Ezara 1:4 - KITABU KITAKATIFU

⁴ Niiva vandu vaatigara mu kivala chu vuhambe aleenya vokonyi kwirana, avatende vaavo valavakonya kuvaha ifeza, izahabu, uvutugi kandi mitugu harara nuvwihaani vundi vwosi kuhaana mu Litembeli lia Nyasaye mu Jerusalemi.”

Ezara 1:4 Iomraidhean Croise

1 Kyetsinyinga 29:17

Inzi manya, O, Nyasaye wange, ivi ugerizaa mwoyo gwa vuli mundu na uyanzizwa na avandu vu vulungi nu vusuuvirifu. Na mu vulungi nu vusuuvirifu vwange, mali kuhaana vindu yivi viosi ku ivi, kandi mali kolola kuli avandu vovo avamali kuvunga hano vayanzi koleta vihaanwa viavo ku ivi nu mwoyo gwosi.

1 Kyetsinyinga 29:3

Kuvita yaga goosi, Inzi mali kuhaana livikiru liange mwene lie zahabu ni feza ku Litembeli kigira vuyanzi vwange kwetegekera liumbaka lie Litembeli lia Yahova Nyasaye wange.

1 Kyetsinyinga 29:9

Avandu vaali nu vuyanzi vonene ligali kigira vaali nivamali kuhaana kuli valalira. Mwami Daudi naye kandi yayanza ligali.

2 Kyetsinyinga 31:14

Kore muyaayi wa Imuna mundu wa Levi waali musikari munene ha kirivwa chi Ivugwi chi Litembeli, yasingilira vihaanwa vialetangwa ku Yahova, kandi niye wasingira ligavulwa lia vio.

Ezara 1:3

Kusaala Nyasaye ayaanze ave harara nimunyi vosi avaveeye avandu veve. Gamuduukira muzie Jerusalemi na mwumbake uvuhia Litembeli lia Yahova, Nyasaye wa Isiraeli, ni Nyasaye usigamirawa mu Jerusalemi.

Ezara 1:5

Maku aviimiliri vi zihiiri zie Ivuyuda kandi Benjamini, avasaalisi na vandu va Levi, kandi vosi ava Roho wa Nyasaye yaayugiza, vetegeka kuzia kwumbaka uvuhia Litembeli lia Yahova mu Jerusalemi.

Ezara 9:15

O, Yahova Nyasaye wa Isiraeli, ivi oveeye wi likalaga lirungi, kigira umali kuvugilira komenya. Kwiyama uvwoni vwitu ku ivi na sikoveeye nuvulungi kusingira imbiri woovo mba.”

Kutwula 35:29

Avandu vosi va Isiraeli vakali na vasaza valeta kihanwa ku Yahova, vihaanwa viukwihaana kigira miyinzi josi ja Yahova yavalaga vakole kuvitira ku Musa.

Isaya 10:21

Vakekeeke ku vandu va Isiraeli valirana ku Nyasaye wavo wi zinguru.

Vikolwa 24:17

“Inyima wokomenya ihale kutura Jerusalemi ku ing'inga indambi, ndirana yo nimbilana ovokonyi vwa mabese ku avandu vi ihiiri yange kandi kuhaana visiuviliru ku Nyasaye.

Vagalatia 6:2

Mukonyane kuginga uvulitu vwa vuli mulala nu wache, na munzira yiyi muladuukiza lilago lia Kristo.