Danyeli 7:25 - KITABU KITAKATIFU

²⁵ Alakachaye Nyasaye wu mwigulu kandi kudambiza vandu veve. Alakagelizi kugirung'anyia malago gi dini kandi masavo. Alakimiliri vandu va Nyasaye ku mihiga givaga ni nusu.

Danyeli 7:25 Iomraidhean Croise

Isaya 37:23

Uganaganaa nivwaha wa ivi onyegaa kandi kohenyahenyera? Ivi siuhaani luyali ku inzi, Nyasaye Mutakatifu wa Isiraeli mba.

Danyeli 11:28

Mwami wa Siria alakilane yengo ni vilaanye via yavugula natovoye kudiviza idini ya vandu va Nyasaye. Alakakole kuli yenya ma lirane mu kivala chiche.

Danyeli 12:7

Engelosi uwaali niyiviiki inguvu yikatani yaginga makono gombi mwigulu kandi nilomba lilagana mulieta lia Nyasaye omenya mihiga ni mihiga. Ndaahulira navoora, “Gilakave mihiga givaga ninusu. Lwi lidambizwa lia vandu va Nyasaye liliduuka ku keheri, vindu yivi vilakave ni vie kooleki.”

Danyeli 2:21

Aveeye nu vunyali ku madiku ni zing'inga; avami kandi avatuliza, ni yie uhaana vageri kandi limanya.

Danyeli 3:26

Kunangwa Nebukadineza yisunda ahimbi nu muliango gwi kisambiru cho lomemo lwu muliru nalaangaa, “Sadaraka! Meshaka! Abedinego! Avatumikiri va Nyasaye Munene! Tuli ichova!” Nonoho vatura ichova.

Danyeli 4:17

Yili ni likalaga lie zingelosi vetegeku kandi valindi. Maku oleke vandu vosi havundu hoosi vamanye ndi Nyasaye Wuvunyali aveeye ni zinguru ku vwamihi vwa vandu kandi anyala kuvuhaana ku mundu woosi watovoye kali ku oyo oveeye mukekeeke ku vosi.’ ”

Danyeli 4:2

Hulirizi ku vindu viu kogenyia kandi vilolekizu via Nyasaye munene amali kumanyia.

Danyeli 4:25

Ulakungwa kutura mu vandu na uzie komenya ni zinyama. Ku mihiga 7 ulayaa vunyasi kuli igiriki yu kulima. Ulagona mu kiguti ni lime lilagwa kuivi. Maku ulavugilira ndi Nyasaye Wuvunyali alindaa vwamihi kandi anyala ku vuhaana ku mundu woosi watovoye.

Danyeli 4:32

Ulakungwa kutura mu vandu kandi ulazia komenya harara ni zinyama ziu mumilimi, kandi ulalia vunyasi ku mihiga 7 kuli igiriki yu kulima. Maku ulamanya ndi Nyasaye Wuvunyali aveeye ni zinguru ku vwamihi vwu mundu kandi anyala ku vuhaana ku mundu woosi watovoye.”

Danyeli 7:18

Avandu va Nyasaye Wuvunyali valanyora zinguru ziu vukumi, kandi valava nazio mihiga ni mihiga.”

Danyeli 7:20

Ndeenya kandi kumanya kigira zinziga likomi ku mutwi nu lwiga lwamera lwinyima nu kutuura zinziga zindi zivaga. Lwali ni zimoni kandi munwa gwu kwidaya no kwevoora. Chaali king'ang'a chu kutihiza kuvita ving'ang'a vindi.

Danyeli 7:8

Lwa ndaali ningiheenza ku zinziga, ndaalora lwiga lundi lukekeeke lumeraa hagati mu zindi. Lwatandulanyia zinziga zivaga ziali nizimali komera. Lwiga yilu lwali ni zimoni kuli ziu mundu na munwa gwamolomaa nu vwelori.

Danyeli 8:11

Lwononyia munene wi liihi liu mwigulu, lwigalira visiuviliru via vahaana kuye vuli lidiku, kandi nilwikiza luyali lwi Litembeli.

Danyeli 8:14

Ndaahulira engelosi yindi nitivulaa, “Vindu yivi vilazizagilira ku madiku 2,300 hamugorova kandi mugambazuri. Ku ng'inga yene yiyi, visiuviliru si vilahaanwa mba. Maku Litembeli lilatakaswa kandi.”

Danyeli 8:9

Lwiga lokekeeke lwamera ku lwiga lulala ku zinziga zine. Lwiga yilu lwaviruka nizinguru nilohenza kolovega lwi Isavaalu, Ivugwi, kandi mu kivala chu vukumi.

Danyeli 9:27

Mwamihi oyo alakalombe lilagana lidinyu na vandu vanyingi ku mihiga 7, kandi lwi inusu yi mihiga 7 ilakaviti, alakaherizi visiuviliru kandi vihaanwa. “Kindu kidamanu ligali keleetaa lidiviza kilakaviikwi kondongozi kwi Litembeli, kandi kilakaveku kuduuka umundu wakiviikaku alakadivizwi kuli Nyasaye yalagaa.”

Hosea 7:16

Vagirung'ana kutura ku inzi nukuzia ku nyasaye utaveeye nizinguru. Vaveeye avandu vataveeye novokonyi kuli uvuta vwavedeka. Kigira aviimiliri vaavo vamoloma niliegingira valakakuzi likuza lilulu, kandi avandu va Egebeti valakavaseke.”

2 Vatesalonike 2:3

Mutaleka umundu kali mulala amugaade munzira yoosi. Kigira Lidiku yilio si lilaaza, kuduuka uvwibaali vwukumaliriza vwekoleka kutanga, kandi Muchamu aloleke, uwakalagirwa kuzia kudivizwa mu gehena.

2 Vatesalonike 2:4

Alahing'ana na yivio viosi ivilangwa nyasaye, anoho viosi visigamirwa; na aliviika umwene kuva igulu wavio viosi. Alingira nu kwikala mu Litembeli lia Nyasaye, nu kwekola umwene ndi aveeye Nyasaye.

2 Vatesalonike 2:8

Maku muchamu oyo alaloleka, navuzwa lwu Mwami Yeso aliiza alamwita nu mwika kutura mu munwa gwigwe, nu kumudiviza nu vwaku vwiliiza lilie.

Likunula 12:14

Mukali yahevwa izimbaha ziviri zie indizu enene, aduuki kuburukira nu kwirukira mwigendanyama havundu halindirwi ku mihiga 3.5 kutura kogoyoka gonene ugwaakanyu.

Likunula 12:6

Umukali oyo yirukira mwigendanyama, havundu ha Nyasaye yaali namulombeeye alindirwi ho ku ing'inga ya madiku 1,260.

Likunula 14:12

Yivu nivwo uvwikuziri vwa vandu va Nyasaye avagumira amalago geege ni lisuuvira lia Yeso,

Likunula 16:6

Kigira, vaatahiza amasahi ga avatakatifu vovo na gavaporofeti, na ivi umali kuhaana kuvo amasahi vanwi, nindio vaduukana vakolwe.”

Likunula 17:6

Ndaalora kandi umukali zana nahambiki amasahi ga vandu va Nyasaye, kandi gayavo viitwa kigira vaali vasuuvirifu ku Yeso. Lwa ndaamulola, ndaali niligenya linene ligali.

Likunula 18:24

Babiloni lianyora amageri kigira amasahi gavaporofeti na vandu va Nyasaye, Yee, amasahi ga avandu viitangwa ku lirova, galoleka mu lidaala linene.