Danyeli 9:13 - KITABU KITAKATIFU

¹³ kuli ga ng'odwa mu malago ga Musa, kivi yiki choosi chaduuka ku kunyi, navuzwa si kwayaanza ivi Yahova Nyasaye mba. Si kwagirung'ana kutura muvwoni nokolonda agaveeye giligali googo mba.

Danyeli 9:13 Iomraidhean Croise

2 Avami 22:16

amakuva ago kutura ku Yahova: “Nziza kuhaana umageri ku Jerusalemi harara na vandu vamenyi mu vosi, kuli gang'odwa mu kitabu chu mwami amali kosoma.

Ayubu 36:13

“Yavo avataveeye na Nyasaye mu mioyo jaavo, vazizagiliraa kuva nu vutima; Kandi kali lwa vahevangwa mageri, sivaniraa ovokonyi mba.

Zaburi 119:18

Ukunuli zimoni ziange, kunangwa nduuki kolola agiligali gokogenyia mu lilaga liilio.

Zaburi 119:27

Ngonya kumanyiriza malago googo, na ndaganagana ligali ku amigizu googo gokogenyia.

Zaburi 119:73

O, Yahova, ivi wanomba kandi waniinda vulahi; ombe limanyiriza kunangwa nduuki kwiga amalago googo.

Zaburi 85:4

O, Nyasaye muhonyi vwitu ukwiranyie, kandi na olekele livihirirwa ku kunyi.

Isaya 31:1

Avandu vazizaa Egebeti konyoora ovokonyi vaveeye mu kivi! Vasuuvira mu liihi lia Egebeti lie zinguru, lie zibarasi ziu kunina ku lia magare gu vulwani kandi lia vasikari. Navuzwa si vasuuvira mu Yahova, Nyasaye Mutakatifu wa Isiraeli mba, anoho si vateevaa ovokonyi kutura kuye mba.

Isaya 42:9

Vindu viandavula vimali kololeka kalunu kuva agiligali. Kalunu ndamuvolera vindu vigeni vizizaa kokoleka kali imbiri wa vikikiri kwekoleka.”

Isaya 43:22

Yahova avoora, “Navuzwa munyi avandu va Isiraeli mwaluhizwa ninzi; simwasigamira mba.

Isaya 64:6

Kunyi kwosi kwaveeye avoni, kali vikolwa vietu vilungi viveeye kuli inguvu ifunyaa vugundu. Kigira uvwoni vwitu, koveeye kuli amatu ganiara ma gabulukizwa nimbuuza.

Isaya 64:7

Siaveeye ho mundu kali mulala usaala ku lieta liilio mba, anoho mundu kali mulala uzaa ku ivi anyoore ovokonyi mba. Ivi umali kwivisa kutura ku kunyi kandi umali kokoleka kigira uvwoni vwitu.

Isaya 9:13

Avandu va Isiraeli vakikiri kwiganira; kali niiva Yahova Wuvunyali uvaheeye mageri, vakikiri kwirana kuye.

Jeremia 2:30

Ndaamuha amageri, navuzwa yago goosi sigali kindu ku munyi mba. Simwambugirira kumulungikiza mba. Kivavi chiinyu aveene kimali kwita avaporofeti vinyu, kuli isimba induru yukwononyia.

Jeremia 30:14

Avayaanze vinyu vosi vamali ku mwivilira; sivamuhendera mwoyo mba. Inzi mali kumwingilira kuli musigu; amageri ginyu gaveeye amalulu, kigira vwoni vwinyu voveeye vunyingi ligali; kandi uvuchamu vwinyu voveeye vonene ligali.

Jeremia 31:18

“Inzi mbulira avandu va Isiraeli nivavoora muvovereri, ‘Yahova kwali kuli mutugu gutatugwa, navuzwa wakwigiza kutia amalago. Ukwiranyie; kwetegeki kwirana ku ivi, Yahova Nyasaye wiitu.

Jeremia 44:23

Ing'inga yiyi ikivi kimali kuduuka ku munyi kigira mwahaana visiuviliru ku avanyasaye vandi kandi mwakora uvwoni imbiri wa Yahova kulivula kutia amalago geege goosi.”

Jeremia 44:27

Inzi ndalora ndi munyi si mulagasizwa mba, navuzwa muladivizwa. Munyi vosi avamenyi mukivala cha Egebeti mulakuzira mu liihi anoho mulakuza kigira inzara, kuduuka mwosi muhere.

Jeremia 5:3

Gaveeye agiligali ndi Yahova ahenzaa vusuuvirifu. Yamuha amageri, navuzwa si mwenya kuhulira mba; yaamuduvulanyia, navuzwa mwasuura kwiga. Mwaali nikilage kuli ligina kandi mwasura kwiganira uvwoni vwinyu.

Lisyoma lya Jeremia 5:21

O, Yahova, ukwiranyie ku ivi! Ukwiranyie! Ukwiranyiri vukumi vwitu vwali vwizing'inga zia kale.

Ezekieli 16:43

Mwamala kwivilira kuli ndamukolera lwa mwaali avasoleri, kandi mumali kongola kuva nu vutima kigira ivindu viosi viamumali kokora. Yiki nicho kigira mali kumukola mutungi viosi. Kigira ki munyi mwameeda miyinzi jumuviri kuvindu viosi viukuvihiliriza viamwakola?” Yahova Wuvunyali umali kovora.

Danyeli 9:11

Avandu va Isiraeli vosi vaavunaga malago googo kandi vasuura kuhulira aga wavoola. Wavika ku kunyi kilaamo cha ng'odwa mu malago ga Musa mutumikiri woovo kigira kwamala kokora uvwoni.

Hosea 7:10

Liegingira lia avandu va Isiraeli livalolekiza. Kali niiva ivindu viosi viamala kwekoleka, sivayirana ku inzi Yahova Nyasaye wavo anoho konyenya mba.

Hosea 7:14

Si vasaye ku inzi mugiligali mba, navuzwa muvogono yivwo vagwiza hasi aveene kandi nukulira kuli avandu vatamanyi Nyasaye. Lwa vasaala kigira vuswage ni iwaini, vetemaa aveene kuli avandu vatamanyi Nyasaye. Vamali kwibaala ku inzi!

Hosea 7:7

“Mu uvutima vwavo vululu vita avanene vaavo. Vami vaavo vamali kwitwa, navuzwa siaveeye ho kali umundu mulala usaala ku inzi kigira ovokonyi mba.”

Luka 24:45

Maku Yeso yakunura zing'anagani ziavo vaduuki kumanya mang'oda matakatifu.

Yohana 10:35

Nyasaye yalanga avandu yavo, avanyasaye, avandu va yaaha likuva lilie, na kunyi kumanyi ndi Mang'oda Matakatifu gavoora agiligali kazozo, na siganyala kuvunagwa mba.

Yohana 6:45

Gang'odwa mu vitabu via avaporofeti, ‘Nyasaye aligiza avandu vosi.’ Vuli mundu uhulira Baba na ukwiga kutura kuye, yaazaa ku inzi.

Yohana 8:32

mulamanya agiligali, na agiligali zana galamukola muve avavoholore.”

Vafeso 4:21

Gaveeye havulavu, mwahulira vulahi amakuva geege, kandi kuli avalondi veve mwigizwa agiligali agaveeye mu Yeso.

Kwidzulitsa 29:4

Navuzwa kuduuka lidiku liene yili, Yahova akikiri kumuha zing'anagani ziukumanyiriza anoho zimoni ziokolola anaho amatu gukuhulira vindu viekoleka.

Yakobo 1:5

Navuzwa niiva mulala ku munyi adaka ovogeri gamudukira asaale ku Nyasaye, uhaanaa nu mwoyo gwosi kandi ni zimbavasi ziosi ku avandu vosi.