Danyeli 10:3 - KITABU KITAKATIFU

³ Si ndaalia chukulia kilahi, anoho kunwa iwaini, anoho kusanula liisu mba, kuduuka lwa masiza gavaga gaavita.

Danyeli 10:3 Iomraidhean Croise

2 Samweli 19:24

Maku Mefiboshezi, mwisukulu wa Saolo, naye yasulunguta ukwaganira mwami munene. Siyaali niyisaavi virenge vivie mba, naavegi zinderu zizie, anoho kufuuya zinguvu zizie kutura ing'inga yu mwami munene yatura Jerusalemi kuduuka lwa yirana nimirembe.

Ayubu 33:20

Mulwaye zana agotizaa uvuha vwu kulia chukulia, kali chukulia kilahi ligali, kelolekaa kuva chukuvihiririza.

Danyeli 10:12

Maku yambolera, “Danieli, utatia mba Nyasaye umali kuhulira lisaala liilio kutura ing'inga yu kutanga lwa watovola kwegehiza kunangwa onyoore limanyiriza. Inzi mali kuduuka kigira gi lisaala liilio.

Danyeli 11:8

Alakilanye mu Egebeti vifananyi via vanyasaye kandi viju vie izahabu ni ifeza viali ni viagimwa ku vanyasaye vaavo. Lwinyima, mihiga jiduuki ji mirembe jilakave nijakavita,

Danyeli 6:18

Maku mwami yirana munyumba yeeye yu vwami, navuzwa si yagona vudiku vwosi anoho, si yaalia kandi si haali ho ni vindu viu kumuyanziza mba.

Amosi 5:11

Kunangwa mumali kudambiza avadaka nu kuvanura vuswage vwavo. Kigira yaga, simulamenya mu zinyumba zindahi zia magina gavazwa zia mwumbaka, kandi simulanwa iwaini kutura ku mizabibu milahi ja mwasimika mba.

Nahum 2:9

Mulanye ifeza! Mulanye izahabu! Livikiru lie lidaala lizuuyi vindu viu vuguli!

Matayo 6:17

Navuzwa lwa ohonga lilia, wisaave mumoni, olombe liisu wivake amaguta,

Luka 7:46

Ivi siumbaki amaguta ga muzeituni ku mutwi gwange mba, navuzwa uyu umbaki virenge viange na maguta guvuguli agafunyaa umwayu.

1 Vakorintho 9:27

Nombaa umuviri gwange kuva mudukiru ligali ku liduywa kunangwa inzi mwene kandi ndanyooleke nimbeeye harara na yavo avandaamara kulanga mu ligerana yili.