Danyeli 4:27 - KITABU KITAKATIFU

²⁷ Kunangwa O, Mwami, olonde miigizu gange oleke kokora uvwoni, okole gaveeye malungi kandi ove nizimbavasi ku vadaka. Maku ulazizagilira kuva mu vutugi vunyingi.”

Danyeli 4:27 Iomraidhean Croise

Litanga 11:4

Vavoola, “Kalunu gendi kwumbake lidaala linene, ma kolombe munara mutambi kali kuduuka mu ligulu, kunangwa kwelombele lieta kunyi aveene kandi kuvuli kusalana mu lirova liosi.”

1 Avami 21:29

“Ukaloli kuli Ahabu yegehizi umwene imbiri wange? Kigira umali kokora yaga, sindaleeta kivi kuye mu ing'inga yi livamwoyo lilie mba; galakave mu ing'inga yi livamwoyo liu muyaayi weve lwa ndileeta kivi ku vinyumba ya Ahabu.”

Zaburi 119:46

Inzi ndalandiza amalago googo imbiri wa vami, Kandi si ndava ni zisoni mba.

Tsing'ano 11:2

Avandu vaveeye vigingiri valava mu zisoni, navuzwa liegehiza liletaa ovogeri.

Tsing'ano 16:6

Utie kandi ove musuuvirifu na Nyasaye alakusamiiha vwoni vuvwo. Utie Yahova nu uvudamanu vwosi sivulekoleka ku ivi mba.

Tsing'ano 28:13

Mundu uvisaa vwoni vwivwe si alagasizwa mba, navuzwa oyo wiyama no koleka vwoni alanyoola zimbavasi kutura ku Nyasaye.

Isaya 10:13

Mwami wa Asiria yigingira nokovoora ndi, “Mali kokora yaga goosi inzi mwene. Inzi mbeeye ni zinguru kandi mugeri wi limanyiriza. Mali kutulizaho zinzako hagati hi zihiiri, kandi mali kuvugura uvutugi vwavo kutura mu mavikiru gaavo goosi. Mali kuduvagira hasi avandu vamenyi yo kuli igiriki, nu kuvatuliza ku zindeve ziu vwami.

Isaya 47:10

“Mwayanzilira kokora uvudamanu, mwaganagana ndi mundu kali mulala siyaali anyala kumulora mba. Ovogeri kandi limanya lienyu viamugotiza, kandi mwavoora mu mioyo jinyu, ‘Kunyi koveeye Nyasaye, siaveeye ho nu wundi kuli kunyi mba.’

Isaya 47:8

“Kalunu muhuliri yaga, munyi avandu vamenya mu liiva liu kwiyaanziza, munyi avaganaganaa mwahona. Musuuviraa muveeye avanene kuli Nyasaye, kandi siaveeye ho nu mundu wundi kuli munyi mba. Mwaganagana simunyala kuva avakunzakali mba anoho avana vinyu sivanyala kukuza mba.

Jeremia 29:7

Mukore agaveeye amalahi mu lidaala linene yilio, lya inzi mali kumuhila kuva kuli avahambe. Musaale ku inzi kigira lidaala yilio. Niiva valagasizwa nimiandu, munyi kandi mulagasizwa nimiandu.

Jeremia 38:20

Inzi ndaavoora, “Ivi siulavikwa mu zinguru zia avandu va Babiloni mba. Ngogonya utie likuva lia Yahova; hene yaho, goosi galava amalahi ku ivi, kandi ulava mwoyo.

Ezekieli 18:7

Mundu uyu siadambizaa mundu woosi mba, navuzwa atungaa magovi geege; siaveeye munuri, navuzwa ahaanaa viukulia ku vaveeye ninzara, kandi ahaanaa zinguvu ku vaveeye niviahonyo.

Ezekieli 29:3

Omolome kandi ovoole, ndi yaga nigo aga Yahova Wuvunyali avooreraa Mwami wa Egebeti: Inzi mbeeye musigu woovo, ivi ingwina enene, egonaa mumugera. Ivi ovola ndi mugera gwa Naili nugwange kandi ndagolomba.

Ezekieli 29:9

Kivala cha Egebeti nakitigale amang'anye. Maku numanyilizi ndi inzi mbeeye Yahova. “Kigira wavoola ndi mugera gwa Naili nugugwo, kandi ni ivi wagolomba,

Joeli 2:14

Nimutia Yahova Nyasaye winyu alagirung'anyia zing'anagani zizie na amugasizi nivitagwa vinyingi. Kunangwa mulava nu vuswage ni iwaini yukuhaana isadaka kuye.

Amosi 6:13

Munyi mwigingiraa kigira mumali kugumira lidaala lia Lodebari mwiyizominyaa aveene nimuvoora, “Henza, kunyi kumali kugumira lidaala lia Karinaimu kuzingulu zietu zinene.”

Jona 3:9

Hawundi Nyasaye alagirung'anyia zing'anagani zizie. Hawundi alalekela uvutima, na kunyi kulavula kukuza!”

Habakuk 1:11

Maku vavitaa vwangu kuli vukindu ma vazia, nyasaye wa vandu yava ni zinguru ziavo.”

Zefania 2:15

Yaga nigo galiekoleka ku lidaala liu kwigingira kigira zinguru zialio, niliganagana ndi liveeye mu mirembe. Avandu vi lidaala yili vagagana ndi lidaala liavo liveeye linene ligali mu kivala. Lidaala yili lilakave havundu haveeye vuzwa, havundu hi zinyama ziu muvulimu zilakasosere! Vuli mundu woosi ulivitira ahimbi nalio alakegose nuvuti.

Matayo 3:8

Gamudukira mukore ivikolwa vimanyia ndi mumali kwiganira.

Luka 11:41

Navuzwa, muhaane vindu eveeye mugati mwi vikombe kandi mu zisahani ku ni ivindi viosi vilava vilahi ku munyi.

Vikolwa 24:25

Navuzwa lwa Paolo yaatanga kwivaala ku uvulungi, uvwilindi kandi likalaga lizaa, Felikisi yizula uvuti vunyingi, kandi yativura navoora, “Tanga uzie kulwa kalunu. Lwa nanyoole vwiyangu, naangulange.”

Vikolwa 26:20

Navuzwa ndatanga kwilwaza ku avandu va Damasiko, inyima ku ava Jerusalemi ni kivala choosi chi Vuyuda, kandi ku Avizihiiri. Ndaavilwazira vaduuki kwiganira kandi, viraniri Nyasaye nu kumanyia mu vikolwa viavo ndi vamali kugirung'anywa mu mioyo jaavo.

Vikolwa 8:22

Kigira yaga wiganiri uvudamanu vuvwo yivu, usaale Mwami, aduuki kukusamiiha mu liganagana kindu kuli yiki.

2 Vakorintho 5:11

Kigira kunyi kumanyi uvulahi vwu kutia Mwami, kogerizaa kokora zinguru kogoonya avandu vavugiliri uvusuuvirifu vwitu. Nyasaye amanya kunyi ligali, ninzi mbeeye ni lisuuvira ndi, mu zing'anagani zie mioyo jinyu, munyi mwamanya inzi vulahi.

Vagalatia 5:13

Avaamitu vange, munyi muve vavoholore. Navuzwa ovovoholore vwinyu vutahaana uvwiyangu vwi liegomba liu muviri kumwamiiha mba, navuzwa mutumikirane aveene naveene mu vuyanzi.

Vagalatia 5:22

Navuzwa likuyu lia Roho liveeye uvuyanzi uvusangari; mirembe, uvwikuziri, zimbavasi, uvulungi, ovohooma, uvusuuvirifu,

Vagalatia 5:6

Nikoveeye nu vuhambani na Kristo Yeso, likevwa anoho livula kokevwa silikoonyaa kindu, navuzwa lisuuvira likora miyinzi kuvitira mu vuyanzi.

Vafeso 4:28

Mundu wivaa atiiva kandi mba, navuzwa nivulahi adidikane, ayinziri na makono geege, akole kindu keveeye chuvusuuvirifu, kandi aduuki kuva mundu unyala kokonya mudaka.

Kwidzulitsa 24:13

Mulamwilanyira kihambiliru chiche vuli hamugorova, kunangwa ave unyala kogonera zinguvu zizie. Maku, alamusandiza, kandi Yahova Nyasaye winyu alayanzizwa ni munyi.

Kwidzulitsa 32:27

Navuzwa sindakaleke avasigu vaavo vigingiri, ndi vamali kuguuta avandu vange, lwa yaali ninzi Yahova mwene umali kuvasionolanyia.’

Kwidzulitsa 8:17

Kunangwa mutiiganagana ndi mumali kwekola avatugi munyi aveene kuzinguru nuvunyari vwa makono ginyu mba.

1 Petro 4:8

Kuvita vindu viosi muyaanzane ligali aveene naveene, kigira uvuyanzi vukunikaa uvwoni uvunyingi.