Danyeli 6:28 - KITABU KITAKATIFU

²⁸ Danieli yaali nu vukumi vwu kuzizagilira mu vwamihi vwa Dariasi nu vwamihi vwa Sairasi wi kivala cha Pasia.

Danyeli 6:28 Iomraidhean Croise

2 Kyetsinyinga 36:22

Mu muhiga gwu kutanga gwu vwamihi vwu mwami Sairasi wa Pasia, Yahova yakola aga yaali navooye kuvitira mu muporofeti Jeremia kuva agiligali. Yaavukiza mwoyo gwu mwami Sairasi ukuhaana lilaga yili na kulituma ichova mu mang'oda gasomwe vudinyu havundu hoosi mu vwami vwivwe:

2 Kyetsinyinga 36:23

“Yili nilio lilaga lia Sairasi Mwami wa Pasia. Yahova, Nyasaye wu mwigulu umali kongola mwamihi ku lirova liosi na umali kumba miyinzi Ju kumwumbakira Litembeli mu Jerusalemi mu Ivuyuda. Kalunu, munyi mwosi, avaveeye vandu va Nyasaye, muzie yo, na Yahova Nyasaye winyu ave harara ni munyi.”

Zaburi 77:15

Wahonyia avandu vovo kuzinguru zizio, kandi wahonyia visukululwi via Yakobo na Josefu.

Isaya 44:28

Mbolera Sairasi ‘Ni ivi uliamiiha avandu kulwa inzi; ulakakole aga nyenya okole. Ulakalage avandu kwumbakwa vuhia Jerusalemi, kandi misingi ji Litembeli kuvikwa.’ ”

Jeremia 32:20

Mu zing'inga zia kale, wakola vilolekizu kandi viokogenya mukivala cha Egebeti, kandi umali kuzizagilira kuvikola kuduuka ing'inga yiyi, mu Isiraeli kandi hagati zihiiri zindi ziosi, kunangwa kalunu wamanyikana havundu hoosi.

Danyeli 1:21

Danieli yamenya munyumba yu vwami kuduuka muhiga gwu kutanga gwu Mwami Sairasi wa Pasia yaguuta kivala cha Babiloni.

Danyeli 10:1

Mu muhiga gwa kavaga lwa Sairasi yaali mwami wa Pasia, Danieli ulangwa Beliteshaza yavulilwa likuva. Likuva yili liali liagiligali; navuzwa lidinyu ligali kulimanya. Likuva yili livaalwa kuye mu malola.

Danyeli 3:29

“Kalunu ndagizaa ndi, mundu woosi wi kivala choosi, zihiiri ziosi, anoho lulimi lomoloma makuva gu kuchaya Nyasaye wa Sadaraka, Meshaka na Abedinego, vivero vivie viladonyanywa, na inyumba yeeye ilava kitumi cha makindi. Si aveeye ho na nyasaye wundi unyala kohonyia kuli ndi mba.”

Danyeli 5:28

PERISI livoora ligavula: vwamihi vuvwo vumali kugavulanywa kandi vumali kuhanwa ku vandu va Medisina vandu va Pasia.”