Danyeli 2:46 - KITABU KITAKATIFU

⁴⁶ Maku mwami Nebukadineza yinama kuduuka kumalova kandi nahaana malago ndi, visiuviliru ni vihaanwa vihanwe ku Danieli.

Danyeli 2:46 Iomraidhean Croise

Ezara 6:10

Yaga gaduuki kokoleka kunangwa vaduuki kuhaana visiuviliru vivugilirwa ku Nyasaye wi Ligulu, kandi vaduuki kusaala Nyasaye ahaane uvugasu ku Inzi harara na vana vange.

Danyeli 3:5

Lwa muhuliri mwoyo gwi kisiriva, kelondwa ku ni likuba lie lilele nu gwi lidienyi, nu gwi inangoli nu gwu vukana nu gwi lidulele harara ni vikuli vindi viosi ni vikubwa. Nonoho lwa vitanga kukubwa, gamuduukira mwiname haasi nu kusigamira kifananyi chi zahabu chu mwami Nebukadineza amali kusingiliza.

Danyeli 3:7

Lwa vahulira mwoyo gwi visiriva, vandu vi vivala viosi, zihiiri ziosi, kandi vamoloma zinimi ziosi vinama nivasigamira kifananyi chi izahabu chu mwami Nebukadineza yaali nalombi.

Danyeli 8:17

Kunangwa Gabirieli yaza nasingira ahimbi na inzi; ndaali nuvuti ligali, kandi ndaagwa hasi. Yambolera, “Mwana wu mundu, gakuduukiraa umanye cha malola yaga gavoora. Gaveeye kigira keheri chi lirova.”

Kyavalevi 26:31

Ndakora madaala ginyu manene kugwa mang'anye, ndononyia havundu ahatakatifu hinyu hukusigamira vifananyi kandi ndasuura kuvugilira visiuviliru vienyu.

Luka 17:16

Yaza, naagwa mam'mama ha virenge via Yeso namusaandiza. Mundu uyu yaali Umusamaria.

Vikolwa 10:25

Lwa Petero yaali ni yingiraa, Korinelio yazia ichova kumwaganira, yagwa ku amaru imbiri weve naamusigamira.

Vikolwa 14:13

Musaalisi wi Litembeli lia Zeu iliali ichova wi lidaala, yaleeta zigiriki zivoheeywi ku amalande ha kirivwa chi Litembeli, kigira oyo harara ni kiduma, venya kuhaana kisiuviriru ku avatumwa.

Vikolwa 28:6

Avandu yavo vamuhenza hawundi alavimba, anoho agwi hasi maakuzi, lwa vamala kohenzerera ing'inga indambi vugira kolola kindu kidamanu ni chekoleka ku Paolo, vagirung'anyia zing'anagani ziavo kuye, nivavoora, “Paolo aveeye nyasaye.”

Likunula 11:16

Maku avakulundu sirini na ine, aviikalaa ku izindeve ziu uvwami imbiri wa Nyasaye, vaagwa mamumama nu kusigamira Nyasaye

Likunula 19:10

Ndaagwa hasi mamumama havirenge vivie, kumusigamira. Navuzwa, yambolera, “Utakola ndio mba! Inzi mbeeye vuzwa mutumikiri wacho, kandi uwavamwavo vovo, yavo vosi avagumira agiligali ga Yeso yalolekiza. Usigamiri Nyasaye!” Kigira agiligali ga Yeso yaavuula, nigo agadinyirizaa avaporofeti.

Likunula 22:8

Inzi Yohana, ndaamara kuhulira no kolola ivindu yivi viosi. Lwa ndaamara kuhulira nu kuvilola, ndaagwa hasi havirenge vie engelosi uwaali niyamanyii ivindu yivi, kandi ndaali ahimbi kumusigamira.