Danyeli 8:12 - KITABU KITAKATIFU

¹² Avandu vakora uvwoni havogono hu kuhaana visiuviliru vilahi via vuli kazozo, Idini ya giligali yonogonywa; lwiga yilu lwazizagilira vulahi mu vindu viosi via lwakola.

Danyeli 8:12 Iomraidhean Croise

Ayubu 12:6

Avanuuli vaveeye nu murembe, kandi avavihirizaa Nyasaye, vaveeye mu vulindi vulahi kandi mu mirembe, nyasaye wavo ni zinguru ziavo.

Zaburi 119:142

Uvulungi vuvwo vulahindira mihiga ni mihiga, kandi Amalago googo gaveeye ga giligali kazozo.

Zaburi 119:43

Ongole nduuki kovora agiligali vuli ing'inga, kigira lisuuvira liange liveeye mu likalaga liilio.

Zaburi 28:5

Sivaganaganaa ku vindu via Yahova amali kokora mba. Anoho ivia Yalomba; kandi alavadiviza mihiga ni mihiga.

Isaya 59:14

Likalaga lirungi liviikiywi halovega, na uvulungi vusingiyi ihale. Agiligali gikigitaye nukuduvagwa mu viina; na uvusuuvirifu sivunyala konyoora ovogono muzio mba.

Jeremia 12:1

“O, Yahova, ivi oveeye mukalagi mulungi kazozo lwa ndeta amakuva gange imbiri woovo. Nitali kuduuka ndeve ivi ivindu kigira uvulungi. Kigira ki avandu vachamu vagasizwa? Kigira ki avandu vataveeye vasuuvirifu vaguuta?

Danyeli 11:28

Mwami wa Siria alakilane yengo ni vilaanye via yavugula natovoye kudiviza idini ya vandu va Nyasaye. Alakakole kuli yenya ma lirane mu kivala chiche.

Danyeli 7:21

Lwa ndaali ningiheenza, lwiga yilwo lwaloomba liihi na vandu va Nyasaye kandi lwavaguuta.

Danyeli 8:4

Ndaalora ligondi yili ni liduyaa ni zinziga zialio kolovega lwi madioli, Ivaale kandi Isavaalu. Si yaliho niinyama yaali inyala kuligalira mba, kandi si yaali ho mundu waali unyala kohononoka kutura kuzinguru zialio mba. Liakora kuli lialalira kandi nilifuriana ni kirage.

Likunula 13:7

Yahevwa kandi umunwa kulwaana na vandu va Nyasaye, nu kuvaguuta. Chahevwa uvunyali ku zihiiri ziosi, ku avandu vosi, nuku zinimi ziosi.

1 Samweli 23:9

Lwa Daudi yahulira ndi Saolo alohizaa kumwingira, yavolera musaalisi Abiazari, “Leeta kisibaho hano.”