Danyeli 3:18 - KITABU KITAKATIFU

¹⁸ Kali niiva sianyala kokora, O, mwami usuuviri ndi si kunyala kusigamira nyasaye woovo mba, kandi si kunyala kwinama hasi ku kifananyi chi zahabu cha olombi mba.”

Danyeli 3:18 Iomraidhean Croise

1 Avami 19:14

Elija yativura navoora, “Yahova Nyasaye uvunyali, inzi ngutumikiraa ivi weng'ine kazozo nuvugulu vwosi. Navuzwa avandu va Isiraeli vamala kuvunayia lilagana liavo niivi, vaazooma hasi vwali vuvwo vwosi, nukwita avaporofeti vovo vosi. Inzi niyie utigaye zieng'ine na vageriza kunzita.”

1 Avami 19:18

Nitali ndaleka vandu zielefu saba mu Isiraeli, yavo vosi vaveeye vasuuvirifu ku inzi kandi sivayinamira Baali anoho kuvuusa kifananyi chiichemba.”

Ayubu 13:15

Kali niiva Nyasaye alaanzita, inzi ndava ni lisuuvira muye, kandi ndalungikiza inzira yange imbiri weve.

Tsing'ano 28:1

Avandu vachamu virukaa lwu mundu atavakunga, navuzwa vandu valungi vaveeye valuviliri kuli isimba.

Danyeli 3:28

Mwami yavoola, “Nyasaye wa Sadaraka, Meshaka na Abedinego yizominywe! Yatuma engelosi yeeye nesoola vandu yava avamusuuvira, si vaatia malago gange mba. Vaviika livamwoyo liavo mu vuhimwa mulivula kusigamira Nyasaye wundi nataveeye nyasaye wavo.

Kyavalevi 19:4

“Mutagirung'ana kuzia kusigamira vifananyi mba, kandi mutelomberi avanyasaye ku vivia nukuvisigamira mba. Inzi mbeeye Yahova, Nyasaye winyu.

Matayo 10:28

Mutatia avenyaa kwita umuviri, navuzwa sivanyala kwita umwoyo mba. Ni vulahi mutie uyu unyala kudiviza umuviri harara nu mwoyo nukuguviika mu gehena.

Matayo 10:39

Uyu ogerizaa konyoora uvukala vwi livamwoyo lilie vugira Kristo, alaligotiza; navuzwa uyu ogotizaa livamwoyo lilie kigira inzi, alalinyoola.

Matayo 16:2

Navuzwa Yeso yavativulira, “Lwi liuva liyeeraa, munyi muvooraa, ‘Lero kulava nu muheso: kigira ligulu liveeye iliakanyu!’

Vikolwa 4:19

Navuzwa Petero na Yohana vavativulira, “Kalagi munyi aveene niiva agaveeye malungi imbiri wa Nyasaye, kutia munyi anoho kutia Nyasaye.

Vahebraina 11:25

Yatovola kusanga mulikubizwa kivi lia vandu va Nyasaye, kuvita kuyanzilira vwoni ku ing'inga ngekeeke.

Joshua 24:15

Niiva simwenya kutumikira Yahova, mutovole kalunu ndi ni munyasaye ki wa vanyasaye va avaguuga vinyu vasigamira mu Mesopotamia na vanyasaye va vandu va Amori vasigamira mu kivala cha mumenyi mu kalunu. Navuzwa inzi harara na vandu vinyumba yange, kumali kotovola kutumikira Yahova.”

Likunula 12:11

Avaamitu vamali kuguuta Setani kuvitira mu amasahi gu Mwana wi Ligondi, kandi ni likuva lie ligali lie Ivangeri yaavalandiza, kandi vavugilira kuhaana livamwoyo liavo kukuza kigira lisuuvira liavo mu Yeso Kristo.