Danyeli 2:11 - KITABU KITAKATIFU

¹¹ Chu mwami ateeva keveeye kidinyu ligali kandi si haveeye ho nu mundu unyala kokora nivatali avanyasaye kandi sivamenyi na vandu mba.”

Danyeli 2:11 Iomraidhean Croise

Litanga 41:39

Kunangwa mwami yavolera Josefu, “Nyasaye umali kuvulira ivi vindu yivi viosi. Siaveeye ho nu mundu kali mulala oveeye novogeri kandi nilimanyiriza kuvita ivi mba.

Litanga 41:8

Mugambazuri Lidiku lialondaku, mwami yahenda mwoyo. Kunangwa yatumana avakumu vosi kandi vandu vovogeri vosi kutura Egebeti. Yavavolera maloto geege, navuzwa si yaali ho kali mulala waali anyala kwivaalira mwami kivuni cha maloto yaga mba.

1 Avami 8:27

“Navuzwa, ukaveeye unyala O, Yahova Nyasaye, komenya ligali mu lirova? Kali ligulu liosi siliveeye linene linyala kuduuka ivi omenye mulio, kunangwa Litembeli yili lia inzi mali kwumbaka linyala kuva linene likuduuka?

2 Kyetsinyinga 6:18

“Navuzwa ivi O, Nyasaye, oveeye unyala komenya ligali mu lirova harara na vandu? Kali ligulu liosi siliveeye linene linyala kuduuka ivi omenye mu mba. Kunangwa Litembeli yili lia inzi mali kwumbaka linyala kuva linene liduka ivi?

Zaburi 132:14

“Yaaha niho aha inzi ndimenya mihiga ni mihiga; kandi ha nyenya kwamiiha.

Zaburi 68:18

Yanigiraa igulu mwigulu navugura avahambe va yalaanya vanyingi harara naye, avugulaa vihaanwa kali kutura ku vibaali. Yahova Nyasaye alamenya ho.

Kutwula 29:45

Ndamenya hagati ha vandu vange Isiraeli, kandi ndava Nyasaye wavo.

Kutwula 8:19

Avakumu yavo vavoolera Mwami, “Nyasaye umali kokora yaga!” Navuzwa Mwami yadinyia mwoyo gwigwe ligali kandi kuli Yahova yaali navooye, Mwami Munene siyaahulira Musa na Haruni mba.

Isaya 47:12

Kalunu musingiri vudinyu nu vukumu kandi nu vusigitiri vwinyu, vwa mwaali navwo kutura ni mukikiri avana. Hawundi munyala konyoora ovokonyi, anoho munyala konyoora zinguru ziu kutihiza avasigu vinyu.

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Isaya 8:18

Inzi harara na vana vange koveeye kuli kelolero chi lieganihiza kutura ku Yahova Wuvunyali omenya ku kiguru cha Ziyoni. Yakutuma kuli makuva gaveeye mwoyo ku vandu va Isiraeli.

Danyeli 4:4

“Inzi ndaali nemenyi mulieremeliza hango hange hu vwamihi, ni sangaliraa vutugi vwange vonene.

Danyeli 5:11

Aveeye ho nu mundu mu vwamihi vuvwo oveeye na roho gwa vanyasaye. Lwa baba woovo yaali mwami, mundu uyu ya muha ovogeri, limanya kandi vogeri kuli vwa Nyasaye. Mwami Nebukadineza yamukola kuva munene wa valoli, avakumu, avalogi kandi avageri vi zing'ereng'ani.

Joeli 3:21

Inzi ndatungiza kisaalia kigira yavo avamala kwitwa, kandi sindatulizaho mahiolo gaavo mba, kigira inzi Yahova menyaa mu Ziyoni.”

Livalidza 35:34

Mutonogonyi kivala hamumenya mba kigira inzi ni Yahova na menyi hagati ha vandu va Isiraeli.”

Matayo 19:26

Navuzwa Yeso yavahenza navoora, “Ku vandu, likuva yili silinyalika mba, navuzwa ku Nyasaye, ivindu viosi vinyalikaa.”

Yohana 1:14

Likuva liagwa mundu, namenya hagati hiitu; niyizuuyi zimbavasi na agiligali. Nakunyi kumali kolola uvukumi uvwa yanyoora kuli vwu muyaayi muderwa wa Baba.

Yohana 14:17

Oyo ni Roho ovolaa agiligali ga Nyasaye. Avumukivala sivanyala kumuvugilira kigira sivanyala kumulora anoho kumumanya mba. Navuzwa munyi mumumanya kigira amenyaa ni munyi kandi alakave mu munyi.

Yohana 14:23

Yeso yamutivulira, “Mundu nanyaanza, alagumira amigizu gange. Baba wange alamuyaanza, kandi Baba wange harara nainzi kulaaza kuye, na kulamenya naye.

2 Vakorintho 6:16

Litembeli lia Nyasaye liveeye ni livugilirizana ki ni vifananyi? Kunyi koveeye Litembeli lia Nyasaye oveeye mwoyo! Kuli Nyasaye mwene amali kovora, “Ndakalombe hango hange harara na vandu vange nokomenya hagati haavo ndakave Nyasaye wavo, navo valava avandu vange.”

Likunula 21:3

Ndaahulira umwoyo munene nigutura mundeve yu vwami vwa Nyasaye, ni govoora, “Kalunu ovomenyo vwa Nyasaye voveeye harara na avandu! Alamenya navo, navo valava avandu veve. Nyasaye mwene alava harara navo, kandi alava Nyasaye wavo.