Danyeli 5:23 - KITABU KITAKATIFU

²³ Oveeye ni liegingira ku Yahova wu mwigulu, kandi wavugula viju kutura munyumba ya Nyasaye wavileeta imbiri woovo. Wavihaana ku vandu vu munyumba yu vwamihi, avakali vovo kandi vakali vovo vaviika vanweramu iwaini. Wizominya avanyasaye valombwa kutura ku ifeza, izahabu, magina gu mugasa, vivia, misaala kandi magina; vanyasaye vatalolaa anoho kuhulira anoho vatamanyi, navuzwa si wahaana luyali ku Nyasaye oveeye ni litovola ku limenya anoho likuza mba; kandi oveeye nu vunyali ku vindu viosi via okolaa.

Danyeli 5:23 Iomraidhean Croise

Litanga 14:19

Yamugasiza kandi navoora, “Nyasaye oveeye igulu ligali, uwa lomba ligulu kandi lirova ayaanze agaasizi Aburamu!

Litanga 2:7

Kunangwa Yahova Nyasaye yalomba umundu kutura ku luguchi lwa marova. Yahuuza muye umwika gwaakola umundu oyo kuva ni liiva mwoyo.

2 Avami 14:10

Kalunu Amazia, ivi umali kuguuta Vaedomu, ma wizuyi liigingira. Yaanza wigutizwi nu luyali lulwo kandi omenye hango hoho. Kigira ki utangizi vudinyu no kweretera kivi ku ivi mwene na vandu vovo?”

Ayubu 12:10

Zinguru zia Nyasaye ziveeye mu livamwoyo lia vuli kelombe, kandi mu livamwoyo lia vuli mundu.

Ayubu 31:4

Nyasaye amanya vindu viosi viangolaa, nukuvaliza zinduvatiru ziange ziosi zia inzi senaa.

Zaburi 104:29

Lwa ugirung'ananga kutura kuvio vivezaa nu vuti ligali. Lwu utulizaa mwika gugwo kuvio vikuza ma virana ku luguchi kwa viatula.

Zaburi 115:16

Ligulu liveeye lia Yahova yeng'ine, navuzwa yahaana lirova ku vandu.

Zaburi 139:3

Ivi ondolaa kali lwa nyinziraa anoho lwa sosa: Ivi umanya vikolwa viange viosi.

Zaburi 146:4

Lwa vakuza viranaa vuzwa ku luguchi; ku lidiku yilio lilohiza lie zing'anagani ziavo liheraa.

Tsing'ano 20:24

Yahova yatovola zinzira zietu; kunangwa mundu anyala kumanya ndi zinzira zizie?

Isaya 13:11

Yahova avoora, “Ndaleta kivi ku lirova kandi ndahaana amageri ku vandu vadamanu vosi kigira vwini vwavo. Ndaheriza uluyayi lwa vuli mundu oveeye ni liegingira, kandi ndahaana amageri ku vuli mundu oveeye ni kirage.

Isaya 14:13

Ivi wavoola mu mwoyo gugwo ndi, ‘Inzi ndazia mu ligulu, igulu wi zing'ereng'ani zia Nyasaye, ndaginga endeve yange yu vwami igulu; kandi ndikala kuli mwami ku kiguru chi livugana ihale wa Ivaale.

Isaya 2:12

Ing'inga yene yeyo, Yahova Wuvunyali alakagehize vosi avizingulu, kandi yavo vosi vikirage ni liegingira.

Isaya 33:10

Yahova avoora ku zihiiri; “Kalunu ndasingira! Kalunu ndiiginga igulu inzi mwene! Kalunu ndakuminywa.

Isaya 37:19

kandi vamala kusaamba avanyasaye vaavo, avavura kuva avanyasaye kali hakuzu nitali ivifananyi vie misaala namagina, ivialombwa na makono gavandu.

Isaya 37:23

Uganaganaa nivwaha wa ivi onyegaa kandi kohenyahenyera? Ivi siuhaani luyali ku inzi, Nyasaye Mutakatifu wa Isiraeli mba.

Isaya 42:5

Nyasaye yalomba ligulu kandi nalivambula kuli lihema; kandi yalomba lirova kandi viosi vimenyi mulio. Yahaana mwika gwi livamwoyo ku vandu vosi avamenyi mu lirova. Kalunu Yahova Nyasaye avoora ku vatumikiri veve ndi,

Jeremia 10:23

O, Yahova, manya ligali livamwoyo liu mundu siliveeye lilie mba; sihaveeyeho nu mundu kali mulala oveeye nuvunyari kulimenya lilie mba.

Jeremia 48:26

Yahova yavoola, “Munyi avandu va Moabu, mulakolwa kuva kuli avahambiku, kigira mumali kwibaala ku inzi. Mulagalagala mu maluki ginyu aveene, kandi avandu valamusekeriza.

Jeremia 50:28

Avahaali virukanga kutura Babiloni kuzia Jerusalemi, ma vavoola kuli Yahova Nyasaye wiitu yaavanza kisaalia ku aga vandu va Babiloni vaali nivakoli ku Litembeli.

Jeremia 50:29

“Vooleri avasaza vukulasa vuta vingiliri avandu va Babiloni. Mutumi vuli mundu uwamanya kutumikira vuta ni mivano. Mukumbilizi lidaala linene kandi mutaleka mundu kali mulala yiruki mba. Muvanze kisaalia ku avandu valio ku goosi aga vamali kokora, kandi muvakolere kuli vaakolera avandi, kigira vaakolera inzi mu lierora, Mutakatifu wa Isiraeli.

Ezekieli 28:17

Waali ni liegingira kigira waali mundu wi ligondo lilahi ligali, kandi limanyikana liilio liakokola vindu kuli musiru. Kigira yaga, ndaakusiuva mu kivala kandi ningunaavula havulavu imbiri wa vami, vaduuki kokolola.

Ezekieli 28:2

Yavoola, “Mwana wu Mundu, ovoolere mwamihi wa Tiro aga Inzi Yahova Wuvunyali mboraa kuye: Oveeye ni liegingira mu mwoyo gwugwo, wevoola ndi oveeye munyasaye. Ovola ndi wikala kondeve yu vwami kuli munyasaye, hagati hi zinyanza. Unyala kwevoora kuva mugeri kuli mu nyasaye, navuzwa si oveeye mu nyasaye mba, oveeye mundu vuzwa.

Ezekieli 28:5

Wameeda uvutugi vuvwo kigira ovogeri ovonene vwi limanya mu likiranyia. Oveeye ni liegingira, kigira uvutugi vuvwo uvunyingi!

Ezekieli 31:10

“Kulwayago, Inzi Yahova Wuvunyali, ndaamuvolera aga ziza kwekoleka ku musaala yigu, ugwavirukaa kali kuduuka mu malesi. Lwa gwaviruka nigutambiha, gwaali ni liegingira.

Danyeli 11:12

Alakekonye nukwigingira kigira vuguuti vwivwe kandi kigira kwiita vasikari vanyingi, navuzwa si alakazizagiliri kuva muguuti mba.

Danyeli 4:37

“Kalunu, Inzi Nebukadineza ndizominya, nimbana luyali kandi nu vukumi ku mwami wu mwigulu. Vuli kindu choosi chakolaa keveeye kilungi kandi chi likalaga lirungi, kandi agehizaa vuli mundu woosi oveeye ni liegingira.”

Danyeli 8:11

Lwononyia munene wi liihi liu mwigulu, lwigalira visiuviliru via vahaana kuye vuli lidiku, kandi nilwikiza luyali lwi Litembeli.

Habakuk 2:4

Yaga nigo makuva zana: ‘Yavo avaveeye vadamanu, sivalakahononoke mba; navuzwa yavo avaveeye avalungi valakave mwoyo kigira vaveeye avasuuvirifu ku Nyasaye.’ ”

Vikolwa 17:25

Anoho yenya kindu cha kunyala kumuha lwa kumuyinzilira mba. Kigira niyie mwene ohezaa avandu livamwoyo kandi liherana ni vindu viosi.

1 Vakorintho 8:4

Kunangwa, iliilia lie viukulia vihaaniywi ku vifananyi; kunyi Avakristayo kwamanya ndi vifananyi siviveeye vindu viveeye mwoyo mba; kwamanya vuzwa Nyasaye aveeye mulala yenyine.

Vahebraina 4:13

Sihaveeye ho ni kindu kinyala kuviswa ku Nyasaye, vindu viosi vialombwa, viamanywa havulavu imbiri wizimoni zizie. Uyu niyie Nyasaye wa kulihaana kuye makuva gi vikolwa vietu.

Likunula 9:20

Avandu vaatigara, avavura kwitwa na amaduywa yaga, siviganira ku miyinzi jamakono gaavo gakoraa mba. Kandi sivaleka kusigamira amademoni, anoho vifananyi vie zahabu, ji ifeza, umugasa, je ligina, ni jimisaala jitanyala kuyinzira, anoho kuhulira, anoho kogenda.

Vakalagi 16:23

Avami va Filisitia vaagana harara kuhaana ikihaanwa ekenene ku munyasaye wavo gwalangwa Dagoni. Viimba, “Nyasaye wiitu okoheeye iliguuta ku musigu wiitu Samusoni!”

1 Samweli 17:26

Daudi yateeva vasaza vaali nivaveeye ahimbi naye, “Musaza uva niyiita mundu Mufilisitia uyu nokovoholola Isiraeli kutura mu zisoni yizi alahevwaki? Kali ndio nivwaha, Mufilisitia musiindi uyu olegeriza liihi lia Nyasaye oveeye mwoyo?”

1 Samweli 17:36

Inzi, mutumikiri woovo ndayita ving'ang'a kandi ni zidubu, kandi ndakora malala mere ku Mufilisitia musiindi uyu, umali konyega liihi lia Nyasaye, oveeye mwoyo.