Danyeli 9:15 - KITABU KITAKATIFU

¹⁵ “O, Yahova Nyasaye wiitu wamanyia zinguru zizio lwa watuliza avandu vovo mu kivala cha Egebeti, kandi zinguru zizio zikizulizwa. Kwamala kokora uvwoni kandi kwamala kokora uvuchamu.

Danyeli 9:15 Iomraidhean Croise

1 Avami 8:51

Vaveeye vandu vovo kandi miandu jijo, avandu kutura Egebeti, kutura hagati hi kisambiru chi kivia.

2 Avami 21:15

Ndakora yaga ku vandu vange kigira vamali konzonela, kandi vamali kuvukiza vutima vwange kutura ing'inga ya vaguuga vaavo vatura lwa vaatura Egebeti kuduuka lero.”

2 Kyetsinyinga 6:37

hulira lisaala lia vandu vovo. Niiva valiganira nu kusaala ku ivi mu kivala chene yicho, nokovoora zimbi ziavo ku ivi, hulira lisaala liavo, O, Yahova.

Nehemia 1:10

“O, Yahova, yava vaveeye avatumikiri vovo, avandu vovo. Ivi wavahonyia ni zinguru zizio.

Nehemia 1:6

Mbenza O, Yahova na uhuliri lisaala liange lwa salira avatumikiri vovo, avandu va Isiraeli, mbasu nuvudiku. Nziyamaa ndi kunyi, avandu va Isiraeli harara na avaguuga viitu kwa kola vwoni imbiri woovo.

Nehemia 9:10

Ivi wakola vilolekizu viokogenyia ku mwami wa Egebeti, ku vatumikiri veve kandi ku avandu vi kivala chiche, kigira wamanya kuli vadambiza avandu vovo. Ivi wahevwa ilieta liuluyali lia ukikiri nalio kuduuka kalunu ndi.

Zaburi 106:8

Navuzwa yavahonyia kuli yaali niyavasuuviriza. Kunangwa vaduuki kumanyia zinguru zizie zinene.

Kutwula 13:14

Mu zing'inga ziza, lwu muyaayi wowo alikoteeva icha makuva yaga gavoora, ulamutivulira ndi, ‘Yahova yatumikira zinguru zizie zinene kukutuliza mu kivala cha Egebeti, havundu ha kwaali avatugwa.

Kutwula 13:16

Lilinda lilaga yili lilava chukwizuliziraku kuli kindu kevoheeywi ku makono giitu anoho ku vweni vwitu; kilakakwizulizi ndi, Yahova yakutuliza Egebeti kuzinguru zizie zinene.’ ”

Kutwula 13:3

Musa yavolera avandu, “Mwizurizi lidiku yili lia mwatula mu Egebeti, wa mwaali avatugwa. Yili nilidiku lia Yahova yaamutuliza yo nizinguru zizie zinene. Mutalia mugadi gwa mamera mba.

Kutwula 13:9

Yiki kilava kuli kelolero ku makono ginyu, kandi kuli lizuliza mu zimoni zienyu. Muzizagiliri kovora lilago lia Yahova, nukulisoma kigira umali kumutuliza mu Egebeti ni zinguru zizie zinene.

Kutwula 14:18

Lwambaguuta, avandu va Egebeti valamanya ndi Inzi mbeeye Yahova.”

Kutwula 32:11

Navuzwa Musa yagoonya Yahova Nyasaye weve, navoora, “Yahova, kigira ki uvutima vuvwo voveeye ku avandu vovo, avawahonyia nuvunyari vuvwo vonene nuvatuliza mu kivala cha Egebeti?

Kutwula 6:1

Maku Yahova yavolera Musa, “Kalunu uzizaa kolola icha nziza kokora ku Mwami wa Egebeti, Ndamuniga aleke avandu vange vazie. Mugiligali, ndamuniga avakungi vatuli mu kivala chiche.”

Kutwula 6:6

Kunangwa, volera vandu va Isiraeli ndi inzi mboraa kuvo, ‘Inzi mbeeye Yahova; ndamusoola nukumuvoholora muturi mu vutugwa vwinyu ku vandu va Egebeti. Ndanyira mukono gwu vunyali vwange okoleta amageri gukutihiza kuvo, na ndamuhonyia.

Kutwula 9:16

Navuzwa kukumanyia zinguru ziange inzi mali koleka ivi ove mwoyo, kunangwa lusuma lwange luduuki kulanda mu lirova liosi.

Isaya 55:13

Misaala ji midaragwa jilamera muvogono vwi viguunzanguva; zinzuvu zilamera mu vogono vwa amafa. Yiki kilava ekelolero kilihindira mihiga ni mihiga, ukwizuliza avandu ivindu via inzi Yahova mali kokora.”

Isaya 64:4

Sihaveeye ho nu mundu kali mulala uwalora anoho uwahulira Nyasaye kuli ivi mba, okolaa vikolwa kuli yivi ku yavo avasuuviraa muye.

Jeremia 14:20

Kunyi kumali kokora uvwoni imbiri woovo, O, Yahova; kwiyaama uvwoni vwitu aveene, kandi uvwoni vwa avaguuga viitu.

Jeremia 32:10

Inzi ndaviika ku mukono ku ibarwa yu mulimi yiyi, kandi nimbika ku muhuri. Ndaalanga avaloli kuva avalolekizi, kandi ndaamugelera vidonye 17 vie ifeza ku ziratiri.

Lisyoma lya Jeremia 3:42

“Kunyi kumali kokora uvwoni nukwibaala, na ivi, O, Yahova, siukusamihi mba.

Ezekieli 5:6

Navuzwa Jerusalemi limali kwibaala ku malago gange kandi limali kumanyia ndi ni Lichamu ligali kuvita zihiiri zindi, kandi siliveeye nuvuti kuvita vivala vindi viagikumberiza. Jerusalemi yasura lilaga liange kandi vavura kolonda malago gange.

Danyeli 9:5

“Kumali kokora uvwoni, koveeye avadamanu, kumali kokora vuchamu, kwaleka guwakulaga kokole, kandi kwagirung'ana kutura ku gawakumanyia agaveeye malungi.

Luka 15:21

Mwana weve yamuvolera, ‘Baba ndayonera Nyasaye kand ivi. Sindukani kulangwa mwana woovo kali hakuzu mba.’

Luka 18:13

“Navuzwa musololi wu vusuuru uyu, yasingira ihale. Siyaali anyala kali kuginga vweni vwivwe aheenze mwigulu mba, nitali yiduya ku kiritu chiche navoora, ‘O, Nyasaye, inzi mbeeye mwoni. Ombere zimbavasi!’

2 Vakorintho 1:10

Nyasaye yakohonyia kutura mu vuhimwa vonene ligali vwi likuza, kandi alakohonyia; kunyi kumali kuviika lisuuvirizwa lietu muye ndi alahonyia kunyi kandi,

Kwidzulitsa 5:15

Mwizurizi ndi mwaali vatugwa mu Egebeti, ma kandi, Inzi, Yahova Nyasaye winyu, ndaamuhonyia kutura yo ni zinguru ziange zinene. Yiki nicho kigira nimugulaga mulindi lidiku lie Lisabato.