Danyeli 3:15 - KITABU KITAKATIFU

¹⁵ Nonoho lwa muhulira kisiriva, lilele, lidienyi, inangoli, lidulele, vukana ni mioyo ji vikubaa viosi mwiname hasi na musigamiri kifananyi. Niiva si mulakola ndio, hene yaho mulasiuvwa mu lomemo lwu muliru. Muganaganaa haveeye ho nu munyasaye unyala ku muhonya?”

Danyeli 3:15 Iomraidhean Croise

2 Avami 18:35

Ni ng'inga ki ya vanyasaye vi vivala yivi viosi avahonyia ku vivala viavo kutura kuzinguru zia Asiria? Kunangwa niki kimulombaa kuganangana ndi Yahova anyala kohonyia Jerusalemi?”

Kutwula 32:32

Navuzwa kalunu nuuva nuyanza kuvasamiiha uvwoni vwavo, nigataveeye ndio, ngusaala, mwaza, utulizi lieta liange mu kitabu chicho cha waang'oda mu mita ga vandu vovo.”

Kutwula 5:2

Na Mwami wa Egebeti yateeva, “Yahova nivwaha, Inzi nduki kumuhulira nukuhaana munwa ku vandu va Isiraeli vazie? Inzi simanya Yahova; kandi sindaleka Isiraeli kuzia.”

Isaya 37:23

Uganaganaa nivwaha wa ivi onyegaa kandi kohenyahenyera? Ivi siuhaani luyali ku inzi, Nyasaye Mutakatifu wa Isiraeli mba.

Danyeli 2:47

Mwami yavoola, “Nyasaye woovo aveeye munene kuvita vanyasaye vandi vosi, kandi aveeye munene kuvita avami, kandi niyie uvula viokogenyia vievisa. Inzi manyi yaga kigira waali nu vunyali kwivaala viokogenyia vievisu yivi.”

Danyeli 2:9

kuhaana amageri ku munyi mwosi niiva si mulambolera maloto gange. Muvugilizani kuzizagilira kombolera vovehi kigira muganaganaa ndi hawundi ing'inga ilava ho lwa ngirung'ana. Mumbolere maloto gange, kunangwa manye munyala kombolera ichagavolaa.”

Danyeli 3:17

Niiva Nyasaye wakusaala aveeye nu vunyali kokohonyia kutura mu kisambiru cho lomemo lwu muliru kandi kutura ku vunyali vuvwo, maku alakola ndio.

Danyeli 6:16

Kunangwa mwami yahaana malago gu kugumira Danieli kandi nukusiuvwa mu luhangaywa lwizura zisimba. Mwami yavolera Danieli, “Nyasaye woovo wa usaala mu giligali ayaanze akosole.”

Danyeli 6:20

Lwa yaduuka ho, yalanga nu vuti, “Danieli, muyinziri wa Nyasaye oveeye mwoyo! Nyasaye woovo wa usaala mu giligali aveeye nu vunyali kokosola kutura mu zisimba?”

Matayo 10:19

Lwa valimuhila mu viina kumuyaara, mutakahende mioyo ku aga mulitivula anoho kuli mulivoola; kigira ku ing'inga yeyo, mulakahevwe aga mulivoola.

Matayo 27:43

Yasuuvira Nyasaye navoora, aveeye Umwana weve; kalunu leki kolole niiva Nyasaye yenya kumuhonyia.”

Marko 13:11

Lwa vamugumira nu kumuhila mu viyaalo, mutahenda mioyo kigira agamuduukanaa kovora mba. Navuzwa muvoore amakuva goosi agamulihevwa ing'inga yeyo kigira simuveeye ni munyi avalivoola, navuzwa Roho Mutakatifu.

Luka 12:11

“Lwa valimuhila imbiri wamasinagogi ni imbiri wa avami vanene, mutava nilihenda mwoyo kuganagana icha mulitivula, anoho icha mulivoola mba.

Luka 13:9

Niiva gulama amakuyu muhiga guzaa, vulahi; navuzwa nigutama, unyala kugotema.’ ”

Vikolwa 4:19

Navuzwa Petero na Yohana vavativulira, “Kalagi munyi aveene niiva agaveeye malungi imbiri wa Nyasaye, kutia munyi anoho kutia Nyasaye.

Vikolwa 5:29

Navuzwa, Petero na avatumwa vandi, vativura nivavoora, “Kuduuka kutie Nyasaye, kuvita kutia avandu.

Vikolwa 6:15

Avandu vosi avaari mu chikalo chi kiyaalo vuumika Sitefano, nivalora mumoni mwimwe muveeye kuli mumoni mwe engelosi.