Danyeli 11:35 - KITABU KITAKATIFU

³⁵ Valala ku vimiliri vageri valakitwi, navuzwa kigira yaga vandu vanyingi valakatakaswe. Yiki kilakazizagiliri kuduuka lwe keheri kilakaduuki, ing'inga ya Nyasaye amali kotovola.

Danyeli 11:35 Iomraidhean Croise

2 Kyetsinyinga 32:31

Lwa vatumwa kutura Babiloni vaza koteveveleriza amakuva gi kindu chokogenyia ichaali ni chekoleki mu kivala, Nyasaye yaleka Hezekia azie kunzira yeeye mwene aduuki kumugeriza kumanya agaveeye mu mwoyo gwigwe.

Tsing'ano 17:3

Izahabu ni ifeza zigelizwa kuvitira mumuliru, kandi Yahova agerizaa mwoyo gwu mundu.

Isaya 27:9

Navuzwa uvwoni vwa Isiraeli vulakasamifwi vuzwa lwa magina guvwaali vwi vifananyi galisievwa kuli ichoka, kandi uvwali vwi vimuli anoho vifananyi viu munyasaye wikikali Ashera vilivula kulekwa.

Danyeli 11:27

Maku avami vaviri yava valakikale nu kulira komesa indala, navuzwa zing'anagani ziavo zilakave zindamanu, kandi mulala alakagade wache. Si valakanyore chavenyaa mba, kigira ing'inga ya cho ilakave nikikiri kuduuka.

Danyeli 11:29

“Lwinyima, alakingiliri Egebeti kandi navuzwa ing'inga yiyi vindu vilakagilungane.

Danyeli 11:33

Aviimiliri vageri va vandu valakasange vogeri vwavo na vandi vanyingi. Navuzwa ku ing'inga engekeeke valala kuvo valakitwi mu vulwani anoho valakasambwe kuduuka ku likuza, na vandi valakanuulwi kandi valakakolwe avahambe.

Danyeli 11:40

“Lwi ing'inga yu mwami wa Siria yu kumalirika iliva ahimbi kuduuka, mwami wa Egebeti alakamwingiliri, na mwami wa Siria alakamulwaane ni zinguru zizie ziosi. Alakatumikiri magare gu vulwani, zibarasi, kandi zimeri zinyingi Alakingiliri vivala vinyingi kuli amazi gi migelera.

Danyeli 12:3

Avageri valakang'ereng'ane kuli vulavu vwu muvwerefu. Yavo avaliva nivigiza avandu vanyingi kokora agaveeye malungi, valakang'ereng'ane kuli zing'ereng'ani mihiga ni mihiga.”

Danyeli 12:4

Yamuvolera, “Danieli kunika kitabu, kandi ukevohe vudinyu ligali kandi uviiki ku muhuri, kuduuka ing'inga yi keheri chi lirova. Avandu vanyingi valakanyaguli yiyi ni yiyi kandi limanya lilakameedeke.”

Danyeli 8:10

Lwiga yilu lwaviruka nizinguru ligali, kulwaana liihi liu mwigulu, kali nizing'ereng'ani; lwa siuva zindala hasi kumalova niluziduvagira ho.

Danyeli 8:17

Kunangwa Gabirieli yaza nasingira ahimbi na inzi; ndaali nuvuti ligali, kandi ndaagwa hasi. Yambolera, “Mwana wu mundu, gakuduukiraa umanye cha malola yaga gavoora. Gaveeye kigira keheri chi lirova.”

Danyeli 8:19

Yambolera, “Ndakuvuulira mativuli gu vutima vwa Nyasaye kuli vulakave. Malola yaga gamanyiaa ing'inga ye keheri.

Danyeli 9:27

Mwamihi oyo alakalombe lilagana lidinyu na vandu vanyingi ku mihiga 7, kandi lwi inusu yi mihiga 7 ilakaviti, alakaherizi visiuviliru kandi vihaanwa. “Kindu kidamanu ligali keleetaa lidiviza kilakaviikwi kondongozi kwi Litembeli, kandi kilakaveku kuduuka umundu wakiviikaku alakadivizwi kuli Nyasaye yalagaa.”

Habakuk 2:3

Ogang'ode, kigira ing'inga ikikiri kuduuka lwayaga gaava giligali. Navuzwa ing'inga yiza vwangu, kandi chanzizaa kukumanyia kilakave cha giligali. Galaloleka ndi kilaaza galaha, navuzwa ukilindiliri; gaveeye giligali yiki kilekoleka kandi sikilakalindagiliri mba.

Zekaria 13:9

Ndakagerizi kiduma chakavaga kilihononoka, kandi ndavatakase kuli ifeza isiyangwa mu kisambiru chu muliru. Ndavagerizi kuli izahabu isiyangwa mu kisambiru chu muliru. Maku valakasaale ku inzi, na inzi ndakavativuliri. Ndakavavoolere ndi vaveeye avandu vange, navo valakiyame ndi inzi mbeeye Nyasaye wavo.”

Matayo 16:17

Yeso yativura, “Oveeye nuvugasu ivi Simoni umwana wa Yohana kigira siaveeye umundu ukuvuuliyi agiligali yaga, nitali ni Baba wange oveeye mwigulu.

Matayo 26:56

Nitali yaga goosi gaakoleki kunangwa, agavaporofeti vaang'oda mu Mang'oda Matakatifu gaduuki kutwekizwa.” Kunangwa aviigi vosi vamuleka ni viiruka.

Yohana 15:2

Vuli lusia oloveeye ku inzi ulutamaa makuyu alalotema, kandi vuli lusia lwamaa makuyu, alaluhalulira kunangwa ludase kwama amakuyu manyingi ligali.

Yohana 20:25

Kunangwa, aviigi vandi vamuvolera, “Koololi Mwami.” Tomasi yavavolera, “Nindalola zimbara zie misumari mu makono geege, nu kudiira kedete change muzio, kandi kudiira mukono gwange mu zimbalu zizie, sinyala kusuuvira mba.”

Vikolwa 13:13

Kutura Pafo, Paolo na avache veve vanina mu liato nivazia kuduuka Periga lidaala mu Pamufilia. Navuzwa Yohana uwalangwa kandi Mariko, yavaleka niyirana Jerusalemi.

Kwidzulitsa 8:16

Muchangalangwe, yauha imaana mulie, ichukulia cha avaguuga vinyu vavura kulia ku kali hakuzu. Yaleeta uvudinyu ku munyi aduuki kumukola mwegehizi kandi kumugeriza, kunangwa mu limalirika aduuki kumugaasiza nivindu vilahi.

Yakobo 1:2

Avaamitu vange, mwiganagane aveene kuva nu vusangali, lwa amagerizu zing'ano ziosi gaaza ku munyi.

Likunula 14:15

Na engelosi yindi yatura mu Litembeli, nihanzuka nu mwoyo munene, nevolera uyu uwikala ku lilesi, “Leeta engonono yooyo ogese, kigira ing'inga yi ligesa imali kuduuka.”

Likunula 17:17

Nyasaye umali kugaviika mu mioyo jaavo ilienya kokora uvulariri vwivwe nu kuhulirizana aveene ku vene, nu kuha king'ang'a yiki uvunyali vwavo kwamiiha kuduuka lwi likuva lia Nyasaye lilitwekizwa.

Likunula 2:10

Utatia ivindu vienya kukugwira: Henza, ngovolera, Setani aveeye ahimbi kuviika valala ku munyi mu uvuhambe, muduuki kugerizwa; kandi mulava ni lidambizwa ku amadiku likomi. Ove umusuuvirifu ku inzi kuduuka kali ku likuza; nainzi ndakuha itaji yi livamwoyo.

Likunula 7:14

Nainzi ndaamutivulira, “Simanyi mba, umwami ivi umanyi.” Yambolera, “Yava nivo avamali kutura mu kivi ekenene yicho, navo voogizi ziganza ziavo mu masahi gu Mwana wi Ligondi, nukuzikola zive zindavu.