Danyeli 12:6 - KITABU KITAKATIFU

⁶ Mulala kuvo yateeva engelosi yaali ni singiyi ihale ku luginga lwu mugera niyiviiki inguvu yi ikatani, “Vindu viu kogenya yivi vilavaho kuduuka ing'inga ki?”

Danyeli 12:6 Iomraidhean Croise

Zaburi 74:9

Viju vietu vitakatifu viosi viagota; sihaveeyeho na vaporofeti avatigara kali mulala mba. Kandi sihaveeyeho nu mulala ku kunyi umanya yaga galava kuli ndi kuduuka ing'inga ki mba!

Ezekieli 9:2

Nonoho avasaza sita vaza kutura kunzira ya higulu, kulovega lwi kirivwa cha Ivaale. Vuli mulala kuvo yaali nagingi ichugi. Harara navo, yaliho nu mundu uwaali niyiviiki inguvu yu luvaala, kandi nagiingi kindu chu kong'odera. Vosi vaza nivasingila ha vwali vwu mugasa.

Danyeli 12:5

Maku ndaalora avandu vaviri vasingiyi ku mugera, mulala ku vuli luginga.

Danyeli 12:8

Ndaahulira gayavoola, navuzwa si ndagamanya mba. Maku ndateeva, “Navuzwa, Munene wange, ivindu yivi viosi vilakaduukizwi kuli ndi?”

Danyeli 8:13

Maku ndaahulira engelosi indala neteeva iyindi, “Vindu vialoleka mu malola yivi vilazizagilira kuduuka ngi'ngaki? Uvwoni vwa vandu vakora vulazizagilira kuvugura vwiyangu vwi visiuviliru kuduuka ng'inga ki? Liihi liu mwigulu kandi Litembeli vilazizagilira kwonogonywa kuduuka ng'inga ki?”

Danyeli 8:16

Ndaahulira mwoyo gwu mundu kutura ku luginga lwu mugera gwa Ulai nigovoora, “Gabirieli, yiivalira mundu uyu cha malola yaga gavoora.”

Matayo 24:3

Lwa Yeso yaali niyikaye mu Kiguru cha Mizeituni, aviigi veve vaza kuye machiriri nivamuteeva, “Kovolere, ivindu yivi vilakakoleke ing'inga ki? Ni kelolekizu ki ikilimanyia iliiza liilio, kandi ekeheri chi lirova?”

Marko 13:4

“Kovolere yaga ganyala kokoleka ing'inga ki? Kelolekizu ki ikilimanyia ivindu yivi viveeye ahimbi kokoleka?”

Vafeso 3:10

kunangwa ku ing'inga ya lero, kuvitira munzira yi likanisa, zingelosi vamiihi, kandi vaveeye ni zinguru mwigulu vaduuki kwiga kuli Nyasaye aveeye mugeri mu liiva liosi.

1 Petro 1:12

Nyasaye yavulira avaporofeti yava ndi, miyinzi jaavo sijali kigira madanyi gaavo aveene mba, navuzwa kigira munyi, kandi kuli mwahulira vatumwa avamwilwazira Makuva Malahi mu zinguru zia Roho Mutakatifu uwatumwa kutura mwigulu. Ivindu yivi nivio vie zingelosi venyeleriza nu vuha kuvimanya.

Likunula 15:6

Zingelosi saba yavo avaari ni vagingi vulwaye saba vaatura mu Litembeli, niviviiki zinguvu zindavu ni zing'ereng'ana, kandi nivevohi zingova zie zahabu mu viritu viavo.

Likunula 19:14

Avasikari va amahi gu mwigulu vaamulonda, ni vanini ku zibarasi zindavu. Vaali ni viviiki zinguvu zindahi, zindavu.

Likunula 6:10

Navo vaalira nu kuhanzuka nu mwoyo umunene nivavoora, “O, Mwami wi zinguru, wu luyali, mutakatifu kandi wi ligali, kuduuka ing'inga ki, ivi ulalindagira uvuli kukalaga nu kuvaanza kisaalia chi liitwa lietu ku vandu avamenyaa mu lirova?”