Danyeli 10:21 - KITABU KITAKATIFU

²¹ Navuzwa ndakovolera agang'odwa mu kitabu cha giligali: Si aveeyeho nu mundu kali mulala wangonya, nitali Mikaeli engelosi ulindaa munyi avandu va Isiraeli.

Danyeli 10:21 Iomraidhean Croise

Danyeli 10:13

Engelosi ilindaa uvwami vwa Pasia yahing'ana na inzi ku madiku 21, maku Mikaeli indala ku zingelosi zinene yaza kongonya, kigira ndaali nendekeywi mu mwami wa Pasia

Danyeli 12:1

Engelosi yaali ni yiviiki iganza yavoola, “Ing'inga yene yeyo, Mikaeli engelosi enene, ulindaa vandu vovo, alakaloleke. Maku ilakave ho ing'inga yu vudinyu, indamanu ligali kali kutura zihiiri ziu kutanga nizivaho. Lwi ing'inga yene yeyo iliduuka, avandu vosi vi ihiiri yooyo, avamita gaavo gang'odwa mu kitabu cha Nyasaye valakahonywi.

Danyeli 12:4

Yamuvolera, “Danieli kunika kitabu, kandi ukevohe vudinyu ligali kandi uviiki ku muhuri, kuduuka ing'inga yi keheri chi lirova. Avandu vanyingi valakanyaguli yiyi ni yiyi kandi limanya lilakameedeke.”

Danyeli 8:26

Amalola yaga agaveeye kigira visiuviliru via mugolova kandi mugambazuri aga umali kwivalilwa, galakave gagiligali. Navuzwa ugavisi ligali, kigira ilakave ing'inga indambi nigakiri kuvuulika.”

Danyeli 9:22

Yavoola, “Danieli mali kuza hano kokokonya umanye ovoporofeti yivu.

Danyeli 9:25

Uhuliri kandi umanye yaga, kutura ing'inga yi lilago liahaanwa liu kwumbaka vuhia lidaala lia Jerusalemi, kuduuka liza liu mwimiliri wa Nyasaye amali kotovola, mihiga 7 haali 7 jilakaviti. Jerusalemi ilakumbakwe uvuhia ni zinzira kandi lugaga lwi zinguru, kandi lilakasingili kumihiga 7 haali 62, navuzwa yiyi ilakave ing'inga yi kivi.

Amosi 3:7

Ligali Yahova Nyasaye sialakola kindu vugira kuvulira avatumwa, avaporofeti veve agaviswa.

Vikolwa 15:15

Likuva yili liileng'ani na makuva ga avaporofeti, kuli Amang'oda Matakatifu gavoora:

Vikolwa 15:18

Nindio Mwami, uwakola vindu yivi vimanyikane kutura kale, avoora ndio.’

Yudasi 1:9

Kali Mikaeli, engelosi munene, siyakola ku yaga mba. Mu lihing'ana lilie na Setani, lwa vaahangalizanira ku muviri gwa Musa ndi nivwaha uguvugulaa, siyaaluvilira kukalagira Setani na amakuva ga amanyego mba; navuzwa yavoola, “Mwami mwene avagondokele!”

Likunula 12:7

Ahene yaho uvulwani vwatulira mwigulu. Mikaeli, harara ni zingelosi veve, valwaana nogoyoka zana, nagwo harara ni zingelosi ziagwo gwavalwaana.