Danyeli 8:23 - KITABU KITAKATIFU

²³ “Lwe keheri chu vwamihi yivu kiliva himbi, kandi lwa navave nivaveeye avachamu ligali kali kuduuka kulinyoola mageri, halakaveho nu mwami mudamanu ligali kandi utaveeye nusuuvirifu.

Danyeli 8:23 Iomraidhean Croise

Litanga 15:16

Ku ing'inga ya makura gane, imbiri wi visukululwi vivio vilirana hano, kigira inzi si ndakunga vandu va Amori mba, kuduuka lwa vakora uvudamanu ma vanyoore amageri.”

Tsing'ano 1:6

kunangwa aduuki kumanyiriza vivuni viaviswa viu musi vie zing'ano kandi gaturaa ku vandu vovogeri vatangia.

Ezekieli 38:16

Ivi nuwingiliri avandu vange va Isiraeli kuli ikiihi kikuguta ku kivala. Lwi ing'inga iliduuka, ndakakutumi kwingilira kivala change, kunangwa umanyie zihiiri ndi, inzi mbeeye vwaha, nukumanyia vutakatifu vwange agandaza ngole kuvitira mu ivi.

Ezekieli 38:8

Inyima wi mihiga minyingi, ndakamulage yingiliri kivala uwa vandu viranywa harara kutura mu zihiiri zinyingi vamenyi vugira uvuti vwu vulwani. Alakingiliri vigulu via Isiraeli, iviali hazwa kandi vialekwa ku ing'inga indambi, navuzwa uwa avandu vosi kalunu vamenyi mu mirembe.

Danyeli 10:14

Mali kuduuka kunangwa ivi uduuki kumanya agazizaa kwekoleka ku vandu vovo mu madiku gaaza.” Yaga namalola kigira makuva gaaza.

Danyeli 11:21

Engelosi yaazizagilira kwivaala: “Mwami wa Siria ulilonda ku alakave mundu mudamanu ulivula kwenyeka kuva mwami, navuzwa alakaze vugira kumanyikana nu kuvugura vwami munzira yu vugadi.

Danyeli 11:24

Alakingiliri kivala chu vutugi vugira kuviganihiza, kandi alakakole vindu viokogenyia via vaguuga veve vukutanga vavura kokora mba, maku alakagavulanyile valondi veve vilaanye via yavugula mu liihi. Alakave ni lilohiza liokwingilira zimbinga, navuzwa ing'inga yeye iladuuka ku keheri vwangu.

Danyeli 7:11

Lwa ndaali ningiheenza, ndahulira lwiga lokekeeke ni lwidayaa kandi nukwigingira. Lwa ndaali ningiheenza, king'ang'a cha kane chiitwa, kandi muviri gwacho gwasiuvwa mu lomemo lwu muliru ni gudivizwa.

Danyeli 7:20

Ndeenya kandi kumanya kigira zinziga likomi ku mutwi nu lwiga lwamera lwinyima nu kutuura zinziga zindi zivaga. Lwali ni zimoni kandi munwa gwu kwidaya no kwevoora. Chaali king'ang'a chu kutihiza kuvita ving'ang'a vindi.

Danyeli 7:25

Alakachaye Nyasaye wu mwigulu kandi kudambiza vandu veve. Alakagelizi kugirung'anyia malago gi dini kandi masavo. Alakimiliri vandu va Nyasaye ku mihiga givaga ni nusu.

Danyeli 7:8

Lwa ndaali ningiheenza ku zinziga, ndaalora lwiga lundi lukekeeke lumeraa hagati mu zindi. Lwatandulanyia zinziga zivaga ziali nizimali komera. Lwiga yilu lwali ni zimoni kuli ziu mundu na munwa gwamolomaa nu vwelori.

Danyeli 8:22

Zinziga zine ziamera havogono hu lwiga lulala lwavunika, zimanyaa vwamihi vone vwi ihiiri indala yaza igavulanywemu, navuzwa si navove vwi zinguru kuli vwamihi vwu kutanga mba.

Danyeli 8:24

Alakave ni zinguru, navuzwa si zilivaa kigira vunyali vwivwe mba. Alakaleete lidiviza liu kutihiza kandi alakakole mu vindu viosi viakola. Alakadivizi vasaza vi zinguru kandi avandu va Nyasaye.

Danyeli 8:25

Kigira aveeye mundu mugadi, alazizagilira kokora vulahi mu vugadi vwivwe. Alava ni lielola kandi aladiviza vandu vanyingi vugira lieganihiza. Kali alakachaye mwami munene ku vosi, navuzwa alakadivizwi vugira zinguru ziu mundu.

Livalidza 24:24

Aviguliri valaza kutura Saipurasi valaguuta vandu va Siria na vandu va Eberi, Navuzwa yavo valakadivizwi mihiga ni mihiga.”

Matayo 23:32

Muzizagiliri kumaliriza imiyinzi ja vaguuga vinyu vatangiza iju uvwoni!

Kwidzulitsa 28:50

ihiiri ihenzaa vululu ligali, itaveeye ni zimbavasi ku vasakulu kandi ku avasoleri.

1 Vatesalonike 2:16

Kali vageriza kukugaya kuvuli kwilwaza ku avandu vi Zihiiri likuva linyala kuvaletera ovohonyi. Munzira yiyi vavungizaa uvwoni vwavo vwa vakora kazozo kandi kalunu vutima vwa Nyasaye vuduuki kuvo ligali mu limaliriza.

Likunula 19:20

Iking'ang'a zana chagumirwa harara nu umuporofeti wo vovehi waali naakori ivilolekizu imbiri weve. Yatumikira ivilolekizu yivio ukugaada avandu vaali nu muhuri gwi king'ang'a, na yavo avasigamira kifananyi chacho. Iking'ang'a nu umuporofeti wo vovehi vasuvwa munyanza yu muliru iyakaa nu kuvasaamba ni kibiriti nivaveeye mwoyo.