Danyeli 5:21 - KITABU KITAKATIFU

²¹ Yakungwa kutura hagati ha vandu, kandi zing'anagani zizie zia kolwa kuva kuli zie zinyama. Yamenya harara ni zibunda, yaya kuli eng'ombe kandi ya gona mu vukindu vugira chu kumukinga kutura ku lime. Mu limalirika yavugilira ndi Nyasaye Wuvunyali aveeye nu vunyali ku vwamihi vwu mwami woosi kandi anyala kuvuhaana ku mundu woosi watovoye.

Danyeli 5:21 Iomraidhean Croise

Ayubu 39:5

“Nivwaha waha zibunda ziumuvulimu ovovoholore vwazio? Nivwaha wazivoholola nukuzileka zivoyavoye?

Ezekieli 17:24

Misaala josi mu kivala jilamanya ndi Inzi mbeeye Yahova. Inzi ndemaa misaala mitambi kandi ngola misaala mimbi jiviruka kandi jitambiha. Nduminyaa misaala mivisi, kandi ngora misaala miumu kugwa mivisi. Inzi Yahova mali kovora kandi ndakora agaamali kovora ndakora.”

Danyeli 4:14

Nevoola nu mwoyo munene, tema musaala yigu gugwi hasi kandi uhaluri iziisia na matu gagwo kandi usalanyie makuyu gagwo. Ukungi zinyama ziosi kutura isi wa gwo kandi manyonyi kutura ku zisia ziagwo.

Danyeli 4:17

Yili ni likalaga lie zingelosi vetegeku kandi valindi. Maku oleke vandu vosi havundu hoosi vamanye ndi Nyasaye Wuvunyali aveeye ni zinguru ku vwamihi vwa vandu kandi anyala kuvuhaana ku mundu woosi watovoye kali ku oyo oveeye mukekeeke ku vosi.’ ”

Danyeli 4:22

“O, mwami, ivi oveeye musaala yigu goveeye mutambi kandi gwi zinguru. Waviluka ligali kali waduuka mwigulu kandi zinguru zizio ziamedeka kuduuka mu kivala choosi.

Danyeli 4:25

Ulakungwa kutura mu vandu na uzie komenya ni zinyama. Ku mihiga 7 ulayaa vunyasi kuli igiriki yu kulima. Ulagona mu kiguti ni lime lilagwa kuivi. Maku ulavugilira ndi Nyasaye Wuvunyali alindaa vwamihi kandi anyala ku vuhaana ku mundu woosi watovoye.

Danyeli 4:26

Kandi kuli yalaga engelosi ndi kitinya kitigale mu malova, yaga gavoora ndi ulava mwami kandi lwa wiyama ndi Nyasaye niye wamihaa kivala choosi.

Danyeli 4:34

Mwami yavoola, “Lwi mihiga 7 jaali ni jakavita,” ndahenza mu ligulu, kandi vulamu vwange vwirana. Ndizominya Nyasaye Wuvunyali kandi ndahaana luyali nu vukumi ku omenya mihiga ni mihiga. Alakamiihi mihiga ni mihiga kandi vwamihi vwivwe vulakahindili zing'inga ziosi.

Danyeli 4:35

Alolaa vandu vu mulirova kuva ikindu vuzwa, zingelosi mwigulu harara na vandu vaveeye kulilova, vaveeye hasi hu vwimiliri vwivwe. Siaveeyeho kali mulala unyala kuhing'ana nu vulaliri vwivwe mba, anoho unyala koteva mateeva kolondekana na gakoraa mba.

Danyeli 4:37

“Kalunu, Inzi Nebukadineza ndizominya, nimbana luyali kandi nu vukumi ku mwami wu mwigulu. Vuli kindu choosi chakolaa keveeye kilungi kandi chi likalaga lirungi, kandi agehizaa vuli mundu woosi oveeye ni liegingira.”

Danyeli 5:18

“O, Mwami, Nyasaye Wuvunyali yakola Nebukadineza baba woovo mwami munene naamuha vukumi.