Danyeli 4:14 - KITABU KITAKATIFU

¹⁴ Nevoola nu mwoyo munene, tema musaala yigu gugwi hasi kandi uhaluri iziisia na matu gagwo kandi usalanyie makuyu gagwo. Ukungi zinyama ziosi kutura isi wa gwo kandi manyonyi kutura ku zisia ziagwo.

Danyeli 4:14 Iomraidhean Croise

Ayubu 24:20

Kali avamama vaavo sivalamwizuliza kalunu mba. Valaliivwa ni zing'ende, kandi valononywa kuli misaala jimali kugwa hasi.

Jeremia 27:5

“Kuvunyali vwange ovonene kandi kuzingulu ziange ndaalomba kivala, avandu kandi ni zinyama ziosi izimenyi ku lirova; kandi mbanaanga ku mundu woosi wa inzi mwene mali kotovola.

Jeremia 51:6

Mwiruki kutura mukivala cha Babiloni! Vuli mundu yehonyie umwene! Mutitwa kigira uvwoni vwa avandu va Babiloni mba. Kalunu mbanzaa kisaalia kandi mbana amageri ku vandu yava kuli gavadukiraa.

Jeremia 51:9

Avageni vamenyi mu kivala yicho vavoola, ‘Kwageliza kokonya Babiloni, navuzwa sikwanyala mba. Gendi kuvaleke kalunu na kwilane mukivala chiitu. Nyasaye amali kuhaana amageri ku vandu va Babiloni ni zinguru zizie ziosi kandi umali kuvadiviza ligali.’ ”

Ezekieli 31:10

“Kulwayago, Inzi Yahova Wuvunyali, ndaamuvolera aga ziza kwekoleka ku musaala yigu, ugwavirukaa kali kuduuka mu malesi. Lwa gwaviruka nigutambiha, gwaali ni liegingira.

Danyeli 2:21

Aveeye nu vunyali ku madiku ni zing'inga; avami kandi avatuliza, ni yie uhaana vageri kandi limanya.

Danyeli 3:4

amakuva gavoolwa nu mwoyo munene, “Avandu vi vivala viosi, zihiiri ziosi, ni vi zinimi ziosi!

Danyeli 4:12

Matu gagwo gaali malahi na makuyu gagwo gaali manyingi muno kandi gaali chukulia ku vandu vosi, zinyama ziu muvurimu zia sosera muchiriri cha gwo, manyonyi gumbakaa zinyumba zia go muzinzago ziagwo kandi kindu choosi kiveeye mwoyo chaalia ku makuyu gagwo.

Danyeli 4:23

Lwa ivi O, mwami, waheenza engelosi yika kutura mwigulu kandi nevoola, ‘Uteme musaala yigu gugwi hasi kandi ugudivizi, navuzwa oleke kitinya chagwo mu malova. Okevohe nu mugoye gwi kivia kandi gwu mugasa kandi ogoleke mu mulimi harara nu vunyasi. Oleke lime ligwi ku mundu uyu kandi omuleke amenye harara ni zinyama ku mihiga 7.’

Danyeli 4:29

Inyima wi mieli 12, lwa yaali nagenda kwigulu kwi nyumba yu vwami mu Babiloni,

Danyeli 5:20

Navuzwa kigira yaali ni liegingira, kilage kandi nava mululu, yatulizwa ku vwami kandi naagotiza luyali lwilwe.

Danyeli 5:21

Yakungwa kutura hagati ha vandu, kandi zing'anagani zizie zia kolwa kuva kuli zie zinyama. Yamenya harara ni zibunda, yaya kuli eng'ombe kandi ya gona mu vukindu vugira chu kumukinga kutura ku lime. Mu limalirika yavugilira ndi Nyasaye Wuvunyali aveeye nu vunyali ku vwamihi vwu mwami woosi kandi anyala kuvuhaana ku mundu woosi watovoye.

Matayo 3:10

Kali kalunu imbaazi iviikiywi mu vitinya vie misaala. Musaala gwosi ugutaama makuyu amalahi gulatemagwa, ma goteevwe mu muliru.

Matayo 7:19

Ku misaala josi, ugutama makuyu malahi gulatemagwa nokoteevwa mu muliru.

Luka 3:9

Navuzwa kalunu imbaazi etekekeywi kotemaga imiri jimisaala. Musaala gwosi ugutamaa amakuyu malahi gulatemagwa nokoteevwa mu muliru.”

Likunula 10:3

Yahanzuka nu mwoyo munene kuli gwi isimba ifuumaa. Lwa yaali ni yakahanzuka, zinguba saba ziamoloma nu mufuumu.

Likunula 18:2

Kandi yahanzuka nu mwoyo gwi zinguru navoora, “Limali kugwa! Lidaala linene lia Babiloni limali kugwa ovomenyo vwa mademoni, kandi ugwiyi ovomenyo vwa amanyonyi madamanu na gukuvihiliriza goosi.