Danyeli 4:34 - KITABU KITAKATIFU

³⁴ Mwami yavoola, “Lwi mihiga 7 jaali ni jakavita,” ndahenza mu ligulu, kandi vulamu vwange vwirana. Ndizominya Nyasaye Wuvunyali kandi ndahaana luyali nu vukumi ku omenya mihiga ni mihiga. Alakamiihi mihiga ni mihiga kandi vwamihi vwivwe vulakahindili zing'inga ziosi.

Danyeli 4:34 Iomraidhean Croise

2 Samweli 22:31

Nyasaye uyu, ivikolwa vivie viveeye vidukiru ligali, amakuva geege gaveeye agiligali! Aveeye kuli inguva ku vosi avenya likingwa lilie.

1 Kyetsinyinga 29:10

Kunangwa mwami Daudi yizominya Yahova imbiri wi livugana liosi. Yavoola, “Wizominywi O, Yahova, Nyasaye wa guuga witu Yakobo, mihiga ni mihiga!

1 Kyetsinyinga 29:13

Na kalunu, O, Nyasaye witu, kukusandizaa kandi kwizominya lieta liilio.

Ayubu 1:21

Yavoola, “Inzi ndiivulwa vugira kindu, kandi ndakuza vugira kindu. Yahova yahaana kandi Yahova uvuguyi. Lieta lia Yahova lizominywi.”

Zaburi 10:16

Yahova aveeye Mwami mihiga ni mihiga, yavo avasigamiraa avanyasaye vandi, valatulizwa mu kivala chiche.

Zaburi 102:24

O, Nyasaye wange, utaambugula kalunu ningikiri kusakula mba. O, Yahova ivi uhindiraa mihiga ni mihiga.

Zaburi 107:15

Kuduuka vasandizi Yahova, kigira uvuyanzi vwivwe vutaveeye ne keheri, kandi kigira vindu vivie viokogenyia via yavakolera.

Zaburi 107:22

Kuduuka vamusandizi ni visiuviliru, kandi vamusandize ni zinyimbu ziu vusangali. Kigira vindu vivie viokogenyia via yavakolera.

Zaburi 107:31

Avandu yava vasandizaa Yahova kigira aveeye wuvuyanzi vwivwe vutaveeye ne keheri, kandi kigira vindu vivie viokogenyia viayavakolera.

Zaburi 107:8

Kuduuka vasandizi Yahova kigira uvuyanzi vwivwe vutaveeye ne keheri, kandi kigira ku vindu viokogenyia viayavakolera.

Zaburi 111:7

Aveeye musuuvirifu kandi wilikalaga lirungi mu viosi viakolaa; Malago geege goosi gaveeye gukusuuvirwa.

Zaburi 121:1

Mbenzaa ku vigulu; ovokonyi vwange vulatula haliha?

Zaburi 123:1

O, Yahova, ng'ingaa zimoni ziange ku ivi, kuduuka mwigulu, wa ivi wamihila!

Zaburi 145:13

Liamiiha liilio lihindira mihiga ni mihiga, kandi ivi oveeye mwami mihiga ni mihiga. Yahova aveeye musuuvirifu ku lisuuviriza lilie, kandi aveeye wi livererera mu vikolwa vivie viosi.

Zaburi 146:10

Yahova aveeye mwami mihiga ni mihiga. O, avandu va Ziyoni, Nyasaye winyu alamiiha ku zing'inga ziosi. Mwizominye Yahova.

Zaburi 50:14

Lisandiza lienyu, live kuli ivisuuviliu vienyu ku inzi, Nyasaye winyu kandi muhaane ku inzi Uwanyala Viosi, viosi via mwalaga.

Zaburi 66:7

Nyasaye yamiha ni zinguru zizie mihiga ni mihiga, kandi zimoni zizie zihenzaa ku zihiiri ziosi. Avibaali vatahing'ana naye mba.

Zaburi 7:17

Sandizaa Yahova Nyasaye kigira uvulungi vwivwe mu likalaga. Nyimbaa zinyimbu zie lizominya ku Yahova oveeye igulu ligali.

Zaburi 9:2

Ndimba nu vusangali kigira ivi, ndimba zinyimbu zie lizominya ivi, Nyasaye Wanyala Viosi.

Zaburi 92:1

O, Yahova, voveeye vulahi ligali kuhaana lisandiza ku ivi, ukwimbira ivi zinyimbu zie lizominywa O, Nyasaye Oveeye Igulu Ligali

Isaya 13:11

Yahova avoora, “Ndaleta kivi ku lirova kandi ndahaana amageri ku vandu vadamanu vosi kigira vwini vwavo. Ndaheriza uluyayi lwa vuli mundu oveeye ni liegingira, kandi ndahaana amageri ku vuli mundu oveeye ni kirage.

Isaya 2:11

Ing'inga yiza lwu luyaayi lwu mundu lulakahere, kandi liegingira liu mundu liradivizwa. Maku Yahova yeng'ine alakahevwe luyali.

Isaya 24:15

kunangwa, yavo avaveeye ivugwi valahaana uvukumi ku Yahova. Avandu vamenya himbi ninyanza, valizominya Yahova Nyasaye wa Isiraeli.

Jeremia 10:10

Navuzwa ivi, Yahova, oveeye Nyasaye wagiligali, oveeye Nyasaye oveeye mwoyo kandi umwami uhindiraa mihiga ni mihiga. Lirova lidegera lwa oveeye nu vutima; izihiiri sizinyala kwikuzira ku vutima vuvwo mba.

Lisyoma lya Jeremia 3:38

Malahi na madamanu gekolekaa kigira lilaga lilie.

Danyeli 12:7

Engelosi uwaali niyiviiki inguvu yikatani yaginga makono gombi mwigulu kandi nilomba lilagana mulieta lia Nyasaye omenya mihiga ni mihiga. Ndaahulira navoora, “Gilakave mihiga givaga ninusu. Lwi lidambizwa lia vandu va Nyasaye liliduuka ku keheri, vindu yivi vilakave ni vie kooleki.”

Danyeli 2:44

Nyasaye wu mwigulu alakasingilizi vwamihi vulivula kohera ing'inga ya vami yavo. Vwami yivu si vuliguutwa mba, navuzwa vulakadivizi vwamihi vundi vwosi, maku vulakave ho mihiga ni mihiga.

Danyeli 4:2

Hulirizi ku vindu viu kogenyia kandi vilolekizu via Nyasaye munene amali kumanyia.

Danyeli 4:26

Kandi kuli yalaga engelosi ndi kitinya kitigale mu malova, yaga gavoora ndi ulava mwami kandi lwa wiyama ndi Nyasaye niye wamihaa kivala choosi.

Danyeli 4:3

“Gaveeye go kogenyia Nyasaye kukumanyia! Vilolekizu! Vilolekizu viakolaa viveeye vie zinguru ligali! Nyasaye aveeye mwami mihiga ni mihiga; alakamiihi zing'inga ziosi.

Danyeli 4:32

Ulakungwa kutura mu vandu kandi ulazia komenya harara ni zinyama ziu mumilimi, kandi ulalia vunyasi ku mihiga 7 kuli igiriki yu kulima. Maku ulamanya ndi Nyasaye Wuvunyali aveeye ni zinguru ku vwamihi vwu mundu kandi anyala ku vuhaana ku mundu woosi watovoye.”

Danyeli 4:36

“Lwu vulamu vwange vwirana, luyali lwange, vonene vwange kandi vukumi vwange vwirana ku inzi. Vamiihi vange kandi vandu vamenyi munyumba yu vwami, vanzingiliza kandi ndilanyilwa zinguru ziu vwamihi vwange kali nu luyali lonene ligali kuvita maziambiri.

Danyeli 5:18

“O, Mwami, Nyasaye Wuvunyali yakola Nebukadineza baba woovo mwami munene naamuha vukumi.

Danyeli 5:21

Yakungwa kutura hagati ha vandu, kandi zing'anagani zizie zia kolwa kuva kuli zie zinyama. Yamenya harara ni zibunda, yaya kuli eng'ombe kandi ya gona mu vukindu vugira chu kumukinga kutura ku lime. Mu limalirika yavugilira ndi Nyasaye Wuvunyali aveeye nu vunyali ku vwamihi vwu mwami woosi kandi anyala kuvuhaana ku mundu woosi watovoye.

Danyeli 6:26

Mbana malago ndi mu vwamihi vwange vwosi vuli mundu gamuduukira atie kandi ahaane luyali ku Nyasaye wa Danieli. Aveeye Nyasaye oveeye mwoyo, kandi alamiiha mihiga ni mihiga. Vwamihi vwivwe si vuladivizwa mba, kandi zinguru zizie si zilahera mba.

Danyeli 7:14

Yahevwa zinguru, luyali kandi vukumi vwo luyali, kunangwa vandu vi vivala viosi, zihiiri ziosi, kandi zinimi ziosi vamutumikiri. Zinguru zizie zilava ho mihiga ni mihiga, kandi vwamihi vwivwe si vulahera mba.

Danyeli 7:27

Zinguru no vonene vwu vwamihi ku lirova vulakahevwe ku vandu va Nyasaye Wuvunyali. Zinguru ziavo ziu vukumi si zilakahere mba kandi vamiihi vosi vi kivala valakavatumikiri nu kuvatia.”

Danyeli 9:14

O, Yahova Nyasaye wiitu ivi wetegeka kuhaana mageri ku kunyi, kandi wakola ndio kigira ivi okolaa agaveeye malungi kazozo, navuzwa kunyi si kwahulira mba.

Jona 1:14

Kunangwa vanira ku Yahova nivavoora, “O, Yahova, kukusaala, utahaana mageri gi likuza Kigira ligotiza livamwoyo liu mundu mulala uyu mba. Ivi, O, Yahova, niivi okoli yaga goosi, yili liveeye likora liilio.”

Mika 4:7

Vakolwa avalema kandi vaveeye ihale kutura mu zingo ziavo, navuzwa ndalomba limenya lihia harara niyavo avamala kohononoka, na valagwa ihiiri yizingulu. Inze Yahova ndavamiiha ku kiguru zia Ziyoni kutura ing'inga yeyo kuduuka mihiga ni mihiga.”

Luka 1:33

Alakamiihi ku avandu va Isiraeli mihiga ni mihiga, Uvwami vwivwe sivulakave nekeheri mba.”

Luka 18:13

“Navuzwa musololi wu vusuuru uyu, yasingira ihale. Siyaali anyala kali kuginga vweni vwivwe aheenze mwigulu mba, nitali yiduya ku kiritu chiche navoora, ‘O, Nyasaye, inzi mbeeye mwoni. Ombere zimbavasi!’

Yohana 5:26

Kuli Baba aveeye vutangiliru vwi livamwoyo kandi ndio umali kuhaana Mwana ave vutangiliru vwi livamwoyo.

Kwidzulitsa 32:4

“Yahova aveeye mukingi munene winyu, muduukiru kandi mulungi mu zinzira zizie ziosi. Nyasaye winyu aveeye musuuvirifu kandi wagiligali; akolaa agaveeye malungi kandi amalahi ku vandu vosi.

Likunula 10:6

Yisuha ku Nyasaye oveeye mwoyo mihiga ni mihiga, uwalomba ligulu ni lirova ninyanza ni vindu viosi viveeye mu. Engelosi oyo yavoola, “Lilindagira sililava ho kandi mba!

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”

Likunula 4:10

Avakulundu sirini na ine yavo avagwizaa mamumama imbiri wa uyu wikala kondeve yu uvwami, kandi vasigamira uyu oveeye mwoyo mihiga ni mihiga. Vaviika izitaji ziavo hasi imbiri wendeve yu uvwami, ni vavoola,

Likunula 4:9

Vuli ing'inga, ivilombe vine viveeye mwoyo zana yivio viambaa zinyimbu ziu kuhaana uvukumi, luyali ni lisandiza ku uyu uwikala ku Endeve yu vwami; omenya mihiga ni mihiga.