Danyeli 9:16 - KITABU KITAKATIFU

¹⁶ O, Yahova, kolondekana ni vikolwa vivio viu vulungi, tuliza vutima vwuvwo ku lidaala lia Jerusalemi, kiguru kitakatifu. Jerusalemi harara na vandu vovo vaduuki mulichaywa hagati hayavo vosi avamali ku kukumberiza.

Danyeli 9:16 Iomraidhean Croise

Nehemia 9:8

Ivi wanyoola mwoyo gwigwe gwaali musuuvirifu ku ivi, na ivi walomba lilagana naye. Ivi wamusuuviriza kumuha kivala cha Avakanaani; ikivala cha Avahiti na Avaamori, ikivala cha Avaperezi, Avajebusi na Avagirigashi, kuva ikivala ichi visukululwi vivie vilakamenye mu. Ivi walinda lilagana liilio, kigira oveeye musuuvirifu.

Zaburi 143:1

O, Yahova, hulira lisaala liange, huliriza ku ligoonya liange mu vulungi vuvwo; kandi undivuliri, mu vusuuvirifu vuvwo!

Zaburi 31:1

O, Yahova, nzirukiraa ku ivi osoore, utaandeka nduuki kuguutwa, Ivi Nyasaye mulungi; ngusaala, ombonyie!

Zaburi 41:13

Yahova yizominywi, Nyasaye wa Isiraeli, yizominywi kalunu kuduuka mihiga ni mihiga Amini! Amini!

Zaburi 71:2

Ombonyie kandi ongonye mu uvulungi vuvwo. Umbulirizi na ombonyie.

Zaburi 79:4

Zihiiri zia kumberiza kunyi zikonyegaa vuli kazozo, zi kosekeliza nu kokokolera kehenyahenye.

Zaburi 85:4

O, Nyasaye muhonyi vwitu ukwiranyie, kandi na olekele livihirirwa ku kunyi.

Zaburi 89:51

O, Yahova, avasigu vovo vanyega mwami woovo mutovole! Vamunyega nu kumusekeriza havundu hoosi aha azizaa.

Kutwula 20:5

Mutinamiri nukusigamira kifananyi choosi mba, kigira Inzi mbeeye Yahova Nyasaye winyu kandi simbugilira avanyasaye vandi mba. Mbana amageri ku yavo avandunyira kandi ku visukululwi viavo kuduuka ku likula lia kavaga kuduuka ni lia kane.

Isaya 5:25

Kigira yaga, Yahova aveeye nu vutima na vandu veve na umali kunyiira mukono gwigwe ukuvaha amageri. Ivigulu viladegera, miviri ja yavo avakuzaa jilalekwa muzinzira kuli mavivi. Na kali ndio uvutima vululu vwa Yahova sivulalekera mba; navuzwa alanyiira mukono gwigwe kuhaana amageri.

Jeremia 24:9

Ndaleta kivi yiki kuvo, na kilava litihiza linene ligali ku zihiiri ziosi ziu mulirova. Avandu valavasekeriza, nukuvakolera ekehenyahenye kandi nukuvalegeriza, nukutumikira amita gaavo kuva kuli kiramo havundu hoosi handakavasalanye.

Jeremia 29:18

Inzi ndavalonderera ligali ni liihi, inzara enene ligali nu uvulwaye; kandi zihiiri ziosi zie lirova zilava nu vuti vunyingi ligali kolola yaga. Vuli havundu hoosi hambahila, avandu valava ni ligenya kandi nuvuti ku agaamali kokoleka kuvo. Avandu valavasekeriza nukuvakolera kehenyahenye, kandi kutumikira amita gaavo kuva kuli kilaamo.

Jeremia 32:31

Avandu vi lidaala linene yili vamali kuvuukiza vutima vwange kutura ing'inga lidaala yili liumbakwa. Kulwayago, mali kusaavira kulidiviza ligali,

Jeremia 32:32

kigira uvudamanu vwosi vwa avandu vi Ivuyuda kandi Jerusalemi vamali kokora, harara na avami vaavo kandi na aviimiliri vaavo, na avasaalisi kandi na avaporofeti vaavo.

Ezekieli 22:4

Muveeye ni lihiolo kigira avandu va mwita kandi mwayonogonywa ni vifananyi via mwalomba. Kulwayago lidiku lienyu liveeye ahimbi kandi mihiga jiinyu jimali kuduuka! Yiki nicho kigira Inzi mali koleka zihiiri zimukolere ekehenyahenye kandi vivala viosi vimuseke mulilegelizwa.

Ezekieli 5:14

Ndamukora muve hazwa kandi mulanyegwa hagati hi zihiiri zimukumberizi, kandi imbiri wa yavo vosi avavitaa ahimbi nu munyi.

Danyeli 11:45

Alakumbake mahema manene gu vukumi hagati hi inyanza ni kiguru, havundu hi Litembeli liumbakwa. Navuzwa alakakuzi vugira mundu kumukonya.”

Danyeli 9:20

Ndaazizagilira kusaala, nukwiganira uvwoni vwange kandi vwoni vwa vandu vange Isiraeli, ning'oonya Yahova Nyasaye yumbake uvuhia Litembeli lilie Litakatifu.

Joeli 3:17

“Maku, munyi Isiraeli mulamanya ndi inzi mbeeye Yahova Nyasaye winyu. Menyaa mu Ziyoni, kiguru change Kitakatifu. Jerusalemi lilava lidaala Litakatifu; avageni sivalaliguuta kandi mba.

Zekaria 8:3

Inzi ndirana mu Jerusalemi lidaala liange litakatifu nokomenya mulio. Lilakalangwe lidaala lisuuvirifu kandi kiguru cha Yahova Wuvunyali, kilakalangwe kiguru kitakatifu.

2 Vatesalonike 1:6

Nyasaye alakola agaveeye malungi: Alatungaa ikivi ku yavo avamukubizaa ikivi

1 Yohana 1:9

Niiva kuliyama uvwoni vwitu, Nyasaye aveeye musuuvirifu kandi mulungi, na alakusamiiha uvwoni vwitu kandi alakutakasa kutura ku vuchamu vwosi.

1 Samweli 2:7

Akolaa avandu valala vadaka, na vandi vatugi. Agehizaa avalala na vandi avanenehiza.