Danyeli 4:19 - KITABU KITAKATIFU

¹⁹ Maku Danieli, walangwa Beliteshaza yaali niligenya kandi siyavoola kindu mba. Mwami yavoola “Beliteshaza utaleka maloto ni livaala lia go gakogenyie mba.” Beliteshaza yamutivulira, “Mwami wange vwakaveeye vulahi maloto yaga ni livaala liago gave ku vasigu vovo vakudunyira.

Danyeli 4:19 Iomraidhean Croise

Litanga 31:35

Raheli yavolera baba weve, “Utava nu vutima ninzi mba, mwami wange, kigira inzi sinduukani kusingira imbiri woovo mba; mbeeye mu madiku gange gu mu mweli.” Labani yenyeleriza vanyasaye veve navuzwa si yavanyoola mba.

Litanga 32:18

Maku mulavativulira ndi, ‘Jiveeye ju mutumikiri woovo Yakobo. Ajitumaa kuli kihanwa ku munene weve Esau, umwene aveeye inyima wiitu.’ ”

Litanga 40:12

Maku Josefu yamuvolera, “Kivuni cha maloto yaga keveeye ndi: Zisia zivaga ziveeye madiku gavaga.

1 Avami 18:7

Lwa Obadia yaali naziiza, nonoho yagana na Elija. Yamumanyiriza kandi naamusigamira namuteeva, “Ni ivi ligali munene wange?”

Kutwula 32:32

Navuzwa kalunu nuuva nuyanza kuvasamiiha uvwoni vwavo, nigataveeye ndio, ngusaala, mwaza, utulizi lieta liange mu kitabu chicho cha waang'oda mu mita ga vandu vovo.”

Jeremia 29:7

Mukore agaveeye amalahi mu lidaala linene yilio, lya inzi mali kumuhila kuva kuli avahambe. Musaale ku inzi kigira lidaala yilio. Niiva valagasizwa nimiandu, munyi kandi mulagasizwa nimiandu.

Jeremia 4:19

Uvuzunu! Sinyala kwikuzira kuvuzunu mba! Mwoyo gwange! Mwoyo gwange gukubaganaa vudinyu ligali! Sinyala kuchiring'ana mba; mbulira visiliva kandi liyoga lie liihi.

Danyeli 1:7

Ashipenazi mwimiliri wa vanene vi kiyaalo yavagulika amita: Mahia Danieli yamugulika Beliteshaza, Hanania yamugulika Sadaraka, Mishaeli yamugulika Meshaka na Azaria yamugulika Abedinego.

Danyeli 2:26

Mwami yavolera Danieli, walangwa kandi Beliteshaza, “Unyala kombolera maloto yaga, kandi chagavolaa?”

Danyeli 2:37

O, mwami wiitu, cha ivi oveeye mwami munene ku vami vosi. Nyasaye wu mwigulu yakokola mwami kandi yakuha zinguru Zinene, vunyali kandi luyali.

Danyeli 4:24

“O, mwami, yili nilio livaala lia maloto yaga kandi yaga nigo ga Nyasaye Wuvunyali amali kulaga gekoleke kuivi.

Danyeli 5:12

Kigira Roho mulahi ligali, limanya kandi livaala lia maloto, livoora lie zing'ano, harara ni lilohiza makuva gaveeye madinyu ligali lianyoreka mu Danieli wu mwami yagulika Belishaza, kalunu oleke Danieli alangwe na alakovolera livaala lia mang'oda yaga.”

Danyeli 5:18

“O, Mwami, Nyasaye Wuvunyali yakola Nebukadineza baba woovo mwami munene naamuha vukumi.

Danyeli 5:19

Yaali munene ligali kali avandu vu muvivala viosi, zihiiri ziosi, kandi zinimi ziosi va mutia kandi vadegera imbiri weve. Yaali anyala kwita mundu woosi, kandi yaali anyala koleka mundu ave mwoyo. Yahaana luyali anoho yaali anyala kusura mundu woosi.

Danyeli 7:15

Malola ga ndalora gangenyia ligali, kandi ndaanyangizwa ligali.

Danyeli 7:28

Yiki nicho keheri cha makuva ga ndang'oda. Ndaali nu vuti vonene, kali ligondo liange liagirung'ana, kandi ndaviika makuva yaga mu mwoyo gwange.

Danyeli 8:27

Ndaaluha ligali kandi nindwala ku madiku manyingi. Maku ndasingira ninzirana ku miyinzi ju mwami, navuzwa ndagenya kigira malola yaga; kandi si ndagamanya mba.

Habakuk 3:10

Vigulu viadegera lwa viakolola; mazi gasunduka kutura mu vwerefu, mazi gafuuma isi wilirova, kandi viguvuli via go viazia igulu ligali.

1 Samweli 1:15

Hana yamutivulira, “Awa; Simbambiki mba, mwami wange, sinweyange iwaini mba. Mbeeye nekehenda mwoyo kenene ligali. Ndakusaalaa, nimbika vudinyu vwu mwoyo gwange ku Yahova.

1 Samweli 24:8

Maku Daudi yatura ichova naamulondelera kandi naamulanga, “Mwami wange!” Saolo yikivuka kandi Daudi yinama hasi kuhaana luyali

1 Samweli 26:15

Daudi yativura, “Abineri sioveeye musaza muhaga ligali kuvita vasaza vandi mu Isiraeli mwosi? Kunangwa kigira ki ivi si osoolaa munene woovo, umwami? Ulwene yilu mundu yingiyi hokososa kwita mwami munene woovo.

1 Samweli 3:17

Eli yateeva, “Yahova akovooleeye ki? Utambisa kindu choosi mba. Nyasaye alakuha mageri vululu niiva siulambolera vuli kindu cha akovooleeye mba.”