Ezara 10:6 - KITABU KITAKATIFU

⁶ Maku Ezara yazia kutura imbiri wi Litembeli lia Nyasaye, niyingira munyumba ya Jehohanani mwana wa Eliashibu. Yaali munyumba yiyi uvudiku vwosi vugira kulia kindu choosi anoho kunwa mazi goosi, kigira yaali naliliraa uvwoni vwa vandu vu muvuhambe.

Ezara 10:6 Iomraidhean Croise

Ezara 10:1

Lwa Ezara yaali nasigami mu lisaala imbiri wi Litembeli lia Nyasaye, nalira kandi niyiyamaa uvwoni vwa avandu ku Nyasaye, muganda munene gwa vandu va Isiraeli vasaza, avakali kandi avana vaza nivamukumbiriza kandi nivalira vululu ligali.

Ezara 10:7

Amakuva galandizwa mu Jerusalemi kandi Ivuyuda ndi, avandu vosi aviranaa kutura mu lihaminywa gavadukiraa kuvugana mu Jerusalemi

Ezara 9:4

Ndikala ahene yaho mu vovereri kuduuka ing'inga ya mugorova yu kuhaana kisiuviriru. Avandu vosi vaali nuvuti vaza nivangumberiza kigira aga Nyasaye wa Isiraeli yaali navooye kigira uvwoni vwa yavo avaari nivirani kutura mulihaminywa.

Nehemia 12:10

Joshua yaali baba wa Joiakimu, na Joiakimu yaali baba wa Eliashibu, na Eliashibu yaali baba wa Jehoyada,

Nehemia 12:22

Amita ga Aviimiliri vizinyumba zia vandu va Levi na Avasaalisi gang'odwa mu vitabu mu ing'inga ya Avasaalisi avanene yava; Eliashibu, Jehoyada, Jonazani, na Jodua. Amita yaga galekela kong'odwa lwa Dariasi yaali mwami wa Pasia.

Nehemia 13:28

Jehoyada yaali muyaayi wu Eliashibu, musaalisi munene; navuzwa mulala ku vayaayi va Jehoyada yaleeta mukaana wa Sanibalati, kutura mu lidaala lia Bezi-horoni. Kunangwa ndakunga Jehoyada kutura mu Jerusalemi.

Nehemia 13:5

Yavugilira Tobia atumikiri keng'oze kenene ichatumikiraa maziambiri ku livikwa mu vihaanwa viu vuswage kandi kimuli, iviju viatumikaa mu Litembeli, vihaanwa via avasaalisi, izaka yuvuswage, iwaini kandi maguta ga muzeituni agahevwa vandu va Levi, avimbi vu mu Litembeli, kandi avalindi vi virivwa vie Litembeli.

Nehemia 3:1

Lidigi lie lidaala linene liumbakwa kuli ndi: Eliashibu musaalisi munene navasaalisi vache veve vumbaka vuhia Kirivwa cha Magondi, nivakitakasa, nukuviika viliango mu vwiyangu vwavio. Vatakasa lidigi kuduuka hu Munara gwa Mia kandi hu Munara gwa Hananeli.

Nehemia 3:20

Baruki muyaayi wa Zabai yumbaka kidieli chalonda ku kuzia kuduuka ha vwingiliru vwinyumba ya Ehashibu Musaalisi Munene.

Ayubu 23:12

Vuli kazozo inzi ngolaa aga Nyasaye yandaga, nondaa vulaliri vwivwe, navuzwa si nondaa lienya liomwoyo gwange mwene mba.

Zaburi 102:4

Nduvagiywi hasi kuli uvunyasi nu kwuma; Simbeeye nuvuha vwukulia chukulia mba.

Kutwula 34:28

Musa yamenya yo harara na Yahova madiku arubaini, mbasu nuvudiku natalizaa anoho kunwa kindu. Yang'oda amalago likomi ku vivaho.

Isaya 22:12

Mwami munene, Yahova Wuvunyali yamulanga muduuki kulira kandi musiome, muvege amasu ginyu kandi mwiviki zinguvu ziamagunia.

Danyeli 9:3

Ndasaara vudinyu ku Yahova Nyasaye, nimugoonya vugira lilia ni nziviki zinguvu zia magunia kandi ni nzikaye muligoke.

Kwidzulitsa 9:18

Maku ndaagwa hasi kandi mamumama imbiri wa Yahova kuli maziambiri ku madiku arubaini na sindaalia anoho kunwa kindu kali hakuzu mba. Ndaakola ndio kigira mwaali nimwoni ku Yahova kandi nimumuvihilirizi.