Danyeli 10:6 - KITABU KITAKATIFU

⁶ Muviri gwigwe gwang'ereng'ana kuli ligina liu vuguli, mumoni mwimwe mwahemahema kuli oloheni, zimoni zizie ziaka kuli muliru. Makono harara ni vilenge vivie viang'ereng'ana kuli ligina liavakwa mugasa, kandi mwoyo gwigwe gwa hulirika kuli lifuma liu muganda gwa vandu vanyingi.

Danyeli 10:6 Iomraidhean Croise

Kutwula 28:20

na muluvaso lwakane, uviiki mu iberulo, ijaaza na ijasipi, gahandizwi muvigumiliru vie izahabu.

Lwimbu lwa Solomoni 5:14

Makono geege galombwa vulahi, kandi yiviika zibede zialombwa ku magina guvuguli Muviri gwigwe goveeye musweyeku kuli miinu geenzogu gavikwamu magina guvuguli.

Ezekieli 1:14

Vilombe yivi vianyagula zimbiru ligali kuli lihemahema lioloheni.

Ezekieli 1:16

Amagurudumu goosi gane gaali ni lifana lilala; vuli lilala kugo liang'ereng'anaa kuli ligina liu vuguli, kandi vuli lilala liagavulanywa hagati ni lindi ku lovega lwu mukono mulungi.

Ezekieli 1:24

Lwi vilombe yivi viaburuka, ndaahulira liyoga lie zimbaha ziavio. Liyoga yili liahulirika kuli muhuumu gwa mazi ginyanza, kuli liyoga lie liihi linene, kandi kuli mwoyo gwa Nyasaye Wuvunyali. Lwa vialekera kuburuka vialingaa zimbaha ziavio,

Ezekieli 1:7

Virenge viavio viali vilungi, kandi zimbagayu ziavio ziali kuli zie zigiriki. Viang'ereng'anaa kuli umugasa guvakiywi.

Ezekieli 10:9

Kandi ndahenza nindora magurudumu gane kolovega lwa vakerubi; vuli ligurudumu liali kolovega lwa vuli mukerubi. Amagurudumu goosi gane gaali ni lifana lilala; galoleka kuli ling'ereng'ana lie ligina liu vuguli.

Ezekieli 40:3

Yambira kuduuka ahimbi ku zinyumba yizio, na ndaalora mundu musaza uwaloleka kuli umugasa. Yaali numugoye gwi katani mu makono geege, kandi kidundu chokogera, yaali nasingiyi mu kirivwa.

Ezekieli 8:2

Ndahenza na ndaalora kindu chalombwa mu lifana liu mundu. Kutura mu kisindi kuzia igulu, kindu yiki chang'ereng'ana kuli mugasa; na kutura mu kisindi kuzia hasi chaloreka kuli muliru.

Matayo 17:2

Nonoho Yeso yagirung'anywa ligondo imbiri wavo. Mumoni mwimwe mwaka kuli iliuva, kandi izinguvu zizie ziahemahema kuli uvulavu.

Matayo 28:3

Ligondo lilie lialoleka kuli oloheni, kandi izinguvu zizie ziali izindavu kuli ilikonza.

Luka 9:29

Lwa yaali nasaara, ligondo liu mumoni mwimwe liagirung'ana, kandi zinguvu zizie ziagwa zing'ereng'anu kuli loheni.

Likunula 10:1

Ndaalora engelosi yindi yi zinguru niyiika kutura mwigulu. Yaali nafumiiywi ni lilesi kandi kisaahi chi imbura chaali ku mutwi gwigwe. Mu moni mwimwe mwaka kuli liuva, ni vilenge vivie viali kuli zitiru ziu muliru.

Likunula 19:12

Izimoni zizie ziveeye kuli olomemo lwu muliru. Yiviika izitaji zinyingi ku umutwi gwigwe. Yaali ni lieta ling'odeywe, kuye, kandi sihaveeye ho nu mundu umanyi cha livoora nataveeye oyo umwene.

Likunula 2:18

“Ng'odera engelosi wi likanisa liveeye Ziatira: “Yaga nigo amakuva gu Mwana wa Nyasaye, izimoni zizie ziakaa kuli lomemo lwumuliru, kandi wi zinduvatiru zizie zing'ereng'ana kuli mugasa gusiyiywi.

Likunula 21:20

liakatano iliakanyu onikisi, lia sita liali iliakanyu Karinelia, lia saba amayai nu uvulimu-kurisolaiti, lia munane bulu nu uvulimu berili lia tisa lia amayai-topazi, liali komi lia amaveere kurisopurase lia komi na moja ni bulu na uvulimu tarikwoisi, lia komi na mbiri muzambarao-amezisiti.