Danyeli 12:9 - KITABU KITAKATIFU

⁹ Yandivulira, “Kalunu gakuduukiraa, uzie Danieli, kigira makuva yaga galakunikwa kandi gaviswi kuduuka ing'inga ye keheri.

Danyeli 12:9 Iomraidhean Croise

Isaya 29:11

Kivuni cha vuli lilola liovoporofeti kilaviswa ku munyi; kilava kuli kitabu kevoheywi nu kuvikwa ku muhuri. Niiva ulakihira ku mundu umanyi kosoma na umuteeve akosomere, alakovolera ndi sianyala kukesoma mba kigira kivikiywi ku muhuri.

Isaya 8:16

Munyi, aviigi vange geenya mulindi kandi kuviki amakuva ga Nyasaye amali kumba.

Danyeli 10:14

Mali kuduuka kunangwa ivi uduuki kumanya agazizaa kwekoleka ku vandu vovo mu madiku gaaza.” Yaga namalola kigira makuva gaaza.

Danyeli 11:40

“Lwi ing'inga yu mwami wa Siria yu kumalirika iliva ahimbi kuduuka, mwami wa Egebeti alakamwingiliri, na mwami wa Siria alakamulwaane ni zinguru zizie ziosi. Alakatumikiri magare gu vulwani, zibarasi, kandi zimeri zinyingi Alakingiliri vivala vinyingi kuli amazi gi migelera.

Danyeli 12:4

Yamuvolera, “Danieli kunika kitabu, kandi ukevohe vudinyu ligali kandi uviiki ku muhuri, kuduuka ing'inga yi keheri chi lirova. Avandu vanyingi valakanyaguli yiyi ni yiyi kandi limanya lilakameedeke.”

Danyeli 12:8

Ndaahulira gayavoola, navuzwa si ndagamanya mba. Maku ndateeva, “Navuzwa, Munene wange, ivindu yivi viosi vilakaduukizwi kuli ndi?”

Danyeli 8:26

Amalola yaga agaveeye kigira visiuviliru via mugolova kandi mugambazuri aga umali kwivalilwa, galakave gagiligali. Navuzwa ugavisi ligali, kigira ilakave ing'inga indambi nigakiri kuvuulika.”

Likunula 10:4

Kandi lwi izinguba saba ziamoloma, ndaali ahimbi kong'oda. Navuzwa ndaahulira umwoyo gwatura mwigulu nigovoora, “Uviisi amakuva gi zinguba saba zivooye gatang'oda mba.”