Danyeli 11:4 - KITABU KITAKATIFU

⁴ Navuzwa mu ing'inga yu lusuma lwi zinguru zizie, vwamihi vwivwe vulakavukane mu vidonye vine. Avami valiamiiha ha vogono vwivwe si valakatuli mu visukululwi vivie mba, kandi si valakave ni zinguru kuli zia yaali nazio mba.

Danyeli 11:4 Iomraidhean Croise

Zaburi 39:6

kandi aveeye vuzwa kuli chiriri. Viosi akolaa siviveeye kindu mba, avungiza uvutugi vwivwe, na siamanyi mundu ulivugula mba.

Kohelethu 4:8

Haveeye ho nu mundu omenyi yeng'ine. Siaveeye nu muyaayi mba, anoho amwavo mba, navuzwa ayinziraa zing'inga ziosi. Vutugi vwaveeye navwo si vumuduukaa mba; ayinziliraa vwaha vudinyu konyoora, navuzwa avula kwiyaanziza? Yiji kandi jiveeye miyinzi ja vuzwa kandi jo koveleriza.

Jeremia 12:15

Navuzwa lwamba nindakavahira ihale, ndakavaveere zimbavasi; ndilanyia vuli ihiiri mukivala chavo kandi mulirova liavo.

Jeremia 12:17

Navuzwa niiva ihiiri yoosi sielakatie mba, maku ndagituliza ho nukugidiviza ligali. Inzi, Yahova mali kovora.”

Jeremia 18:7

Niiva ku ing'inga yoosi ndakavooye ndi nziza kwiha, kuvunanyira hasi anoho kudiviza ihiiri anoho vwami,

Jeremia 31:40

Livona liosi, havundu havakuzu vaayavirwa kandi ahiligoke lisiuvwa, kandi imilimi jiosi igulu wu mugera gwa Kidironi kuduuka ivugwi wi kirivwa chi Barasi nahave hatakatifu hange. Lidaala yilio sililononywa anoho kudivizwa mba.”

Jeremia 45:4

“Navuzwa inzi, Yahova, ndasambura ichamali kwumbaka kandi ndiha chamali kutaga. Inzi ndakora yaga ku kivala choosi.

Jeremia 49:36

Ndakora imbuza kuhuuza ku Elamu kutura mu zimbega ziosi, kandi ndasalanyira avandu veve havundu hoosi, kuduuka avahaali vaavo navazie muvivala viosi.

Ezekieli 37:9

Nyasaye yambolera, “Mwana wu Mundu, porofeta ku umwika. Ogovoolere ndi, Mwami Munene Yahova alaangaa ivi kutura mu zimbega ziosi, na uzie mu miviri mikuzu yiji, kandi jive mwoyo.”

Danyeli 7:2

Ndalora malola vudiku, imbuza inene yajukanyia inyanza.

Danyeli 7:6

Lwa ndaali ningiheenza, king'ang'a kindi chatulira. Chaali kuli engo, navuzwa chaali ni zimbaha zine ku mugongo gwacho, zimbaha yizio ziali kuli zie linyonyi kandi chaali ni mitwi jine. Chaloreka kuva nuvunyari.

Danyeli 7:8

Lwa ndaali ningiheenza ku zinziga, ndaalora lwiga lundi lukekeeke lumeraa hagati mu zindi. Lwatandulanyia zinziga zivaga ziali nizimali komera. Lwiga yilu lwali ni zimoni kuli ziu mundu na munwa gwamolomaa nu vwelori.

Danyeli 8:22

Zinziga zine ziamera havogono hu lwiga lulala lwavunika, zimanyaa vwamihi vone vwi ihiiri indala yaza igavulanywemu, navuzwa si navove vwi zinguru kuli vwamihi vwu kutanga mba.

Danyeli 8:8

Imburi yaazizagilira kufuriana, navuzwa mu vunyingi vwi kirage chayo, ulwiga lwayo lulala lwavunika. Zinziga zine zinene ziamera mu vogono vwu lwiga lulala lwavunika, na vuli lwiga lwa henza igulu mu lovega lwalwo.

Zekaria 2:6

Yahova yavolera vandu veve, “Hambi! Mwiluki kutura mu kivala chi Ivaale kigira inzi mali kumusalanyia mu zimbega ziosi zie kivala.

Zekaria 6:5

Yandivulira, “Yizi nizimbuuza zine zimali kuuza kutura imbiri wa Yahova wikivala choosi.”

Matayo 12:25

Yeso yamanya zing'anagani ziavo, navavoolera, “Uvwami vwosi uvwavukanaa uvwene, vwonekaa ma vugwa; si vunyala kusingira mba. Amadara goosi anoho zinyumba ziosi iziavukanaa nukulwana iziene zilagwa ligali.

Luka 12:20

Navuzwa Nyasaye yamuvolera, ‘Musiru ivi vudiku vwa kalunu ndatuliza livamwoyo liilio. Kunangwa vindu via wavika vilava via vwaha?’ ”

Likunula 7:1

Inyima wa yaga ndaalora zingelosi vane ni vasiingi ku zimbega zine zie lirova. Vagumira izimbuuza zine zie lirova zivuli kuhuuza ku lirova nu kunyanza, kandi ku misaala josi.