye, kandi alumbaka vuhia Litembeli lia Yahova.

Zekaria 7:3

Vazia kandi koteeva vasaalisi na vaporofeti liteeva yili: “Gakuduukiraa kuzizagiliri kusioma kigira lidivizwa lie Litembeli, mu lihonga lilia mu mweli gwa katano kuli kumali kokora ku mihiga minyingi kalunu?”

1 Samweli 22:18

Kunangwa Saolo yavolera Doegi, “Ivi uviiti!” Na Doegi yaviita vosi. Ku lidiku yilio yita vasaalisi 85 avaari niviviiki kisibaho chi inguvu.