Danyeli 3:7 - KITABU KITAKATIFU

⁷ Lwa vahulira mwoyo gwi visiriva, vandu vi vivala viosi, zihiiri ziosi, kandi vamoloma zinimi ziosi vinama nivasigamira kifananyi chi izahabu chu mwami Nebukadineza yaali nalombi.

Danyeli 3:7 Iomraidhean Croise

Jeremia 51:7

Avandu va Babiloni vaali kuli kekombe chi zahabu mu mukono gwange, ichaloomba kivala choosi kuhambika. Zihiiri zianwa iwaini ma nivararuka.

Danyeli 2:46

Maku mwami Nebukadineza yinama kuduuka kumalova kandi nahaana malago ndi, visiuviliru ni vihaanwa vihanwe ku Danieli.

Danyeli 3:10

O, mwami, Ivi umali kuhaana malago ndi, nonoho lwu lwimbu lutanga kwimbwa, vuli mundu yiname hasi nu kusigamira kifananyi chi zahabu.

Danyeli 3:4

amakuva gavoolwa nu mwoyo munene, “Avandu vi vivala viosi, zihiiri ziosi, ni vi zinimi ziosi!

Danyeli 3:5

Lwa muhuliri mwoyo gwi kisiriva, kelondwa ku ni likuba lie lilele nu gwi lidienyi, nu gwi inangoli nu gwu vukana nu gwi lidulele harara ni vikuli vindi viosi ni vikubwa. Nonoho lwa vitanga kukubwa, gamuduukira mwiname haasi nu kusigamira kifananyi chi zahabu chu mwami Nebukadineza amali kusingiliza.

Danyeli 3:6

Mundu woosi uvula ku chinamira kandi kukisigamira, alasuuvwa mu lomemo lwu muliru.”

Danyeli 3:8

Avandu va Babiloni vanyoola vwiyangu kuyaala vandu vi Ivuyuda.

Vikolwa 14:16

Mu zing'inga ziavita Nyasaye yahaana vovoholore ku zihiiri ziosi zikole aga ziyaanzaa ziene.

1 Yohana 5:19

Kumanya koveeye avana va Nyasaye, kali avumukivala vosi vaveeye hasi ho vunyali vwa Setani,

Likunula 12:9

Ogoyoka gonene yigwo gwagululwa hasi ku lirova harara ni zingelosi vagwo kutura mwigulu. Nagwo gulaangwa enzoka ya kale; kandi gulaangwa Ibilisi kandi Setani; uyu ugadaa vandu avu mu lirova vosi.

Likunula 13:14

Chagaada avandu vosi avamenyaa mu lirova kuvitira ku vilolekizu viachavugilirwa kokora imbiri wi king'ang'a chu kutanga. Iking'ang'a yicho chavoolera avandu vakelombere ikifananyi kuhaana luyali ku king'ang'a chaali ni zimbala zie kivavi iziali zinyala kuchita navuzwa si chaakuza mba.

Likunula 13:3

Mulala ku mitwi jiking'ang'a yicho gwaali ku nimbala iyaali yi ingwagu inyala kuva indamanu ligali, navuzwa ingwagu zana yaali ni yahona. Avandu vosi vu mu lirova vagenya ligali kigira king'ang'a yicho kandi nivakelonda.

Likunula 13:8

Avandu vosi avamenyaa mu lirova valakisigamira, nivatali avamita gaavo gang'odwa mu kitabu chi livamwoyo chu Mwana wi Ligondi witwa; kutura lirova nilikikiri kolombwa.

Likunula 17:8

Iking'ang'a cha walola kila chaali mwoyo maziambiri, navuzwa sikeveeye mwoyo kalunu mba. Kandi keveeye ahimbi kutura mu gehena, navuzwa kiladuuka mu lidivizwa. Avandu vamenya ku lirova, ava amita gaavo gatang'odwa mu kitabu chi livamwoyo, lirova nilikikiri kolombwa, valagenya muno ulwa valora king'ang'a yicho chaali mwoyo lulala ulwimbiri na kalunu sikeveeye mwoyo mba. Navuzwa kilaloleka kandi.

Likunula 19:20

Iking'ang'a zana chagumirwa harara nu umuporofeti wo vovehi waali naakori ivilolekizu imbiri weve. Yatumikira ivilolekizu yivio ukugaada avandu vaali nu muhuri gwi king'ang'a, na yavo avasigamira kifananyi chacho. Iking'ang'a nu umuporofeti wo vovehi vasuvwa munyanza yu muliru iyakaa nu kuvasaamba ni kibiriti nivaveeye mwoyo.