Danyeli 6:20 - KITABU KITAKATIFU

²⁰ Lwa yaduuka ho, yalanga nu vuti, “Danieli, muyinziri wa Nyasaye oveeye mwoyo! Nyasaye woovo wa usaala mu giligali aveeye nu vunyali kokosola kutura mu zisimba?”

Danyeli 6:20 Iomraidhean Croise

Litanga 18:14

Inzi mbeeye Yahova! Sihaveeye ho ni kindu keveeye kidinyu ku inzi mba. Ndirana muhiga guuzaa kuli mali kulaga, na Sara alakave naveeye nu mwana muyaayi.”

1 Kyetsinyinga 16:11

Mwenye Yahova ni zinguru zizie, mu mwenye kazozo.

Zaburi 119:112

Mali kotovola kuhulira amalago googo, kuduuka lidiku liandikuza. Mirembe mu malago ga Yahova.

Zaburi 146:2

Ndizominya Yahova mu livamwoyo liange liosi; ndimbira Nyasaye wange zinyimbu mu limenya liange liosi.

Zaburi 73:23

Navuzwa inzi mbeeye harara nivi kazozo, kandi ivi ungumiyi mukono gwange mulungi.

Jeremia 32:17

“Mwami munene Yahova, ivi walomba ligulu ni lirova kuzinguru zizio zinene kandi ku vunyali vuvwo. Si keveeyeho kindu kinyala kutama ivi mba.

Danyeli 3:15

Nonoho lwa muhulira kisiriva, lilele, lidienyi, inangoli, lidulele, vukana ni mioyo ji vikubaa viosi mwiname hasi na musigamiri kifananyi. Niiva si mulakola ndio, hene yaho mulasiuvwa mu lomemo lwu muliru. Muganaganaa haveeye ho nu munyasaye unyala ku muhonya?”

Danyeli 3:17

Niiva Nyasaye wakusaala aveeye nu vunyali kokohonyia kutura mu kisambiru cho lomemo lwu muliru kandi kutura ku vunyali vuvwo, maku alakola ndio.

Danyeli 6:16

Kunangwa mwami yahaana malago gu kugumira Danieli kandi nukusiuvwa mu luhangaywa lwizura zisimba. Mwami yavolera Danieli, “Nyasaye woovo wa usaala mu giligali ayaanze akosole.”

Danyeli 6:19

Mwami yavuka mu mavwevwe na adidikana, ma nazia ha luhangaywa.

Danyeli 6:26

Mbana malago ndi mu vwamihi vwange vwosi vuli mundu gamuduukira atie kandi ahaane luyali ku Nyasaye wa Danieli. Aveeye Nyasaye oveeye mwoyo, kandi alamiiha mihiga ni mihiga. Vwamihi vwivwe si vuladivizwa mba, kandi zinguru zizie si zilahera mba.

Danyeli 6:27

Ahonyia kandi asolaa; akolaa go kogenya, kandi vilolekizu mwigulu nu ku lirova yahonyia Danieli kuvula kwitwa ni zisimba.”

Hosea 12:6

Kunangwa munyi visukululwi via Isiraeli, musuuviri mu Nyasaye winyu kandi mwirane kuye. Muve avasuuvirifu kandi vilikalaga lirungi, ma ku mulindiliri Nyasaye winyu kazozo.

Livalidza 11:23

Yahova yativulira Musa, “Zinguru ziange zinyala kogehizwa? Kalunu ulalora aga inzi mali kovora galekoleka anoho galavula kwekoleka!”

Luka 1:37

Kigira ku Nyasaye, si keveeye ho kindu ikitanyalikaa mba.”

Luka 18:1

Maku, Yeso yavolera vigi veve lugano kuvamanyia ndi, gavadukiraa vasaale kazozo vugira kuluha.

Vikolwa 6:4

Navuzwa kunyi kulahongera mu lisaala kandi mu lilwaza likuva lia Nyasaye.”

Varumi 2:7

Avandu valala avazizagilira kokora vulahi venyelerizaa uvukumi, uluyali kandi lihindira. Nyasaye alavaha livamwoyo litahera mba.

2 Vakorintho 1:10

Nyasaye yakohonyia kutura mu vuhimwa vonene ligali vwi likuza, kandi alakohonyia; kunyi kumali kuviika lisuuvirizwa lietu muye ndi alahonyia kunyi kandi,

Vakolosai 4:2

Mumenye ligali mu lisaala kazozo, muhongere mu lilinda nu mu lisandiza Nyasaye.

Vahebraina 7:25

Kandi ndio anyala, kalunu na kazozo, kohonyia yavo avaazaa ku Nyasaye kuvitira muye, kigira aveeye mwoyo mihiga ni mihiga, kandi avasaaliraa ku Nyasaye kazozo.

Yakobo 1:25

Navuzwa umundu ohenzaa vudinyu ku amalago amadukiru agahaanaa ovovoholore ku avandu, oyo ugalondaa kandi utaveeye muhuliri ma vivilira, navuzwa agaviikaa mu vikolwa, mundu uyu, Nyasaye alamugasiza ku vindu viosi.

Yudasi 1:24

Kalunu uyu, unyala kulinda munyi muvuli kugwa, nu kumusingiriza imbiri wu vukumi vwivwe vugira imbara mu uvusangari ovonene,