Danyeli 7:4 - KITABU KITAKATIFU

⁴ King'ang'a chu kutanga chaali kuli isimba, navuzwa chaali ni zimbaha kuli indizu. Lwa ndaali ningikiheenza, zimbaha ziifwa. King'ang'a yicho chahinulwa nikisingilizwa vulungi kuli mundu na chahevwa zing'anagani ziu mundu.

Danyeli 7:4 Iomraidhean Croise

2 Samweli 1:23

“Saolo na Jonazani, vaali avalahi kandi avayaanzwa ligali. Mulivamwoyo, kandi mu likuza; sivaavukana mba. Vaali avizimbiru kuvita zindizu. Vaali avizingulu kuvita zisimba.

Ayubu 25:6

Kunangwa na sindi mundu oveeye kiguguli, kandi mwana wu mundu oveeye eng'ende?”

Zaburi 9:20

O, Yahova! Uvakole vatie ligali! Uvakole vamanye ndi vaveeye vuzwa avandu vakuzu.

Jeremia 25:38

Yahova amali koleka avandu veve kuli isimba elekaa uluhangaywa lwayo. Vutima vwa Yahova kandi litihiza linene lie liihi vimali kugirung'anyia kivala kugwa changalangwi.

Jeremia 4:13

Henza, musigu yaza kuli amalesi. Amagare geege gu vulwani gaveeye kuli imbuza yi kiihi, kandi zibarasi zizie zinyagura vwangu ukuvita izindizu. Kwagota! Kandi kwadiva!

Jeremia 4:7

Kuli isimba itulaa havundu hukwivisa hayo, umudivizi wizihiiri umali kutura ichova. Yaazaa kudiviza avandu vi Ivuyuda. Amadara gi Ivuyuda galatigala amang'anye, kandi siaveeyeho kali mulala ulimenya mu mba.

Jeremia 48:40

Yahova umali kulaga ndi ihiiri ilabuluka kuli indizu na ilavaambula zimbaha ziayo ku kivala cha Moabu,

Jeremia 49:19

Kuli isimba itulaanga mu mulitu munene ahimbi ku mugera gwa Jorodani nukuzia mukivala chuvwayiru vuvisi, nonoho inzi ndaaza nzize nokokola avandu va Edomu kunyagula kuzia ihale kutura mukivala chavo. Maku mwimiliri wa nditovoola alakamiihi ihiiri. Nivwaha unyala kufwananywa na inzi? Nivwaha wakaagelani na inzi? Ni mwami ki wakahing'ani ni inzi?

Lisyoma lya Jeremia 4:19

Avasigu viitu vanyagura zimbiru kuvita zindizu ziu mwigulu; vakukunga kuvitira ku vigulu kandi vaakogoneka mwigendanyama.

Ezekieli 17:3

kunangwa vaduuki kumanya aga inzi Yahova Wuvunyali mboraa kuvo: Yaliho Indizu enene ligali na mavaha malahi ligali kandi zimbaha zindambi ligali ziavambuka. Indizu yiyi yaaburuka nizia ku vigulu via Lebanoni kandi nivunaga endongozi yu musaala gwu mudaragwa,

Ezekieli 28:2

Yavoola, “Mwana wu Mundu, ovoolere mwamihi wa Tiro aga Inzi Yahova Wuvunyali mboraa kuye: Oveeye ni liegingira mu mwoyo gwugwo, wevoola ndi oveeye munyasaye. Ovola ndi wikala kondeve yu vwami kuli munyasaye, hagati hi zinyanza. Unyala kwevoora kuva mugeri kuli mu nyasaye, navuzwa si oveeye mu nyasaye mba, oveeye mundu vuzwa.

Ezekieli 28:9

Lwa vaza kukwita, ulazizagilira kovora oveeye nyasaye imbiri wavo? Si ulava nyasaye mba, navuzwa ulava mundu vuzwa imbiri wa yavo avakwita.

Danyeli 2:38

Yakokola wamihi avandu vosi mu lirova zinyama ziosi na manyonyi. Ivi oveeye omwutwi gwi izahabu zana yigwo.

Danyeli 4:36

“Lwu vulamu vwange vwirana, luyali lwange, vonene vwange kandi vukumi vwange vwirana ku inzi. Vamiihi vange kandi vandu vamenyi munyumba yu vwami, vanzingiliza kandi ndilanyilwa zinguru ziu vwamihi vwange kali nu luyali lonene ligali kuvita maziambiri.

Danyeli 7:12

Zinguru zie ving'ang'a vindi ziatulizwaho, navuzwa vihevwa vwiyangu vwo komenya ing'inga engekeeke.

Danyeli 7:5

King'ang'a cha kaviri, chaali kuli iduba kisingiyi ku vilenge viacho vie inyima. Chaali ni kigumiyi zimbalu zivaga mu miinu gacho, kandi mwoyo gwavoola, “Zizagilira kulia inyama inyingi kuli ganyalika!”

Matayo 24:28

“Havundu hi miviri mikuzu jiveeye niho ahi zindizu zievungizaa.

Kwidzulitsa 28:49

Yahova alaleeta zihiiri ku munyi kutura ihale, ku keheri chi lirova, ihiiri ya munyi mutamanya lulimi lwayo. Valaza hasi vwangu ku munyi kuli liburuka lie kihungu;

Likunula 13:2

Inyama ya ndaalora zana yaali engo. Ivirenge viayo viali kuli vie liaga, kandi umunwa gwayo gwaali kuli munwa gwi simba. Ogoyoka zana yigwo gwaaha king'ang'a zana zinguru ziagwo, endeve yagwo yu uvwami kandi uvunyali vwagwo vonene kuvita kegero.