Danyeli 7:10 - KITABU KITAKATIFU

¹⁰ mugera gwu muliru gwasundukaa kutura muyo. Vaali ho vandu zielefu zinyingi vamutumikira kandi vandi zimilioni vasingira imbiri weve. Kiyaalo chatanga miyinzi, kandi vitabu viakunulwa.

Danyeli 7:10 Iomraidhean Croise

1 Avami 22:19

Mikaya yaazizagilira kovora, “Kalunu huliri cha Yahova avola! Ndoli Yahova niyikaye koendeve yeeye yu vwami mwigulu naveeye harara nizingelosi veve vosi nivasingiyi ku zimbega zizie ziombi;

2 Kyetsinyinga 18:18

Mikaya yaazizagilira, “Kalunu hulira cha Yahova avoora! Ndoli Yahova niyikaye ku endeve yeeye yu vwami mwigulu, ni zingelosi veve vosi nivasingiyi ku zimbega zizie ziombi.

Ayubu 25:3

Aveeye ho nu unyala kuvaliza zingelosi avamutumikiraa? Haveeye ho na havundu hu uvulavu vwa Nyasaye vuvuraa kong'ereng'ana?

Zaburi 103:21

Mwizominyi Yahova, O, munyi avamahi geege gu mwigulu, munyi avatumikiri veve avakolaa uvulariri vwivwe.

Zaburi 18:8

Mwochi gwaduuma kutura mu amuulu geege, na olomemo lusambaa na manda gu muliru gwaduka kutura munwa gwigwe.

Zaburi 50:3

Nyasaye wiitu yaazaa nu mufuumu munene, muliru munene gwadukaa imbiri weve, ku zimbega zizie ziosi, alolekaa kuva kuli ikiihi kenene ligali.

Zaburi 68:17

Yahova yaazaa kutura ku kiguru cha Sinai kuduuka havundu hatakatifu, harara ni zielefu zizie zinyingi zia magare geege gizingulu.

Isaya 30:27

Zinguru nu vukumi vwa Yahova vunyala kololeka kutura ihale. Muliru nu mwochi vimanya vutima vwivwe. Amulomaa na makuva geege gasambaa kuli muliru gudivizaa.

Isaya 30:33

Mu madiku ga kale, havundu haloombwa hukusambira mwami wa Asiria nu muliru munene. Haveeye havundu havambalaru kandi hazia musi, vaviika mu zingu zinyingi ligali. Mwika gwa yahova gulava kuli lomemo gwu kuhambiza muliru.

Danyeli 12:1

Engelosi yaali ni yiviiki iganza yavoola, “Ing'inga yene yeyo, Mikaeli engelosi enene, ulindaa vandu vovo, alakaloleke. Maku ilakave ho ing'inga yu vudinyu, indamanu ligali kali kutura zihiiri ziu kutanga nizivaho. Lwi ing'inga yene yeyo iliduuka, avandu vosi vi ihiiri yooyo, avamita gaavo gang'odwa mu kitabu cha Nyasaye valakahonywi.

Danyeli 7:22

Maku mundu waali namenyi mihiga ni mihiga yaza nahaana likalaga ku lwiga yilu mu liyanzilira lia vandu va Nyasaye wu mwigulu. Ing'inga yaali niduki ku vandu va Nyasaye kunyoola zinguru ziu vukumi.

Danyeli 7:26

Maku kiyaalo chu mwigulu kilakakalage, nu kutulizaho zinguru zizie nu kumudiviza ligali.

Zekaria 14:5

Mulakiluki ni muvitiraa mulivoona yili liagavula kiguru mu vidonye viviri. Mulakiluki kuli vaguuga vinyu vaakora lwi kivala chadegera ing'inga yu mwami Uzia yamiha kivala chi Ivuyuda. Maku Yahova Nyasaye wange alakaze harara ni zingelosi veve vosi.

Matayo 25:31

“Lwu Umwana wa Adamu aliiza kuli Umwami harara ni zingelosi vosi alikala ku endeve yu vwami vwivwe,

Kwidzulitsa 33:2

Yavoola: “Yahova yaza kutura mu kiguru cha Sinai; yatonga kuli liuva kutura Edomu, kandi yang'ereng'ana ku avandu veve kutura ku kiguru cha Parani. Zingelosi zielefu kumi ziali harara naye, na umuliru gwaadukaa gwaali ha mukono gwigwe mulungi.

Vahebraina 1:14

Kunangwa zingelosi nivwaha? Vaveeye vatumwa vatumikira Nyasaye, kandi vatumwa na Nyasaye, kuzia kokonya avandu vaadukana vanyoore vohonyi.

Vahebraina 12:22

Mu vogono yivwo, munyi mumali kuuza ku Kiguru cha Ziyoni, kandi ku lidaala linene lia Nyasaye oveeye mwoyo, Jerusalemi yumwigulu, harara ni zielefu zie zingelosi zialio.

Yudasi 1:14

Yaali Enoka, oveeye guuga okola saba kutura ku Adamu, uwaporofeta kigira vandu yava, navoora: “Henza, Mwami yaazaa ni iliihi lilie lie zielefu ni zielefu zinyingi zie zingelosi veve vatakatifu

Likunula 11:18

Avandu vi zihiiri vaali nu uvutima, kigira ing'inga yu uvutima vuvwo iduuki, ing'inga ya avakuzu vakalagirwa imali kuduuka. Ing'inga iduuki yu kuhaana madanyi ku avatumikiri vovo, avaporofeti, kandi avandu avoovo vosi, yavo vosi avakoheezaa uluyali, avanene na vakekeeke vosi harara. Ing'inga iduuki yu kudiviza yavo avononyia lirova!”

Likunula 5:11

Ndahenza, kandi ndaahulira umwoyo gwi zingelosi avanyingi avatanyala kuvalizwa nivakumbirizi endeve yu vwami, harara ni ivilombe vine viveeye mwoyo navakulundu.