Danyeli 2:4 - KITABU KITAKATIFU

⁴ Kunangwa vativulira mwami mu lulimi lwavo lwa Aramaiki nivavoora, “O, mwami wiitu, uhindili mihiga ni mihiga! Ligali okovolere maloto googo na kunyi kulakovoolera cha gavoora.”

Danyeli 2:4 Iomraidhean Croise

Litanga 31:47

Labani yalanga havundu yaho Jegari Sahaduza, navuzwa Yakobo yagulika havundu yaaha Galeedi.

Litanga 41:8

Mugambazuri Lidiku lialondaku, mwami yahenda mwoyo. Kunangwa yatumana avakumu vosi kandi vandu vovogeri vosi kutura Egebeti. Yavavolera maloto geege, navuzwa si yaali ho kali mulala waali anyala kwivaalira mwami kivuni cha maloto yaga mba.

1 Avami 1:25

Lidiku liene linu, uziiyi kuhaana kisiuviriru chi zigiriki zinyingi, nivimoli vinetu kandi amagondi manyingi. Yaali kogenihiza avayaayi vu mwami vosi Joabu munene wi liihi na Abiazari musaalisi. Kulwa kalunu valiza nivanwa harara naye nivavoora, ‘Ahindiri mwami Adonija!’

1 Avami 1:31

Bazisheba yinama hasi navoora, “Mwami wange ahindiri!”

2 Avami 18:26

Maku Eliakimu, Shebina na Joa vaavoolera munene wa Senakeribu, “Moloma na kunyi mu lulimi lwa Vamaleki mwaza, kigira kunyi kulumanyi; utamoloma mu Luheburaina mba; avandu vosi avaveeye ku lidigi vahuliriza.”

Ezara 4:7

Mu liamiiha liu mwami Aritasakises wa Pasia, Bishilamu, Miziredazi, Tabeeli, kandi navache vaavo vang'odera mwami ibarwa. Ibarwa yiyi yang'odwa mu lulimi lwa Vaharabu ma nigirung'anywa lwa yasomwa.

Nehemia 2:3

na ndamuvolera, “Mwami ahindiri mihiga ni mihiga! Kigira ki mburi kuva novovereri lwi lidaala linene, ilia avaguuga vange vayavirwa mu, liveeye amang'anye na ivirivwa vialio viamala kusambwa numuliru?”

Isaya 36:11

Maku, Eliakimu, Shebina na Joya vaavoolera Rabishake, “Mwaza, yaanza omolome ni kunyi avatumikiri vovo mu lulimi lwa Aramaiki kigira kunyi kwalumanya. Utamoloma nikunyi mu lulimi lwu Luheburaina; avandu vosi vaveeye ku lidigi nivahulira mba.”

Isaya 44:25

Inzi nzononyiaa vilolekizu via valaguli, kandi ngolaa vasigitiri kuva vasiru. Inzi suraa makuva ga vageri nokokola limanya liavo kuva uvusiru.

Danyeli 1:4

avayaayi vi ligondo lilahi, avageri kandi avigizwa vulahi, avaveeye vwangu kwiga, kandi avaveeye vugira imbara. Vave avadukiru kutumika mu kiyaalo chu vwami. Ashipenazi alavigiza kosoma kandi kong'oda lulimi lwa vandu va Babiloni.

Danyeli 2:7

Vativulira mwami lwa kaviri nivavoora, “Niiva ivi mwami wiitu alakovolera cha aloti, kulamwivaalira cha maloto gavoora.”

Danyeli 3:9

Vavoolera mwami Nebukadineza, “O, mwami uhindili mihiga ni mihiga.

Danyeli 4:19

Maku Danieli, walangwa Beliteshaza yaali niligenya kandi siyavoola kindu mba. Mwami yavoola “Beliteshaza utaleka maloto ni livaala lia go gakogenyie mba.” Beliteshaza yamutivulira, “Mwami wange vwakaveeye vulahi maloto yaga ni livaala liago gave ku vasigu vovo vakudunyira.

Danyeli 4:7

Maku vasigitiri, valaguli, valogi harara na vageri vi zing'ereng'ani vosi valetwa kandi nimbavolera maloto gene yago, navuzwa si vaali vanyara kunzivaalira mba.

Danyeli 4:9

Beliteshaza mwami wavasigitiri vosi, ndamanya ndi roho gwa vayasaye mutakatifu goveeye mu ivi kandi oveeye ni limanyiriza lie vilolekizu viosi. Yaga na maloto gange; mbolera cha gavoora.

Danyeli 5:10

Lwu mukali wu mwami yahulira liyoga yingira mu keng'oze chi lilia ma navoora, “O, mwami omenye mihiga ni mihiga! Nuyanza utanyang'ana mba, kandi utaleka ligondo liilio ligilungane mba.

Danyeli 5:8

Maku vahaani vi zing'anagani vosi vu mwami vaza; navuzwa si yaali ho kali mulala waali unyala kosoma mang'oda anoho kumuvolera livaala liago mba.

Danyeli 6:21

Danieli yativura navoora, “O, mwami uhindiri mihiga ni mihiga.

Danyeli 6:6

Kunangwa vazia kolola mwami ni vavoola, “Mwami Dariasi, uhindiri mihiga ni mihiga!

Danyeli 6:7

Kunyi vosi avamihaa kivala, vasingiliri, vamiihi, na vamiihi avatumwa kandi vanene vandi vavugirizani ndi mwami ahaane lilago kandi alidinyilizi ligali: Ahaane malago ndi ku madiku 30 mundu avuli kuteva ku kindu kutura ku nyasaye woosi, anoho kutura ku mundu wundi nitali ivi mwami. Mundu woosi uvula kolonda lilago yili, asiuvwi mu luhangaywa lwizura zisimba.

Matayo 21:9

Kiduma cha avandu valala vaamwimilira na avandi nivamulonda inyima. Vataanga kuhanzuka nivavoora, “Hosana ku Umwana wa Daudi! Agasizwi uyu uzaa mu Iieta liu Mwami! Yizominywi Nyasaye oveeye yigulu mwigulu!”

1 Samweli 10:24

Samweli yavolera vandu yavo, “Uyu niyie musaza wa Yahova atovooye! Sihaveeye ho nu wundi hagati hiitu oveeye kuli uyu mba.” Avandu vosi vahaanzuka nu mwoyo munene nivavoora, “Mwami ahindiri!”