Danyeli 5:19 - KITABU KITAKATIFU

¹⁹ Yaali munene ligali kali avandu vu muvivala viosi, zihiiri ziosi, kandi zinimi ziosi va mutia kandi vadegera imbiri weve. Yaali anyala kwita mundu woosi, kandi yaali anyala koleka mundu ave mwoyo. Yahaana luyali anoho yaali anyala kusura mundu woosi.

Danyeli 5:19 Iomraidhean Croise

2 Avami 25:28

Evili-Merodaki yamulinda vulahi, kandi naamuha vwimiliri vwu luyali lunene ligali, kuvita vwa yaaha avami vandi avaari mu vuhambe harara naye mu Babiloni.

Tsing'ano 16:14

Mundu mugeri agerizaa kokora mwami ave nu vuyanzi; niiva mwami alava nu vutima, mundu anyala kukuza.

Kohelethu 8:3

Mwami anyala kokora kindu choosi chayaanzi, kulwayago tula imbiri weve. Utava ha vundu hu vuhimwa kuli yaaha mba.

Ezekieli 31:11

Mali kukusuura kandi ndaleka umwamihi mugeni wu kutihiza ligali agokolere agadukanaa nagwo kandi kolondekana nu vudamanu vwagwo.

Danyeli 11:12

Alakekonye nukwigingira kigira vuguuti vwivwe kandi kigira kwiita vasikari vanyingi, navuzwa si alakazizagiliri kuva muguuti mba.

Danyeli 11:16

Musigu wa Siria alakakole choosi cha alienya vugira kugaywa. Alakasingiri mu kivala chu vukumi nu kukiviika mu zinguru zizie ligali.

Danyeli 11:3

“Maku mwami wengolo alakaze. Alakamiihi kivala kenene kandi alakakole choosi chaalienya.

Danyeli 11:36

“Mwami wa Siria alakakole kuli aliyaanza. Alakigingiliri no kovora ndi oyo, aveeye munene kali kuvita munyasaye Wundi woosi, munene kali kuvita Nyasaye Wuvunyali. Alakave nuvunyari kokora ndio kuduuka lwi ing'inga iliduuka lwa Nyasaye alakahaane kuye mageri. Nyasaye alakakole kuli yamali kolohiza.

Danyeli 3:29

“Kalunu ndagizaa ndi, mundu woosi wi kivala choosi, zihiiri ziosi, anoho lulimi lomoloma makuva gu kuchaya Nyasaye wa Sadaraka, Meshaka na Abedinego, vivero vivie viladonyanywa, na inyumba yeeye ilava kitumi cha makindi. Si aveeye ho na nyasaye wundi unyala kohonyia kuli ndi mba.”

Danyeli 3:4

amakuva gavoolwa nu mwoyo munene, “Avandu vi vivala viosi, zihiiri ziosi, ni vi zinimi ziosi!

Danyeli 3:6

Mundu woosi uvula ku chinamira kandi kukisigamira, alasuuvwa mu lomemo lwu muliru.”

Danyeli 4:17

Yili ni likalaga lie zingelosi vetegeku kandi valindi. Maku oleke vandu vosi havundu hoosi vamanye ndi Nyasaye Wuvunyali aveeye ni zinguru ku vwamihi vwa vandu kandi anyala kuvuhaana ku mundu woosi watovoye kali ku oyo oveeye mukekeeke ku vosi.’ ”

Danyeli 4:19

Maku Danieli, walangwa Beliteshaza yaali niligenya kandi siyavoola kindu mba. Mwami yavoola “Beliteshaza utaleka maloto ni livaala lia go gakogenyie mba.” Beliteshaza yamutivulira, “Mwami wange vwakaveeye vulahi maloto yaga ni livaala liago gave ku vasigu vovo vakudunyira.

Danyeli 4:22

“O, mwami, ivi oveeye musaala yigu goveeye mutambi kandi gwi zinguru. Waviluka ligali kali waduuka mwigulu kandi zinguru zizio ziamedeka kuduuka mu kivala choosi.

Habakuk 2:5

Vutugi voveeye vugadi. Avandu vahuvaalu vaveeye ni liekonya kandi sivituuliraa mba. Vaveeye kuli likuza kigira si vaguuta mba. Nicho kigira nivaguuta zihiiri.

Yohana 19:11

Yeso yamutivulira, “Ivi si wakaveeye nu vunyali vwosi ku inzi, nivutahaniywi ku ivi kutura mwigulu na Nyasaye. Mundu oleeti inzi ku ivi niyie oveeye nu uvwoni vonene kuvita ivi.”

Varumi 13:1

Mundu sa mulala gamudukira yegehize ku vwamihi vwi kivala, kigira uvunyali vwosi vutulaa ku Nyasaye kandi avamihi vaviikwa na Nyasaye.

Likunula 5:9

Vimba ulwimbu luhia, ni vavoola: “Ivi uduukani kuvugura kitabu no kovoholora imihuri jacho. Kigira ivi witwa, kandi kigira likuza liilio, ivi waagulira Nyasaye avandu kutura mu vuli ihiiri, vandu vi zinimi lugano lugano, kandi ku zihiiri ziosi mu kivala choosi.