Danyeli 4:3 - KITABU KITAKATIFU

³ “Gaveeye go kogenyia Nyasaye kukumanyia! Vilolekizu! Vilolekizu viakolaa viveeye vie zinguru ligali! Nyasaye aveeye mwami mihiga ni mihiga; alakamiihi zing'inga ziosi.

Danyeli 4:3 Iomraidhean Croise

Ayubu 25:2

“Nyasaye aveeye wi zinguru kwamiiha; kuduuka vosi vamutie. Alombaa mirembe kuduuka hatakatifu hehe mwigulu.

Zaburi 104:24

O, Yahova, ivi walomba vindu vinyingi! Walomba vindu viosi novogeri vonene ligali! Lirova liosi lizuuyi vilombe vivio.

Zaburi 105:27

Vaakora vilolekizu vinene hagati haavo. Kandi ni vakora viokogenyia mu Egebeti.

Zaburi 145:13

Liamiiha liilio lihindira mihiga ni mihiga, kandi ivi oveeye mwami mihiga ni mihiga. Yahova aveeye musuuvirifu ku lisuuviriza lilie, kandi aveeye wi livererera mu vikolwa vivie viosi.

Zaburi 66:7

Nyasaye yamiha ni zinguru zizie mihiga ni mihiga, kandi zimoni zizie zihenzaa ku zihiiri ziosi. Avibaali vatahing'ana naye mba.

Zaburi 72:18

Yahova, Nyasaye wa Isiraeli yizominywi! Niyie yeng'ine okolaa vindu viokogenyia yivi.

Zaburi 77:19

Ivi wangenda kuvitira mu viguvuli via mazi; kandi wambuka luliva lwinyanza, navuzwa zinduvatiru zizio siziali zinyala kololekaa mba.

Zaburi 86:10

Ivi weng'ine oveeye wizingulu kandi okolaa vindu viokogenyia, ivi oveeye Nyasaye.

Zaburi 92:5

O, Yahova, vikolwa vivio viveeye vinene ligali! Zing'anagani zizio ziveeye ziu musi ligali!

Isaya 25:1

O, Yahova, Ivi oveeye Nyasaye wange; Ndakuha uluyali nukukwizominya. Ivi umali kokora vindu viokogenyia; ivi musuuvirifu umali kuduukiza lilohiza liilio liawalomba kale.

Isaya 28:29

Ovogeri yivu vwosi vuturaa ku Yahova Wuvunyali. Ovolohizi vwa Nyasaye voveeye vwokogenyia kandi vogeri vwivwe voveeye vuduukiru ligali.

Isaya 9:7

Uvwami vwivwe vwi zinguru vulazizagilira kuviruka; uvwami vwivwe vulava ni mirembe kazozo. Alamiiha kuli mwami mu vogono vwu mwami Daudi. Zinguru zizie zilereda ku likalaga lirungi, kandi liagigali kutura kalunu kuduuka mihiga ni mihiga. Yahova Wuvunyali amali kusaavira kokora yaga goosi.

Jeremia 10:10

Navuzwa ivi, Yahova, oveeye Nyasaye wagiligali, oveeye Nyasaye oveeye mwoyo kandi umwami uhindiraa mihiga ni mihiga. Lirova lidegera lwa oveeye nu vutima; izihiiri sizinyala kwikuzira ku vutima vuvwo mba.

Danyeli 2:2

Kunangwa yalanga avavuuli, vakumu na valogi vaze kumwivaalira kivuni cha maloto geege. Vaza nivasingira imbiri wu mwami;

Danyeli 2:44

Nyasaye wu mwigulu alakasingilizi vwamihi vulivula kohera ing'inga ya vami yavo. Vwami yivu si vuliguutwa mba, navuzwa vulakadivizi vwamihi vundi vwosi, maku vulakave ho mihiga ni mihiga.

Danyeli 4:17

Yili ni likalaga lie zingelosi vetegeku kandi valindi. Maku oleke vandu vosi havundu hoosi vamanye ndi Nyasaye Wuvunyali aveeye ni zinguru ku vwamihi vwa vandu kandi anyala kuvuhaana ku mundu woosi watovoye kali ku oyo oveeye mukekeeke ku vosi.’ ”

Danyeli 7:14

Yahevwa zinguru, luyali kandi vukumi vwo luyali, kunangwa vandu vi vivala viosi, zihiiri ziosi, kandi zinimi ziosi vamutumikiri. Zinguru zizie zilava ho mihiga ni mihiga, kandi vwamihi vwivwe si vulahera mba.

Danyeli 7:27

Zinguru no vonene vwu vwamihi ku lirova vulakahevwe ku vandu va Nyasaye Wuvunyali. Zinguru ziavo ziu vukumi si zilakahere mba kandi vamiihi vosi vi kivala valakavatumikiri nu kuvatia.”

Varumi 11:33

O, Vutugi, vogeri, kandi vutugi vwa Nyasaye, voveeye vonene ligali. Oh vogeri vwivwe kandi limanya lilie linyingi, liveeye linene ligali. Aa nivwaha unyala kwivaala likalaga lilie! Nivwaha unyala kumanyiriza zinzira zizie!

Kwidzulitsa 4:34

Aveeye ho na nyasaye woosi uwaluvilira kuzia kwivugulira avandu kutura mu ihiiri yindi nu kuvakola vave aveeve mwene, kuli Yahova Nyasaye winyu yamukolera mu Egebeti. Imbiri winyu aveene, yatumikira zinguru zizie zinene, kandi uvunyali vwivwe. Yaleeta maduywa kandi uvulwani yakola vilolekizu kandi viokogenyia, kandi yalomba vindu viukutihiza viekoleke.

Vahebraina 1:8

Navuzwa ku Mwana, Nyasaye yavoola, ndi: “ O, Nyasaye, Uvwami vuvwo, vulahindira mihiga ni mihiga! Wamiihaa avandu vovo nu vulungi.

Vahebraina 2:4

Ku ing'inga ndala nzere, Nyasaye naye kandi yameda lilolekiza lilie mu liavo ku likora vilolekizu kandi viokogenyia vie zing'ano ziosi ni vikolwa viezingulu, kandi ku ligavulira vandu vihaanwa via Roho Mutakatifu kolondekana nu vulaliri vwivwe.

1 Petro 4:11

Mundu woosi naava niyilwaza, gamudukira yilwaaze likuva lia Nyasaye amali kumuha; uyu utumikaa, atumiki mu zinguru zia Nyasaye amuhezaa. Kunangwa mu vindu viosi, Nyasaye aduuki kwizominyirwa kuvitira mu Yeso Kristo, udukana anyoore uvukumi kandi zinguru mihiga ni mihiga. Amini.

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”