Danyeli 2:23 - KITABU KITAKATIFU

²³ Ngwizominya nu kuhaana luyali kuivi Nyasaye wa vaguuga vange; umali kumba vogeri kandi zinguru; umali kuhaana mativuli gilisaala liange, kandi umali kukumanyia aga kovoolera mwami.”

Danyeli 2:23 Iomraidhean Croise

Litanga 18:17

Maku Yahova yavoola, “Inzi sindavula kovoolera Aburahamu agambeeye ahimbi kokora mba.

Litanga 31:42

Nyasaye wa baba wange, Nyasaye wa Aburahamu kandi Nyasaye wa Isaka alavula kuva harara ninzi, ngano wangunga vugira kindu choosi. Navuzwa Nyasaye umali kolola uvudinyu vwange kandi linyang'ana lie miyinzi jange. Uvudiku vwa mugolova, uhaani likalaga lilie lirungi.”

1 Avami 18:36

Ku ing'inga yukuhaana kisiuviriru cha mbasu, muporofeti Elija yisunda himbi ku vwali nasaara navoora, “O, Yahova, Nyasaye wa Aburahamu, Isaka, na Yakobo, lolekiza kalunu ndi ivi oveeye Nyasaye wa Isiraeli, kandi inzi mbeeye mutumikiri woovo kandi mali kokora yaga goosi kolondekana ku lilaga liilio.

1 Avami 8:57

Yahova Nyasaye wiitu ave ni kunyi kuli yaali na vaguuga viitu; atakoleka kandi atakoleka mba.

1 Kyetsinyinga 29:10

Kunangwa mwami Daudi yizominya Yahova imbiri wi livugana liosi. Yavoola, “Wizominywi O, Yahova, Nyasaye wa guuga witu Yakobo, mihiga ni mihiga!

1 Kyetsinyinga 29:13

Na kalunu, O, Nyasaye witu, kukusandizaa kandi kwizominya lieta liilio.

2 Kyetsinyinga 20:6

“O, Yahova Nyasaye wa vaguuga viitu, ivi wamihaa ku vandu vosi vu mulirova. Kutura mwigulu ivi oveeye wi zinguru nu vunyali, na mundu sianyala kuhing'ana naivi mba.

Zaburi 21:2

Ivi umali kumuha lienya liu mwoyo gwigwe umali kumutivulira lienya lilie.

Zaburi 21:4

Yaakoteeva livamwoyo, na ivi wamuha, wamuha livamwoyo lie mihiga ni mihiga.

Zaburi 25:14

Yahova aveeye mulina wa yavo avamuhulira; kandi adinyirizaa lilagana lilie navo.

Zaburi 50:14

Lisandiza lienyu, live kuli ivisuuviliu vienyu ku inzi, Nyasaye winyu kandi muhaane ku inzi Uwanyala Viosi, viosi via mwalaga.

Kutwula 3:15

Volera vandu va Isiraeli ndi inzi Yahova, Nyasaye wa vaguuga vinyu, Nyasaye wa Aburahamu, Isaka, na Yakobo undumi kuvo. Yili ni lieta liange mihiga ni mihiga; kandi nilio lidukanaa makura na makura gaaza goosi ganange.

Tsing'ano 21:22

Mundu mugeri alavugula lidaala lia vezingulu, kandi aladiviza zimbinga ziavo zia vasuviraa mu.

Tsing'ano 24:5

Kuva no vogeri nu vulaha kuvita kuva nizinguru, yee limanya liveeye ni kivuni kuvita zinguru.

Tsing'ano 8:14

Ndohizaa miyinzi no kugikola mbeeye ni limanya, kandi nizinguru.

Kohelethu 7:19

Ovogeri vuhaana zinguru ku mundu mugeri kuvita vamiihi likomi avaveeye mu lidaala linene.

Kohelethu 9:16

Ndaamenya ni ndavoora ndi, ovogeri voveeye vulahi kuvita zinguru, kali niiva ovogeri vwu mundu mudaka vuchayangwa, kandi makuva geege sigahulirizwaa mba.

Kohelethu 9:18

Ovogeri voveeye vulahi kuvita viugi viu vulwani, navuzwa mwoni mulala yononyia vindu vilahi vinyingi.

Isaya 12:1

Lidiku liizaa lwa vandu valimba, “Nzizominyaa ivi, Yahova! Ivi waali nu vutima ninzi, navuzwa uvutima vuvwo vutuli ho, na kalunu umali koneminya mwoyo.

Jeremia 33:3

“Waniri ku inzi, na inzi ndakutivulira. Ndakovolera vindu vinene ligali kandi viaviswa via ivi utamanyi mba.

Danyeli 1:17

Nyasaye yahaana ku vayaayi vane yava ovogeri kandi limanyiriza lie ling'oda zing'ano ziosi; kandi komeeda kogene yaga, yahaana ku Danieli ovogeri vwu kumanyiriza kandi kwivaala malola kandi amalooto zing'ano ziosi.

Danyeli 2:18

Danieli yavavolera vasaale ku Nyasaye wu Mwigulu kuvaha zimbavasi kandi kumuteeva avivaaliri a gimbisu gokogenyia kunangwa vavuli kwitwa harara na vageri vandi va Babiloni.

Amosi 3:7

Ligali Yahova Nyasaye sialakola kindu vugira kuvulira avatumwa, avaporofeti veve agaviswa.

Matayo 11:25

Ing'inga yeyo Yeso yavoola, “Baba, Mwami wi ligulu kandi lirova! Ngusandizaa ligali kigira waavisa ivindu yivi ku avageri na avilimanya, na nuukunulira ivihanzahanza.

Luka 10:21

Ing'inga zana yeyo, Yeso yizula uvusangari mu Roho Mutakatifu, niyizominya Nyasaye, navoora, “Baba, Mwami wi ligulu nilirova. Ngusandizaa ligali kigira ivi umali kuvisa ivindu yivi kuvageri kandi ku avilimanya, navuzwa uvuuliyi vihanzahanza. Yee, Baba, nindio wayanza yaga gakolwi kuli vulaliri vuvwo.

Yohana 11:41

Kunangwa avandu vasuunda ligina. Yeso yahenza mwigulu navoora, “Ngusandizaa Baba kuva ivi umbuliraa.

Yohana 15:15

Kutura kalunu sinyala kumulanga avatumwa kandi mba, kigira mutumwa siamanyi ichu mwami weve akolaa mba. Navuzwa inzi mali kumulanga avalina, kigira mali kumuvolera goosi aga ndahulira kutura ku Baba wange.

Likunula 1:1

Kitabu yiki keveeye livuula lia Yeso Kristo, lia Nyasaye yamuha, aduuki kumanyia avatumikiri veve, agazizaa kwekoleka vwangu. Yakola ivindu yivi vimanyikane ku mutumikiri weve Yohana lwa yatuma engelosi weve kuye.

Likunula 5:5

Maku mulala ku vakulundu yavo yambolera, “Utalira mba! Henza! Isimba mu ihiiri ya Yuda, chisukululwi cha Daudi, uguuti uvulwani, naveeye nu uvunyali kovoholora imihuri jacho saba nu kukikunula.”