Danyeli 11:32 - KITABU KITAKATIFU

³² Mwami alakatumikiri vugadi kunyoola lidinyiriza kutura ku yavo avaleka idini yaavo, navuzwa yavo avaloonda Nyasaye, valakavalwaane.

Danyeli 11:32 Iomraidhean Croise

1 Kyetsinyinga 28:9

Daudi yavolera Solomoni, “Mwana wange, ngovolera umanye Nyasaye wa baba woovo, ma kandi umutumikiri nu mwoyo gwugwo gwosi, nu vulaliri vwi zing'anagani zizio ziosi. Yahova amanya zing'anagani zietu ziosi kandi lienya lietu liosi. Niiva ulazia kuye, alakuvugilira; navuzwa niiva ulagirung'ana kutura kuye, alakoleka mihiga ni mihiga.

Nehemia 4:14

Ndalora ndi avandu zana vahendi mwoyo, kunangwa ndavavolera aviimiliri navanene vaavo, “Mutatia avasigu viitu mba. Mwizurizi ndi Yahova aveeye munene kandi wukutihiza, ma mulwaaniri avandu vikivala chienyu, avana vinyu, avakari vinyu kandi zinyumba zienyu.”

Zaburi 9:10

O, Yahova, yavo avakumanya, valakusuuvira kandi siulaleka yavo avaazaa ku ivi mba.

Tsing'ano 19:5

Niiva mundu alavoora vovehi mukiyaro, alanyoola mageri; sialahononoka mba.

Tsing'ano 26:28

Gakuduukiraa udunyiri mundu ukusaliriza no vovehi. Limoloma litaveeye lie giligali liletaa lidiva.

Jeremia 31:34

Siaveeyeho kali mulala waza wigizi wache kumanya Yahova, kigira vosi valakamanye inze, kutura kumukekeeke kuduuka kumunene. Inzi ndakasamihi vwoni uvwavo kandi sindakizulizi uvudamanu vwavo mba. Inzi, Yahova, mali kovora.”

Danyeli 11:21

Engelosi yaazizagilira kwivaala: “Mwami wa Siria ulilonda ku alakave mundu mudamanu ulivula kwenyeka kuva mwami, navuzwa alakaze vugira kumanyikana nu kuvugura vwami munzira yu vugadi.

Danyeli 11:34

Lwi liitwa lilakave nilizizagiliraa, vandu va Nyasaye valakakonywe hakekeke kali niiva avanyingi kuvo valiva niviyunga navo kigira lieyenyela liavo.

Zekaria 10:12

Ndakahaane zinguru ku vandu vange; valakasigamiri kandi valakatie inzi.” Yahova umali kovora.

Malaki 4:2

Navuzwa kumunyi avatizaa inzi, zinguru ziange zio vohonyi zilatonga ku munyi kuli liuva. Ndaleta vohonyi ku munyi kuli vwaku vwi liuva. Mulakave avavoholore kandi nu vusangali kuli vimoli vituliziywi mu kego.

Yohana 17:3

Livamwoyo litahera mba liveeye kovora limanya ivi, Nyasaye wiligali yeng'ine, kandi kumanya Yeso Kristo, uwa ivi watuma.

1 Yohana 5:20

kandi kumanyi vulahi Mwana wa Nyasaye umali kuuza kandi umali kukuha limanyiriza ku kuduuki kumanya Nyasaye wiligali. Kunyi komenyi muvuhambani na Nyasaye wiligali muvuhambani nu Mwana weve Yeso Kristo. Uyu niyie Nyasaye wiligali kandi yili nilio livamwoyo litahera mba.

Likunula 6:11

Navo vahevwa vuli mulala inguvu yi ganza indavu kandi ni vavolerwa vasoose hakekeke kuduuka livaliza lia Vakrisitayo vache na avamwavo vaavo avenyekanaa viitwi iduuka, kuli yavo viitwa.