Danyeli 12:1 - KITABU KITAKATIFU

¹ Engelosi yaali ni yiviiki iganza yavoola, “Ing'inga yene yeyo, Mikaeli engelosi enene, ulindaa vandu vovo, alakaloleke. Maku ilakave ho ing'inga yu vudinyu, indamanu ligali kali kutura zihiiri ziu kutanga nizivaho. Lwi ing'inga yene yeyo iliduuka, avandu vosi vi ihiiri yooyo, avamita gaavo gang'odwa mu kitabu cha Nyasaye valakahonywi.

Danyeli 12:1 Iomraidhean Croise

Zaburi 56:8

Ivi umanya kuli ngubizangwa ikivi ivi umali kong'oda livaliza lia maliga gange, goosi gang'odwa mu kitabu chicho?

Zaburi 69:28

Tuliza ho amita gaavo mu kitabu cha avaveeye mwoyo; kandi vatavalizwa harara na avandu vovo valungi mba.

Isaya 4:3

Vuli mundu woosi watigala mu Jerusalemi, awa Nyasaye yatovola amenye, alalaangwa mutakatifu.

Isaya 9:7

Uvwami vwivwe vwi zinguru vulazizagilira kuviruka; uvwami vwivwe vulava ni mirembe kazozo. Alamiiha kuli mwami mu vogono vwu mwami Daudi. Zinguru zizie zilereda ku likalaga lirungi, kandi liagigali kutura kalunu kuduuka mihiga ni mihiga. Yahova Wuvunyali amali kusaavira kokora yaga goosi.

Jeremia 30:10

“Avatumikiri avandu vange Isiraeli, mutatia mba; avandu va Isiraeli, mutatiihizwa mba. Ndamusoola kutura mukivala chi ihale yicho, kutura mukivala chamuveeyemu avahambe. Munyi na mulirana yengo kandi namumenye mumirembe; munyi na mukingwi, umundu kali mulala sinaamutihizi mba.

Jeremia 30:7

Lidiku liuvudinyu lizaa; sihaveeyeho nilidiku linyala kufwanana nalio mba, ing'inga yuvudinyu ku avandu va Isiraeli, navuzwa valahona.”

Ezekieli 13:9

mbeeye himbi kuhaana mageri ku munyi, avaporofeti avaveeye na malola gataveeye gagiligali kandi avaveeye nu voporofeti vwu vugadi. Sinamuve harara nu muganda gwa vandu vange, anoho simulang'odwa harara namita ga vandu va Isiraeli mba, anoho simulakilane mu kivala cha Isiraeli mba. Maku mulakamanye ndi, inzi mbeeye Yahova Wuvunyali.

Ezekieli 34:24

Inzi, Yahova ndava Nyasaye wavo, kandi mwami kuli mutumikiri wange Daudi naave mwamihi wavo. Inzi mali kovora.

Ezekieli 5:9

Kigira uvudamanu vwosi vwa mumali kokora, ndahaana mageri ku munyi agangikiri kumukoleraku kandi maziambiri; kandi si ndakakolendio ing'inga yindi mba.

Danyeli 10:13

Engelosi ilindaa uvwami vwa Pasia yahing'ana na inzi ku madiku 21, maku Mikaeli indala ku zingelosi zinene yaza kongonya, kigira ndaali nendekeywi mu mwami wa Pasia

Danyeli 10:21

Navuzwa ndakovolera agang'odwa mu kitabu cha giligali: Si aveeyeho nu mundu kali mulala wangonya, nitali Mikaeli engelosi ulindaa munyi avandu va Isiraeli.

Danyeli 11:45

Alakumbake mahema manene gu vukumi hagati hi inyanza ni kiguru, havundu hi Litembeli liumbakwa. Navuzwa alakakuzi vugira mundu kumukonya.”

Danyeli 7:10

mugera gwu muliru gwasundukaa kutura muyo. Vaali ho vandu zielefu zinyingi vamutumikira kandi vandi zimilioni vasingira imbiri weve. Kiyaalo chatanga miyinzi, kandi vitabu viakunulwa.

Danyeli 9:12

Wakola agawavoola ulakola ku kunyi kandi ku vamiihi viitu. Wahaana mageri amalulu ligali ku lidaala lia Jerusalemi kuvita madaala gandi goosi mu lirova,

Joeli 2:2

Na live lidiku lie kisundi kandi liovovereri, lidiku lia malesi kandi kisundi kenene. Zisigi zinyingi ziza kuli kisundi kenene kufumaa vigulu. Sihaalikuho ni kindu kuli yiki mba, kandi sikilivaho mba.

Malaki 3:16

Maku avandu vaatia Yahova vavolerana, na Yahova yahuliriza ma naahulira cha vavola. Vang'oda imbiri weve mu kitabu chu kwizuliza yavo vosi avatia Yahova kandi avahaana luyali kuye.

Matayo 24:21

Kigira ing'inga yene yeyo ikivi kenene kilakaveho likikiri kololeka ku kutura litanga lie lirova kuduuka lero. Silakaveho ing'inga yindi kandi mba.

Marko 13:19

Kigira mu madiku yago, kulakave nikivi ekenene kikikiri kuva ho kutura Nyasaye nalomba ilirova kuduuka lero, na ikivi kuli yiki sikilakaveho kandi mba.

Luka 10:20

Kunangwa mutasangala kigira mademoni gaali kwegehiza ku munyi, navuzwa musangare kigira amita ginyu gang'odeywi mwigulu.”

Varumi 11:15

Lwa Nyasaye yavasuula, Nyasaye yagilung'anyia vandu vu mu kivala, avaari vasigu veve, nivagwa valina veve. Maku galakaveki lwavalakavugililwi? Galakave lisimuguka ku vakuzu.

Varumi 11:26

Kandi nindio vandu va Isiraeli vosi valihonywa. Kuli Mang'oda Matakatifu gavoora, “Muhonyi alatula Ziyoni, kandi alatuliza uvudamanu vwosi kutura ku visukululwi vosi via Yakobo.”

Vafeso 1:21

Kristo yamiha yo igulu wa avamihi vosi vu mwigulu, vunyali, zinguru, kandi avami, aveeye nidaraja eveeye enene ligali kuvita zidaraja ziu vunyali ziosi zinyala kovoolwa mu lirova yili kandi mulirova lizaa.

Vafilipi 4:3

Ndeva ivi muyinziri musuuvirifu wache, yaanza okonye avakali yava. Vayinzira vudinyu harara ninzi kulandiza Ivangeri ni zinguru, harara na Kilemendi kandi avayinziri vache vosi, avamita gaavo gang'odwa mu kitabu chi livamwoyo.

Yudasi 1:9

Kali Mikaeli, engelosi munene, siyakola ku yaga mba. Mu lihing'ana lilie na Setani, lwa vaahangalizanira ku muviri gwa Musa ndi nivwaha uguvugulaa, siyaaluvilira kukalagira Setani na amakuva ga amanyego mba; navuzwa yavoola, “Mwami mwene avagondokele!”

Likunula 1:5

kandi kutura ku Yeso Kristo oveeye mulolekizi umusuuvirifu, wukutanga kusimugukizwa kutura mu vakuzu, kandi aveeye mwami wa avami vanene vi lirova. Yakuyaanza kandi nakovoholola kutura muvwoni vwitu; na masahi geege

Likunula 12:7

Ahene yaho uvulwani vwatulira mwigulu. Mikaeli, harara ni zingelosi veve, valwaana nogoyoka zana, nagwo harara ni zingelosi ziagwo gwavalwaana.

Likunula 13:8

Avandu vosi avamenyaa mu lirova valakisigamira, nivatali avamita gaavo gang'odwa mu kitabu chi livamwoyo chu Mwana wi Ligondi witwa; kutura lirova nilikikiri kolombwa.

Likunula 17:14

Avami likomi zana harara ni king'ang'a valalwaana Mwana wi Ligondi, navuzwa Mwana wi Ligondi, harara na valondi veve, avayalanga, avayatovola kandi avasuuvirifu; alavaguuta kigira aveeye Mwami wa avamihi.”

Likunula 20:12

Ndaalora kandi avakuzu, avanene na vakekeeke, nivasingiyi imbiri wendeve yu uvwami. Ivitabu viakunulwa, kandi ikitabu kindi ekeveeye chi livamwoyo, chakunulwa. Avakuzu vakalagirwa kolondekana ni miyinzi javakolaa kuli gang'odwa mu vitabu yivi.

Likunula 20:15

Umundu woosi wi lieta liilieliavula kong'odwa mu kitabu chi livamwoyo, yasiuvwa munyanza yu muliru.

Likunula 3:5

Oyo ugutaa uvulwani alaviikwa zinguvu zindavu; sindatuliza lieta lilie mu kitabu chi livamwoyo mba, kandi ndiyama lieta lilie imbiri wa Baba wange kandi imbiri wi zingelosi veve kandi.

Likunula 7:14

Nainzi ndaamutivulira, “Simanyi mba, umwami ivi umanyi.” Yambolera, “Yava nivo avamali kutura mu kivi ekenene yicho, navo voogizi ziganza ziavo mu masahi gu Mwana wi Ligondi, nukuzikola zive zindavu.