Danyeli 12:3 - KITABU KITAKATIFU

³ Avageri valakang'ereng'ane kuli vulavu vwu muvwerefu. Yavo avaliva nivigiza avandu vanyingi kokora agaveeye malungi, valakang'ereng'ane kuli zing'ereng'ani mihiga ni mihiga.”

Danyeli 12:3 Iomraidhean Croise

Kutwula 34:35

kandi valora mu moni mwimwe nimung'ereng'ana; maku Musa yifumaa inguvu inzasasu mu moni mwimwe kuduuka ing'inga yindi lwa yazizaa komoloma na Yahova.

Tsing'ano 11:30

Uvulungi vuhaana livamwoyo, navuzwa kilage kitulizaho livamwoyo.

Tsing'ano 3:35

Avandu vageri valanyora ilizominywa liuluyali, navuzwa avasiru valanyora zisoni.

Tsing'ano 4:18

Inzira ya valungi vagenda ku eveeye kuli litongaa lie liuva, enyooraa vulavu vuli ing'inga kuduuka lwu mbasu gwakaa.

Kohelethu 12:9

Navuzwa kigira mwilwazi yaali mugeri, yaazizagilira kwigiza vandu gayamanya. Yenyeleriza zing'ano, kandi yageriza kohenzeriza giligali gezingano mu vusuuvirifu vwivwe.

Isaya 53:11

Inyima wi limenya liu vusaliri alirana kuva nuvusangali; alamanya ndi siyasaaliraa vugira kivuni mba. Mutumikiri wange mulungi uwa inzi nyanzizangwa naye, alagiinga amageri ga vanyingi, na kigira ye ndasamiiha uvwoni vwavo.

Jeremia 23:22

Niiva vakamanyi zing'anagani ziange ziumuvwivisu, ngano vakalandizi likuva liange ku avandu vange kandi ngano vakavakoli koleka limenya lidamanu liavamenyaa kandi ni vindu viuvuchamu viavakola.

Danyeli 11:33

Aviimiliri vageri va vandu valakasange vogeri vwavo na vandi vanyingi. Navuzwa ku ing'inga engekeeke valala kuvo valakitwi mu vulwani anoho valakasambwe kuduuka ku likuza, na vandi valakanuulwi kandi valakakolwe avahambe.

Danyeli 11:35

Valala ku vimiliri vageri valakitwi, navuzwa kigira yaga vandu vanyingi valakatakaswe. Yiki kilakazizagiliri kuduuka lwe keheri kilakaduuki, ing'inga ya Nyasaye amali kotovola.

Danyeli 12:10

Avandu vanyingi valakitakase kandi valakekole kuva valungi kandi vasiyiku, navuzwa vandu vachamu valakakole vuchamu, kandi sialakaveho mundu muchamu ulakamanye mba. Navuzwa vandu vageri veng'ine nivo avalimanya.

Matayo 13:43

Na avalungi valang'ereng'ana kuli liuva mu Vwami vwa Baba wavo. Oveeye na matu gu kuhulira, ahuliri.

Matayo 19:28

Yeso yavavolera, “Muvooleraa agiligali ndi, lwu Umwana wa Adamu alikala ku endeve yu vwami yu vukumi vwivwe mu Likula Lihia, hene yaho, munyi avalondi vange likomi na vaviri mulikala ku zindeve ziu vwami likomi na vaviri, ukwaamiiha izihiiri likomi na ziviri zia Isiraeli.

Matayo 24:45

Yeso yavoola, “Nivwaha oveeye mutumikiri musuuvirifu kandi mugeri? Ni uyu wu mwami weve aviikaa ave munene ku avinyumba yeeye, kuvaha chukulia chavo ing'inga idukanaa?

Yohana 4:36

Mugesi anyoora madanyi geege, ma avungiza viamo kigira livamwoyo litahera mba, kunangwa mundu utagaa nogesaa vasangala harara.

Yohana 5:35

Yohana yaali kuli itaya yaduuka kandi eng'ereng'anaa, na munyi ku ing'inga ngekeeke mwavugilira kusangalira uvulavu vwivwe.

Vikolwa 13:1

Mu likanisa liali ha Andiokia vaali ho avandu valala avaari avaporofeti kandi avigizi. Baranaba, Simioni walangwa kandi Nigeri, Lukia wa Kurene, Manaeri waali niyavirukizwa harara nu Mwami Herodi, na Saolo.

1 Vakorintho 3:10

Nindumikiraa kihanwa cha Nyasaye yamba, ndaakola muyinzi gwu mwumbaki munene wo vogeri, kandi nimbika umusingi, na mundu wundi naye yumbaka kugwo. Navuzwa gaduukiraa mundu sa mulala aheenze vulahi kuli yumbaka kugwo.

Vafeso 4:11

Yaali niyie uwahaana ivihaanwa kuvandu kuli ndi: yatovola valala vave avatumwa na avandi vave avaporofeti, avandi vave avilwaazi vakulandiza Ivangeri, avandi avayi kandi avigizi.

Vahebraina 5:12

Ing'inga yaveeye ho indambi ya gaduukanaa munyi muve avigizi, navuzwa munyi mukiri ni lienya mundu amwigizi amigizu gu kutanga agiligali ga makuva ga Nyasaye. Mugwiyi avenyaa kunwa maveere mu vogono vwu kulia viukulia vidinyu.

2 Petro 3:15

Muloraa ndi liekuzira liu Mwami liveeye vwiyangu vwa hanaa kumunyi muduuki kohona kuli Paolo, amiitu wiitu muyanze yaamungodera, natumikira ovogeri vwa Nyasaye yamuha.

Likunula 1:20

Yaga nigo amivisu gi zing'ereng'ani saba ziololaa mu mukono gwange umulungi na agaviswa gi ivinaara saba, izing'ereng'ani saba ni zingelosi zia amakanisa saba. Nivinaara saba viveeye amakanisa saba.

Vakalagi 5:31

Avasigu vovo vakuze ndio, O, Yahova, navuzwa avalina vovo vang'ereng'ane kuli iliuva! Ni mirembe jaaliho mu kivala ku mihiga arubaini.