Danyeli 2:47 - KITABU KITAKATIFU

⁴⁷ Mwami yavoola, “Nyasaye woovo aveeye munene kuvita vanyasaye vandi vosi, kandi aveeye munene kuvita avami, kandi niyie uvula viokogenyia vievisa. Inzi manyi yaga kigira waali nu vunyali kwivaala viokogenyia vievisu yivi.”

Danyeli 2:47 Iomraidhean Croise

Litanga 41:39

Kunangwa mwami yavolera Josefu, “Nyasaye umali kuvulira ivi vindu yivi viosi. Siaveeye ho nu mundu kali mulala oveeye novogeri kandi nilimanyiriza kuvita ivi mba.

2 Avami 5:15

Naamani na vandu veve vosi virana ku muporofeti Elisha. Yavoola, “Kalunu ndakamanya ndi sihali ho na nyasaye wundi navuzwa Nyasaye wa Isiraeli yeng'ine. Kunangwa, mwaza, yaanza vugilira kihanwa chu kuyanziza kutura ku inzi mutumikiri woovo.”

Ayubu 12:19

Nyasaye agehizaa vasaalisi na vasaza vizingulu.

Zaburi 136:2

Muhaane lisandiza ku Nyasaye oveeye munene ligali wa vanyasaye vosi. Kigira uvuyanzi vwivwe vuhindiraa mihiga ni mihiga.

Zaburi 136:3

Muhaane lisandiza ku mwami oveeye wizingulu ligali kuvita avami vosi, kigira uvuyanzi vwivwe vuhindiraa mihiga ni mihiga.

Zaburi 72:11

Avami vosi valinama imbiri weve; zihiiri ziosi zilamutumikira.

Zaburi 82:1

Nyasaye asingiliraa livugana liu mwigulu; ahaanaa likalaga lilie mu livugana liavanyasaye:

Zaburi 96:4

Yahova aveeye munene ligali kandi yizominywa ligali. Kuduuka avandu vamusigamiri kuvita avanyasaye vandi vosi.

Ezekieli 26:7

Yahova Wuvunyali avoora, “Nziza koleta Mwami Munene kuvami vosi, Mwami Nebukadineza wa Babiloni kwingilira vandu va Tiro. Na yaze kutura Ivaale ni liihi linene, ni zibarasi, namagare gu vulwani kandi ni miganda ja vandu.

Danyeli 11:36

“Mwami wa Siria alakakole kuli aliyaanza. Alakigingiliri no kovora ndi oyo, aveeye munene kali kuvita munyasaye Wundi woosi, munene kali kuvita Nyasaye Wuvunyali. Alakave nuvunyari kokora ndio kuduuka lwi ing'inga iliduuka lwa Nyasaye alakahaane kuye mageri. Nyasaye alakakole kuli yamali kolohiza.

Danyeli 2:19

Maku vudiku yivwo agimbisu gokogenyia gavuulikira Danieli mu malola, na Danieli yizominya Nyasaye wu mwigulu.

Danyeli 2:22

Avuulaa ivindu viveeye musi kandi vievisu; amanyaa viosi viaviswa mu kisundi, naye mwene uvulavu vwa mukumberiza

Danyeli 2:28

Navuzwa aveeye ho na Nyasaye wu Mwigulu, uvula viokogenyia viaviswa. Akovoleraa O, mwami wiitu agazizaa kwekoleka mu madiku gaaza. Kalunu ndakovolera maloto googo, amalola ga walola lwa waali nogonaa.

Danyeli 2:29

“O, Mwami wiitu, lwa waali nogonaa, walota kigira madiku gaaza: Nyasaye uvula viokogenyia vie mbisu, umali kukumanyia kizizaa kwekoleka.

Danyeli 2:30

Henze agokogenyia yaga sigakuvulika kuinze kigira inzi mbeeye mugeri kuvita vandi vosi mba, navuzwa O, mwami wiitu gakuduukiraa umanye kivuni cha maloto googo kandi uduuki kumanya zing'anagani zimali kuduuka kuivi.

Danyeli 2:37

O, mwami wiitu, cha ivi oveeye mwami munene ku vami vosi. Nyasaye wu mwigulu yakokola mwami kandi yakuha zinguru Zinene, vunyali kandi luyali.

Danyeli 3:15

Nonoho lwa muhulira kisiriva, lilele, lidienyi, inangoli, lidulele, vukana ni mioyo ji vikubaa viosi mwiname hasi na musigamiri kifananyi. Niiva si mulakola ndio, hene yaho mulasiuvwa mu lomemo lwu muliru. Muganaganaa haveeye ho nu munyasaye unyala ku muhonya?”

Danyeli 3:28

Mwami yavoola, “Nyasaye wa Sadaraka, Meshaka na Abedinego yizominywe! Yatuma engelosi yeeye nesoola vandu yava avamusuuvira, si vaatia malago gange mba. Vaviika livamwoyo liavo mu vuhimwa mulivula kusigamira Nyasaye wundi nataveeye nyasaye wavo.

Danyeli 3:29

“Kalunu ndagizaa ndi, mundu woosi wi kivala choosi, zihiiri ziosi, anoho lulimi lomoloma makuva gu kuchaya Nyasaye wa Sadaraka, Meshaka na Abedinego, vivero vivie viladonyanywa, na inyumba yeeye ilava kitumi cha makindi. Si aveeye ho na nyasaye wundi unyala kohonyia kuli ndi mba.”

Danyeli 4:17

Yili ni likalaga lie zingelosi vetegeku kandi valindi. Maku oleke vandu vosi havundu hoosi vamanye ndi Nyasaye Wuvunyali aveeye ni zinguru ku vwamihi vwa vandu kandi anyala kuvuhaana ku mundu woosi watovoye kali ku oyo oveeye mukekeeke ku vosi.’ ”

Danyeli 4:25

Ulakungwa kutura mu vandu na uzie komenya ni zinyama. Ku mihiga 7 ulayaa vunyasi kuli igiriki yu kulima. Ulagona mu kiguti ni lime lilagwa kuivi. Maku ulavugilira ndi Nyasaye Wuvunyali alindaa vwamihi kandi anyala ku vuhaana ku mundu woosi watovoye.

Danyeli 4:32

Ulakungwa kutura mu vandu kandi ulazia komenya harara ni zinyama ziu mumilimi, kandi ulalia vunyasi ku mihiga 7 kuli igiriki yu kulima. Maku ulamanya ndi Nyasaye Wuvunyali aveeye ni zinguru ku vwamihi vwu mundu kandi anyala ku vuhaana ku mundu woosi watovoye.”

Danyeli 5:11

Aveeye ho nu mundu mu vwamihi vuvwo oveeye na roho gwa vanyasaye. Lwa baba woovo yaali mwami, mundu uyu ya muha ovogeri, limanya kandi vogeri kuli vwa Nyasaye. Mwami Nebukadineza yamukola kuva munene wa valoli, avakumu, avalogi kandi avageri vi zing'ereng'ani.

Amosi 3:7

Ligali Yahova Nyasaye sialakola kindu vugira kuvulira avatumwa, avaporofeti veve agaviswa.

1 Vakorintho 14:25

Agaviswa gu mu mwoyo mwimwe galaloleka havulavu, naye alasigama nu kusaala Nyasaye nokovoora, “Agiligali Nyasaye aveeye hagati hinyu!”

Kwidzulitsa 10:17

Kigira Yahova Nyasaye winyu aveeye Nyasaye wavanyasaye vosi; kandi mwami wa avami, Nyasaye munene, wizingulu kandi wukutihiza; uvula kumanyia liyaanzilira avandu valala kuvita avandi kandi siavugilira kuvugura viambeti mba.

Joshua 22:22

“Wuvunyali aveeye Nyasaye! Aveeye Yahova! Amanya ichagira nikokola yaga, ma kandi kwenyaa na munyi mumanye kandi! Nikuva nikwibaala ku Yahova, na nikuvamanyia lilagana lietu na Yahova, mutaleka kunyi kove mwoyo kandi mba, Mukwiti lufwi.

Likunula 1:5

kandi kutura ku Yeso Kristo oveeye mulolekizi umusuuvirifu, wukutanga kusimugukizwa kutura mu vakuzu, kandi aveeye mwami wa avami vanene vi lirova. Yakuyaanza kandi nakovoholola kutura muvwoni vwitu; na masahi geege

Likunula 17:14

Avami likomi zana harara ni king'ang'a valalwaana Mwana wi Ligondi, navuzwa Mwana wi Ligondi, harara na valondi veve, avayalanga, avayatovola kandi avasuuvirifu; alavaguuta kigira aveeye Mwami wa avamihi.”

Likunula 19:16

Ku iganza yeeye nu ku litango lilie, kwaali nikong'odeywe ilieta “Mwamihi wa avamihi, kandi mwami wa avami.”