Danyeli 5:12 - KITABU KITAKATIFU

¹² Kigira Roho mulahi ligali, limanya kandi livaala lia maloto, livoora lie zing'ano, harara ni lilohiza makuva gaveeye madinyu ligali lianyoreka mu Danieli wu mwami yagulika Belishaza, kalunu oleke Danieli alangwe na alakovolera livaala lia mang'oda yaga.”

Danyeli 5:12 Iomraidhean Croise

Zaburi 16:3

Avatakatifu avaveeye mu lirova, nivo avaveeye vuvukumi ligali na liyaanzilira liange linene liveeye muvene yavo.

Tsing'ano 12:26

Mundu mulungi aveeye mwimiliri wumulina weve, navuzwa inzira ya vandu vadamanu ivimiliraa ku ligota.

Tsing'ano 17:27

Mundu utamoloma makuva manyingi aveeye nilimanya. Mundu wagalaha aveeye nilimanya liu mugati ligali.

Ezekieli 28:3

Uganagana oveeye umugeri kuvita Danieli, si liveeye ho likuva linyala kuviswa kutura ku ivi mba.

Danyeli 1:17

Nyasaye yahaana ku vayaayi vane yava ovogeri kandi limanyiriza lie ling'oda zing'ano ziosi; kandi komeeda kogene yaga, yahaana ku Danieli ovogeri vwu kumanyiriza kandi kwivaala malola kandi amalooto zing'ano ziosi.

Danyeli 1:7

Ashipenazi mwimiliri wa vanene vi kiyaalo yavagulika amita: Mahia Danieli yamugulika Beliteshaza, Hanania yamugulika Sadaraka, Mishaeli yamugulika Meshaka na Azaria yamugulika Abedinego.

Danyeli 2:26

Mwami yavolera Danieli, walangwa kandi Beliteshaza, “Unyala kombolera maloto yaga, kandi chagavolaa?”

Danyeli 4:19

Maku Danieli, walangwa Beliteshaza yaali niligenya kandi siyavoola kindu mba. Mwami yavoola “Beliteshaza utaleka maloto ni livaala lia go gakogenyie mba.” Beliteshaza yamutivulira, “Mwami wange vwakaveeye vulahi maloto yaga ni livaala liago gave ku vasigu vovo vakudunyira.

Danyeli 4:8

Mu limalirika, Danieli walangwa Baliteshaza wagulikwa lieta liu, munyasaye wange yaza imbiri wange. Roho gwa vanyasaye vatakatifu gwaali muye. Kunangwa ndamuvolera maloto gange.

Danyeli 5:14

Mali kuhulira ndi roho gwa vanyasaye mutakatifu goveeye mu ivi kandi vulavu, lihulira harara no vogeri vulahi voveeye mu Ivi.

Danyeli 5:16

Kalunu mali kuhulira ndi ivi unyala kuhaana livaala liago kandi unyala kuvuula makuva gu muvwivisu no gokogenyia. Niiva unyala kosoma mang'oda yaga kandi uhaane livaala liago valakuviika inguvu yi rangi yu musambarao kandi vakuviiki munyororo gwi zahabu mu ligoti liilio kandi ulava mwami wa kavaga mu vwamihi.”

Danyeli 6:3

Nonoho Danieli yamanyia ndi yaali unyala kokora miyinzi vulahi kuvita vasingiliri vandi anoho vamiihi vandi: Kigira Danieli yaali ni lihulira lia vwangu, mwami yaganagana ku muviika alindi vwamihi vwivwe vwosi.

Danyeli 6:4

Maku vasingiliri vandi na vamiihi vaageriza kwenyeleriza vudamanu mu liamiiha lia Danieli lwa yamiha kivala, navuzwa si vanyoola kindu mba, kigira yaali musuuvirifu kandi si yakola kindu kidamanu kandi kitaveeye chu vulungi mba.

Vakolosai 1:29

Kolola ndi yaga gekoleki, nyang'anaa nokokola miyinzi vudinyu ligali nindumikiraa zinguru zinene zia Kristo ahaanaa, kandi zikolaa miyinzi mu inzi.