Ezara 10:11 - KITABU KITAKATIFU

¹¹ Maku kalunu, mwiyame uvwoni vwinyu ku Yahova, Nyasaye wa vaguuga vinyu. Mukore kolondekana ni lienya lilie kwiyahuli aveene kutura ku vandu avageni avamenyi mu kivala chienyu, kandi muleke avakali avageni.”

Ezara 10:11 Iomraidhean Croise

2 Kyetsinyinga 30:22

Hezekia yizominya vandu va Levi vosi kigira limanya lilahi liavo mu liemilira lisigamira Yahova. Kunangwa avandu valia viukulia vie Lisavo ku madiku saba nivahaana visiuviliru vie mirembe kandi nilihaana lisandiza ku Yahova Nyasaye wa vaguuga vaavo.

Ezara 10:10

Ezara musaalisi yasingira navavoolera, “Munyi si muveeye avasuuvirifu mba. Mumali koleta avakali kutura mu zihiiri zing'eni, na mulikola ndio, mumali komeeda mahiolo mu Isiraeli.

Ezara 10:12

Maku avandu vosi vi livugana vaativura nu mwoyo munene nivavoora, “Kulakola goosi aga umali kovora.

Ezara 10:3

Kalunu, gakuduukiraa kolombe lilagana na Nyasaye wiitu ndi kulakunga avakali yava vosi harara na vana vaavo. Kulakola aga ivi kandi aga yavo avatia malago ga Nyasaye vakovolera kokole. Kulakola kolondekana ni lilaga lia Nyasaye.

Ezara 9:1

Inyima wa yaga goosi gaali ni gaakoleki, aviimiliri va vandu va Isiraeli vaza ku inzi nivavoora ndi, avasaalisi kandi avandu vinyumba ya Levi si vayiyahula aveene kutura ku vandu vi vivala via Kanaani, Hiti, Perizi, Jebusi, Amoni, Moabu, Egebeti kandi Amori mba. Vakora vindu vilala viere viu kuvihiliriza via vandu yavo vaakora.

Nehemia 13:3

Lwa avandu va Isiraeli vahulira makuva gi Lilaga yili nilisomwa, vatuliza avageni vosi hagati haavo.

Nehemia 9:2

Yavo avaari vi kisukururwi cha Isiraeli viiyahula aveene ku vageni vosi vasingira, nivatanga kwiganira uvwoni vwavo kandi uvwoni vwa avaguuga vaavo.

Zaburi 32:5

Maku, ndiyama uvwoni vwange vwosi ku ivi, na sindavisa mahiolo aange mba. Ndavoora, “Ndiganira uvwoni vwange ku Yahova; na ivi wasamiiha uvwoni vwange vwosi.”

Tsing'ano 28:13

Mundu uvisaa vwoni vwivwe si alagasizwa mba, navuzwa oyo wiyama no koleka vwoni alanyoola zimbavasi kutura ku Nyasaye.

Isaya 56:4

Yahova avooreraa ku mundu kuli uyu ndi, “Niiva ulamba luyali ku liliinda Lisabato, na niiva ulakola aganyaanzizaa kandi nukulinda lilagana liange nu vusuuvirifu vwosi,

Jeremia 3:13

Mwiyame muveeye namahiolo kandi mwayibaala ku inzi Yahova Nyasaye winyu. Mwiyame ndi hasi himisaala jia amatu mavisi mwayanza avanyasaye vageni kandi simwatia malago gange mba. Inzi Yahova mali kovora.

Jeremia 7:3

Yahova Wuvunyali, Nyasaye wa avandu va Isiraeli avoora ndi, mugirung'anyie liiva lie limenya lienyu, kandi muleke vikolwa vienyu, na ndaleka mumenye havundu hano.

Ezekieli 18:30

“Kalunu Inzi Yahova Wuvunyali ndamukalagira avandu va Isiraeli, vuli mulala kolondekana ni likora lilie. Mwiganiri na muleke uvudamanu vwosi vwa mukoraa, kandi mutaleka uvwoni vwinyu vumudivizi mba.

Yohana 9:24

Kunangwa, valanga mundu waali mboku oyo haali kaviri nivavoora, “Ohe Nyasaye uvukumi. Kunyi kumanyi mundu okohonyi uyu aveeye mwoni.”

Varumi 12:2

Mutalonda miima ji lirova yili mba, navuzwa muleke Nyasaye amugirung'anyie munyore uvuhia mu vogeri nu muziganagani zienyu. Na ndio muladuuka kumanyiriza uvulariri vwa Nyasaye, kandi agaveeye malahi kandi gavugililwa kandi madukiru.

2 Vakorintho 6:17

Mwami avoora, “Mwiyahuli aveene kutura kuvo. Mutadiiri kindu choosi kitaveeye kinifu, ninzi ndamuvugirira.

Vakolosai 1:10

Maku mulamenya mu liiva liu Mwami yenya kandi mulakola ikiyaanzizaa umwami kazozo. Mu limenya lienyu liosi mulakola zing'ano ziosi zie vikolwa vilahi, kandi mulaviruka mu limanya Nyasaye.

Vahebraina 13:21

Nyasaye wi mirembe amukole muve avadukiru mu vindu viosi vilahi via mwenya, kunangwa muduuki kokora uvulariri vwivwe; kandi kuvitira mu Yeso Kristo akole mu kunyi imbiri weve. Uvukumi vove kuye mihiga ni mihiga. Amini.

Joshua 7:19

Joshua yamuvolera, “Mwana wange, mbolera agiligali, hano imbiri wa Yahova, Nyasaye wa Isiraeli, kandi wiganiri. Mbolera kalunu icha umali kokora. Utageriza kukivisa kutura ku inzi mba.”