Danyeli 2:45 - KITABU KITAKATIFU

⁴⁵ Walola kuli ligina liadika kutura ku lwanda vugira umundu kulidiira, kandi kuli liaduya kifananyi chalombwa kutura ku kivia, mugasa, madohi, ifeza, kandi izahabu. Nyasaye akovoleraa O, mwami wiitu ichawalota kandi ngovooleye kivuni cha maloto zana.”

Danyeli 2:45 Iomraidhean Croise

Litanga 41:26

Zing'ombe saba zing'omeru jiveeye mihiga saba, kandi viangala vikomeru saba viu vuswage jiveeye kandi mihiga saba. Goosi gaveeye ni kivuni kilala.

Litanga 41:28

Gaveeye vuzwa kuli mali kokovoolera, ndi Nyasaye umali kukumanyia agazizaa kokora.

Litanga 41:32

Liranira lia maloto googo, livoora ndi, Nyasaye umali kusaavira kokora agavooye alakola mu madiku makekeeke agazaa.

2 Samweli 7:22

Ivi oveeye munene kuli ndi, O, Yahova Nyasaye Wuvunyali! Siaveeye ho nu wundi kuli ivi; kunyi kwamanya kazozo ndi ivi oveeye munene, O, Yahova Nyasaye Wuvunyali.

1 Kyetsinyinga 16:25

Yahova aveeye munene, kandi yizominywe ligali. Ahevwe luyali ligali kuvita avanyasaye vandi vosi.

Nehemia 4:14

Ndalora ndi avandu zana vahendi mwoyo, kunangwa ndavavolera aviimiliri navanene vaavo, “Mutatia avasigu viitu mba. Mwizurizi ndi Yahova aveeye munene kandi wukutihiza, ma mulwaaniri avandu vikivala chienyu, avana vinyu, avakari vinyu kandi zinyumba zienyu.”

Nehemia 9:32

“O, Nyasaye, Nyasaye wiitu, Ivi oveeye munene ligali kuli ndi! Ivi oveeye wukutihiza kandi wizingulu! Muvusuuvirifu ulindaa lilagana liilio lia walaga. Kutura ing'inga lwa avami va Asiria vakudambiza, kali kuduuka kalunu ndi, kwasalirizwa hanene ligali! Avami viitu, aviimiliri viitu, avasaalisi na avaporofeti viitu, avaguuga viitu, na avandu viitu vosi vamala kusalirizwa ligali. Yizuliza kuli uvusaliri kumali kusalira.

Ayubu 36:26

Kunyi sikunyala kumanya ligali ovonene vwa Nyasaye; kandi sikunyala kuvaliza mihiga ji livamwoyo lilie mba.

Zaburi 135:5

Inzi manya ligali ndi Yahova wiitu aveeye munene, aveeye munene ligali kuvita avanyasaye vosi.

Zaburi 145:3

Yahova aveeye munene, kandi uwukwizominywa ligali; ovonene vwivwe vuviti limanyiriza lietu.

Zaburi 2:9

Ulavatanyia nimbimbu yikivia; ulavaduvulanyia mu vidonye kuli inyingu yumulongi.’ ”

Zaburi 48:1

Yahova aveeye munene, kandi wukwizominywa ligali, mu lidaala linene lia Nyasaye kandi ku kiguru chiche kitakatifu.

Zaburi 96:4

Yahova aveeye munene ligali kandi yizominywa ligali. Kuduuka avandu vamusigamiri kuvita avanyasaye vandi vosi.

Isaya 28:16

Yiki nicho cha yahova Wuvunyali avoora: “Mbikaa musingi mudinyu kandi gwizingulu mu Ziyoni. Mbikaa ligina liu mukoona lidinyu ligali ukwa makuva yaga gang'odwa, ‘Lisuuvira liveeye liezingulu liveeye liokwikuzira kandi.’

Danyeli 2:24

Kunangwa Danieli yazia ku Arioki wu mwami yaali naheeye malago gu kwita avageri vosi mu Babiloni. Danieli yamuvolera, “Utaviita mba. Mbira imbiri wu mwami na inzi ndamuvolera cha maloto gavoora.”

Danyeli 2:28

Navuzwa aveeye ho na Nyasaye wu Mwigulu, uvula viokogenyia viaviswa. Akovoleraa O, mwami wiitu agazizaa kwekoleka mu madiku gaaza. Kalunu ndakovolera maloto googo, amalola ga walola lwa waali nogonaa.

Danyeli 2:29

“O, Mwami wiitu, lwa waali nogonaa, walota kigira madiku gaaza: Nyasaye uvula viokogenyia vie mbisu, umali kukumanyia kizizaa kwekoleka.

Danyeli 2:44

Nyasaye wu mwigulu alakasingilizi vwamihi vulivula kohera ing'inga ya vami yavo. Vwami yivu si vuliguutwa mba, navuzwa vulakadivizi vwamihi vundi vwosi, maku vulakave ho mihiga ni mihiga.

Danyeli 8:25

Kigira aveeye mundu mugadi, alazizagilira kokora vulahi mu vugadi vwivwe. Alava ni lielola kandi aladiviza vandu vanyingi vugira lieganihiza. Kali alakachaye mwami munene ku vosi, navuzwa alakadivizwi vugira zinguru ziu mundu.

Haggai 2:22

kandi nziza kuguuta vwamihi no koheliza zinguru ziavo. Ndakatungaminyi magare gaavo gu vulwani, harara na vahiri vago. Zibarasi zilakakuzi kandi vahiri vi zibarasi valakitane.

Zekaria 12:3

Navuzwa lwi ing'inga yeyo ilakaduuki, ndakakole Jerusalemi kuva kuli ligina lilitu, ihiiri yoosi ilakagelizi kulinginga ilakasaliri. Zihiiri ziosi ziekivala zilakahambane kwingilira Jerusalemi.

Malaki 1:11

Avandu kutura kundulu kwi kivala kuduuka kundulu vahaana luyali ku inzi. Vasambira vuli havundu hoosi kimuli, kandi vahaana visiuviliru vivugilikaa ku inzi. Vosi vahaana luyali ku inzi!

Matayo 21:24

Yeso yavativulira, “Inzi kandi ndamuteva liteeva lilala. Ni mundivulira, inzi kandi ndamuvolera vunyali vwa ngolera mu vindu yivi.

Matayo 24:35

Ligulu ni lirova vilavita, navuzwa amakuva gange sigalivita mba.”

Luka 17:20

Avafarisayo vateva Yeso, “Uvwami vwa Nyasaye vuliiza ng'inga ki?” Yeso yavativulira, “Uvwami vwa Nyasaye sivuzaa nivilolekizu vinyala kololwa mba.

Kwidzulitsa 10:17

Kigira Yahova Nyasaye winyu aveeye Nyasaye wavanyasaye vosi; kandi mwami wa avami, Nyasaye munene, wizingulu kandi wukutihiza; uvula kumanyia liyaanzilira avandu valala kuvita avandi kandi siavugilira kuvugura viambeti mba.

Likunula 1:19

Kunangwa ng'oda ivindu via ololaa; ivindu viveeye ho, kandi ivindu viliva ho ulwi inyima.

Likunula 19:17

Ndaalora engelosi indala nisingiyi ku liuva. Yahanzuka nu mwoyo munene nevolera amanyonyi goosi agabulukaa mu uvwerefu, “Hambi muvugane harara ku lilia linene lia Nyasaye!

Likunula 4:1

Inyima wa yago, ndaali na malola gandi, ndaalora kiliango ni kiguliki mwigulu. Mwoyo gwa ndaali nimbuliyi mu litanga nigovolerana ninzi kuli kisiriva, gwavoola, “Yanigira yinu, nainzi ndakumanyia ivindu viduukana vikoleke lwinyima.”