Danyeli 8:8 - KITABU KITAKATIFU

⁸ Imburi yaazizagilira kufuriana, navuzwa mu vunyingi vwi kirage chayo, ulwiga lwayo lulala lwavunika. Zinziga zine zinene ziamera mu vogono vwu lwiga lulala lwavunika, na vuli lwiga lwa henza igulu mu lovega lwalwo.

Danyeli 8:8 Iomraidhean Croise

2 Kyetsinyinga 26:16

Navuzwa lwu mwami Uzia yagwa wizingulu ligali, yaali ni liegingira; na lielola lilie liamudiviza. Si yahulira Yahova Nyasaye weve lwa yazia mu Litembeli ukusamba kimuli ku vwali mba.

Esther 9:4

Gaali nigaakamanyikana vulahi mu vwamihi vwosi ndi, Modekai aveeye umundu wi zinguru munyumba yu vwami, kandi yaali namedekaa kuva nu vunyali ligali.

Jeremia 49:36

Ndakora imbuza kuhuuza ku Elamu kutura mu zimbega ziosi, kandi ndasalanyira avandu veve havundu hoosi, kuduuka avahaali vaavo navazie muvivala viosi.

Jeremia 5:27

Kuli umuhimi yizuliza amasera geege namanyonyi, nandio avandu yava vamali kwizuliza zinyumba ziavo nivindu via vamali kulanya. Yiki nicho kigira avandu yava nivava nizinguru kandi avatugi,

Ezekieli 16:7

Ndaamukora nimuviruka kuli kitagwa kinifu. Mwaviruka nizinguru nimutambiha kandi nimuva kuli magina guvuguli malahi ligali. Zimbeere zienyu zialombwa vulahi, kandi liisu lienyu liatambiha, munyi avaari chahonyo kandi vugira kindu.

Ezekieli 28:9

Lwa vaza kukwita, ulazizagilira kovora oveeye nyasaye imbiri wavo? Si ulava nyasaye mba, navuzwa ulava mundu vuzwa imbiri wa yavo avakwita.

Danyeli 11:4

Navuzwa mu ing'inga yu lusuma lwi zinguru zizie, vwamihi vwivwe vulakavukane mu vidonye vine. Avami valiamiiha ha vogono vwivwe si valakatuli mu visukululwi vivie mba, kandi si valakave ni zinguru kuli zia yaali nazio mba.

Danyeli 4:31

Lwa yaali nakikiri kumala komoloma mwoyo gwamoloma kutura mwigulu ni govoora, “Mwami Nebukadineza, huliriza gambolaa! Uvwamihi vwuvwo vumali kuvugulwa kutura kuivi.

Danyeli 5:20

Navuzwa kigira yaali ni liegingira, kilage kandi nava mululu, yatulizwa ku vwami kandi naagotiza luyali lwilwe.

Danyeli 7:2

Ndalora malola vudiku, imbuza inene yajukanyia inyanza.

Danyeli 7:6

Lwa ndaali ningiheenza, king'ang'a kindi chatulira. Chaali kuli engo, navuzwa chaali ni zimbaha zine ku mugongo gwacho, zimbaha yizio ziali kuli zie linyonyi kandi chaali ni mitwi jine. Chaloreka kuva nuvunyari.

Danyeli 8:22

Zinziga zine ziamera havogono hu lwiga lulala lwavunika, zimanyaa vwamihi vone vwi ihiiri indala yaza igavulanywemu, navuzwa si navove vwi zinguru kuli vwamihi vwu kutanga mba.

Danyeli 8:5

Lwa ndaali ningiganagana kigira makuva gi ligondi, nonoho imburi yaali nu lwiga lulala lonene hagati hi zimoni ziayo, yaza kutura Imadioli. Yafuriana ligali, kali virenge viayo si viadiira hasi mba.

Danyeli 8:7

Imburi yiyi yazia kulwaana ligondi. Yaali nu vutima ligali, yaduya ligondi kuduuka zinzinga zialio ziviri nizivunika. Ligondi si liali nizinguru ziu kulwaana imburi mba. Imburi yatura ligondi hasi, kandi niliduvagira kumalova. Si yaliho mundu waali unyala kosoola ligondi mba.

Matayo 24:31

Naye alatuma zingelosi veve ni kisiriva chu mwoyo munene, navo valavungiza avatovole veve vatuli zimbega zine ziosi zie lirova, kutura ku keheri yiki kuduuka ku keheri kindi chi lirova.

Marko 13:27

Maku Kristo alatuma zingelosi veve kuvungiza avatovole veve kutura mu zimbega ziosi zine zie lirova kutura ku keheri chi lirova kuduuka ku kindi.

Kwidzulitsa 31:20

Ndavahila mu kivala kitugi kandi kenoru yiki, kuli ndasuuviriza avaguuga vaavo. Uwene yeyo valava ni chukulia choosi cha venya, na valamenya mu lielemeriza. Navuzwa valayeeka halovega kandi vasigamiri avanyasaye vandi. Valasura nukuvunanyia lilagana liange,

Likunula 7:1

Inyima wa yaga ndaalora zingelosi vane ni vasiingi ku zimbega zine zie lirova. Vagumira izimbuuza zine zie lirova zivuli kuhuuza ku lirova nu kunyanza, kandi ku misaala josi.