Ezara 1:6 - KITABU KITAKATIFU

⁶ Avatende vaavo vavakonya ni viju vie ifeza, izahabu, uvutugi, kandi imitugu harara ni viju vindi viu vuguli ovonene, komeeda ku viosi viavaali nivanyooye maziambiri.

Ezara 1:6 Iomraidhean Croise

1 Kyetsinyinga 29:9

Avandu vaali nu vuyanzi vonene ligali kigira vaali nivamali kuhaana kuli valalira. Mwami Daudi naye kandi yayanza ligali.

Ezara 1:4

Niiva vandu vaatigara mu kivala chu vuhambe aleenya vokonyi kwirana, avatende vaavo valavakonya kuvaha ifeza, izahabu, uvutugi kandi mitugu harara nuvwihaani vundi vwosi kuhaana mu Litembeli lia Nyasaye mu Jerusalemi.”

Ezara 8:33

Maku ku lidiku lia kane, kwazia mu Litembeli. Kwagera ifeza, izahabu kandi iviju ma nikuhaana ku Meremozi musaalisi, mwana wa Uria. Yaali harara na Elieza mwana wa Finiasi na vandu va Levi, Jozabadi mwana wa Joshua na Noadia mwana wa Binui.

Nehemia 6:9

Vosi vaali nivagerizaa kukutihiza nivaganaganaa ndi, valakolekiza kokora miyinzi. Ndasaara, “Navuzwa kalunu, Nyasaye mbe zinguru!”

Zaburi 106:46

Yahova yakola avasigu vadambiza avandu veve, kuva ni livererera kuvo.

Zaburi 110:3

Ku lidiku lia uzia kulwaana vasigu vovo, avandu vovo valiihaana aveene. Avayaayi vovo valaza ku ivi ku vigulu vitakatifu kuli lime lia mugambazuri.

Kutwula 12:35

Vandu va Isiraeli vaakora kuli Musa yaali navavooleye, kandi vaali ni vateevi vandu va Egebeti vavahe iviju vie ifeza ni viezahabu kandi zinguvu.

Kutwula 12:36

Yahova yalomba vandu va Egebeti nivahaana luyali ku vandu va Isiraeli kandi nivavaha ivia vavateeva. Munzira yiyi, vandu va Isiraeli vaavugura uvutugi vwa vandu va Egebeti.

Isaya 35:3

Haana zinguru kumakono galuhi kandi ku amalu gadegeraa kigira vodedekere.

2 Vakorintho 9:7

Mundu sa mulala, gamudukira ahaane kuli amali kotovola mu mwoyo vugira kuhayahaya anoho kunigwa, kigira Nyasaye ayaanza mundu uhaanaa nu vusangali.