Danyeli 9:17 - KITABU KITAKATIFU

¹⁷ O, Nyasaye, hulira lisaala ni ligoonya liange. Yumbaka vuhia Litembeli liilio liamala kudivizwa: Liumbake vuhia kunangwa mundu vwosi amanye ndi ivi oveeye Nyasaye.

Danyeli 9:17 Iomraidhean Croise

1 Avami 8:28

Yahova Nyasaye wange, inzi mbeeye mutumikiri woovo. Hulira lisaala liange na uhaane mativuli ku lianira lia ngoteva kalunu.

Nehemia 1:6

Mbenza O, Yahova na uhuliri lisaala liange lwa salira avatumikiri vovo, avandu va Isiraeli, mbasu nuvudiku. Nziyamaa ndi kunyi, avandu va Isiraeli harara na avaguuga viitu kwa kola vwoni imbiri woovo.

Zaburi 119:135

Okole mumoni mumwo kong'ereng'ana ku mutumikiri vwovwo, kandi unzigize amalago googo.

Zaburi 4:6

Vaveeye ho vandu vanyingi avasaalaa: “Okohe uvugasu vunyingi, O, Yahova okohenze nuvulahi vweng'ine vuzwa!”

Zaburi 67:1

O, Nyasaye, okoveere zimbavasi kandi ukugasize. Okohenze nuvulahi vwosi.

Zaburi 67:2

Kunangwa avandu vosi ku lirova vaduuki kumanya uvulariri vuvwo; kunangwa zihiiri ziosi ziduuki kumanya ndi oveeye nizinguru okohonyia.

Zaburi 74:3

Genda ku manyange yaga; avasigu viitu vamali kwononyia vuli kindu mu Litembeli.

Zaburi 80:1

Ukuhuliri O, Yahova Mwayi wa vandu va Isiraeli, ukuhulirizi ivi uwaali wi visukululwi via Josefu kuli ichayo cha amagondi; Ivi wikala kondeve yu vwami igulu wa Vakerubi, ong'ereng'ane,

Zaburi 80:19

O, Yahova Nyasaye Wuvunyali, yaanza ukwiranyie. Maku okoveere zimbavasi, na kunyi kulahonywa.

Zaburi 80:3

O, Nyasaye, yaanza ukwilanyie okoveere zimbavasi kandi okohonyie ku avasigu viitu!

Zaburi 80:4

O, Yahova Nyasaye Wuvunyali, ulavihilirwa lisaala lia vandu vovo kuduuka ing'inga ki?

Zaburi 80:7

O, Nyasaye, Wuvunyali, yaanza ukwiranyie, ma okoveere zimbavasi na kunyi kulahonywa ku vasigu viitu.

Isaya 48:11

Ndaakola yaga kigira inzi mbeeye Wuvunyali, sindaleka lieta liange livuli kohevwa luyali mba, noho sindaleka munyasaye wundi kohevwa lizominywa mba.”

Lisyoma lya Jeremia 3:56

Kandi lwa ndakogonya uhuliri lianira liange, ivi wahulira.

Lisyoma lya Jeremia 5:18

Kigira kiguru cha Ziyoni kitigaa hazwa, kandi vivwi vwumuvulimu vigenda mumang'anye ga cho.

Danyeli 9:19

Yahova, ukuhuliri; Yahova ukusamihi. Yahova hulira lisaala lietu kandi okole kolondekana ni lienya liilio. Kunangwa mundu woosi amanye ndi ivi oveeye Nyasaye, utalindagira mba! Lidaala yili harara na vandu yava vaveeye mulio navoovo.”

Yohana 16:24

Kuduuka kalunu mukiri koteeva kindu choosi mu lieta liange. Musaale na munyi mulahevwa, kunangwa uvusangari vwinyu vuduuki kuduukizwa ligali.

2 Vakorintho 1:20

niyie oveeye “Yee” ku lisuuvirizwa liosi lia Nyasaye. Yiki nicho kigira kuvitira mu Kristo Yeso, livoora “Amini” lietu liveeye ku lwu vukumi vwa Nyasaye.

Likunula 21:23

Lidaala linene zana siliveeye ni liuva anoho umweli ukwaka kulio mba, kigira uvukumi vwa Nyasaye vwalilaviza. Itaya yalio nu Mwana wi Ligondi.