Danyeli 9:20 - KITABU KITAKATIFU

²⁰ Ndaazizagilira kusaala, nukwiganira uvwoni vwange kandi vwoni vwa vandu vange Isiraeli, ning'oonya Yahova Nyasaye yumbake uvuhia Litembeli lilie Litakatifu.

Danyeli 9:20 Iomraidhean Croise

Ezara 10:1

Lwa Ezara yaali nasigami mu lisaala imbiri wi Litembeli lia Nyasaye, nalira kandi niyiyamaa uvwoni vwa avandu ku Nyasaye, muganda munene gwa vandu va Isiraeli vasaza, avakali kandi avana vaza nivamukumbiriza kandi nivalira vululu ligali.

Nehemia 1:6

Mbenza O, Yahova na uhuliri lisaala liange lwa salira avatumikiri vovo, avandu va Isiraeli, mbasu nuvudiku. Nziyamaa ndi kunyi, avandu va Isiraeli harara na avaguuga viitu kwa kola vwoni imbiri woovo.

Zaburi 145:18

Yahova aveeye ahimbi ku yavo vosi avamwanira, ku yavo vosi avamwanira mu agiligali.

Zaburi 32:5

Maku, ndiyama uvwoni vwange vwosi ku ivi, na sindavisa mahiolo aange mba. Ndavoora, “Ndiganira uvwoni vwange ku Yahova; na ivi wasamiiha uvwoni vwange vwosi.”

Kohelethu 7:20

Siaveeye ho nu mundu mulungi mu kivala okolaa vulungi ing'inga yoosi, kandi uvula kokora vudamanu mba.

Isaya 56:7

“Ndamuleeta muduuki mu Ziyoni, kiguru change Kitakatifu, ndamuha uvusangari munyumba yange yilisaala, kandi ndavugilira visiuviliru vienyu via muhaanaa ku vwali vwange. Litembeli liange lilalangwa inyumba yilisaala ku vandu vi zihiiri ziosi.”

Isaya 58:9

Lwa musaala, ndamutivulira. Lwa mwanira ku inzi ndamutivulira. “Niiva mulatuliza iniira yi lidambiza hagati hinyu, nimuleka lichaya avandi nokovoora amakuva madamanu,

Isaya 6:5

Inzi ndavoora, “O, vayaayi, kivi keveeye ku inzi! Choosi cha mboraa keveeye chu vwoni, kandi menyaa hagati havandu va vuli likuva liavo liveeye liuvwoni. Navuzwa mali kolola mwami, Yahova Wuvunyali!”

Isaya 65:24

Kali imbiri wa vakikiri kumala lisaala liavo ku inzi, ndahaana amativuli ku lisaala liavo.

Danyeli 10:12

Maku yambolera, “Danieli, utatia mba Nyasaye umali kuhulira lisaala liilio kutura ing'inga yu kutanga lwa watovola kwegehiza kunangwa onyoore limanyiriza. Inzi mali kuduuka kigira gi lisaala liilio.

Danyeli 10:2

Mu ing'inga yene yeyo, ndaali nisioma ku ing'inga ya masiza gavaga.

Danyeli 11:45

Alakumbake mahema manene gu vukumi hagati hi inyanza ni kiguru, havundu hi Litembeli liumbakwa. Navuzwa alakakuzi vugira mundu kumukonya.”

Danyeli 9:16

O, Yahova, kolondekana ni vikolwa vivio viu vulungi, tuliza vutima vwuvwo ku lidaala lia Jerusalemi, kiguru kitakatifu. Jerusalemi harara na vandu vovo vaduuki mulichaywa hagati hayavo vosi avamali ku kukumberiza.

Zekaria 8:3

Inzi ndirana mu Jerusalemi lidaala liange litakatifu nokomenya mulio. Lilakalangwe lidaala lisuuvirifu kandi kiguru cha Yahova Wuvunyali, kilakalangwe kiguru kitakatifu.

Vikolwa 4:31

Lwa vamala kusaala, havundu ha vavuganira harara hadegerizwa. Vosi vizura Roho Mutakatifu kandi ni vatanga kwilwaza likuva lia Nyasaye nuvuluviliri.

Varumi 3:23

Avandu vosi vaakora vwoni, kandi vavura kuduuka ku vukumi vwa Nyasaye.

Yakobo 3:2

Kunyi kwosi kokora vudamanu kazozo amanyingi. Navuzwa niiva umundu woosi siakolaa vudamanu agaveeye kovora, aveeye umundu umudukiru, kandi anyala kulinda liiva lilie liosi.

Likunula 21:10

Ndaali kandi mu Roho, na engelosi yang'inga nimbila mu kiguru kenene kandi kitaambi. Yamanyia Jerusalemi, Lidaala Litakatifu likaa kutura mwigulu ku Nyasaye.

Likunula 21:2

Kandi ndaalora Lidaala Litakatifu, Jerusalemi imbia, nilikaa kutura mwigulu ku Nyasaye, nilietegekizwi kuli umwiha uwisiahiyi umusaza weve.