Danyeli 10:16 - KITABU KITAKATIFU

¹⁶ Maku engelosi, yaloleka kuli mundu, yanyira mukono gwigwe nadiira munwa gwange. Maku ndavoora, “O, mwami wange, malola yaga gaanombi kuva mudedekere kandi si nyara koleka kodegera mba.

Danyeli 10:16 Iomraidhean Croise

Kutwula 4:10

Navuzwa Musa yavoola, “Awa Yahova, utanduma mba. Inzi sindaavaku umumolomi mulahi kali hakuzu mba; kandi ngikiri kuvaku mulala ku vamolomi avalahi kutura ing'inga yawatanga komoloma ku inzi mba. Molomaa galaha kandi lulimi lwange loveeye luliduhu.”

Kutwula 4:13

Navuzwa Musa yamutivulira, “Awa, Yahova, mwaza tuma mundu wundi.”

Kohelethu 1:18

Kuva novogeri vunyingi, nilwo lwa voletaa lihenda mwoyo linyingi; kuva nilimanya linyingi, kandi nilwo lwa liletaa vovereri vunyingi.

Isaya 6:7

Na yaadira munwa gwange ni lianda liu muliru zana navoora, “Yili limali kudiira munwa gugwo, na kalunu mahiolo googo gatuliziywi ho kandi uvwoni vuvwo vusamihiywi.”

Jeremia 1:9

Maku Yahova yanyira mukono gwigwe nadiira ku munwa gwange, kandi nambolera, “Hulira, inzi mali kukuha amakuva gomolomaa.

Ezekieli 1:26

Igulu muvwerefu, chaliho ni kindu chalorekaa kuli endeve yu vwami iyalombwa ni ligina liesafiro. Kondeve yu vwami yiyi, kindu chaali nichikaye ku, ichalombwa mu lifana liu mundu.

Ezekieli 3:27

Maku, ndamoloma na ivi kandi ndakuha zungulu komoloma, ulavavolera aga inzi, Mwami munene Yahova, mboraa. Valala kuvo valahulira, navuzwa avandi valakuchaya, kigira eveeye ihiiri ya vandu vu kwibaala.”

Ezekieli 33:22

Mugorova inyima wu mundu uyu yaali nakikiri kuduuka, ndaali nimali kuhulira zinguru zinene zia Yahova. Lwu mundu uyu yaduuka mugamba gwalonda ku, Yahova yaanziranyira zinguru ziu komoloma.

Danyeli 12:8

Ndaahulira gayavoola, navuzwa si ndagamanya mba. Maku ndateeva, “Navuzwa, Munene wange, ivindu yivi viosi vilakaduukizwi kuli ndi?”

Danyeli 4:19

Maku Danieli, walangwa Beliteshaza yaali niligenya kandi siyavoola kindu mba. Mwami yavoola “Beliteshaza utaleka maloto ni livaala lia go gakogenyie mba.” Beliteshaza yamutivulira, “Mwami wange vwakaveeye vulahi maloto yaga ni livaala liago gave ku vasigu vovo vakudunyira.

Danyeli 7:15

Malola ga ndalora gangenyia ligali, kandi ndaanyangizwa ligali.

Danyeli 7:28

Yiki nicho keheri cha makuva ga ndang'oda. Ndaali nu vuti vonene, kali ligondo liange liagirung'ana, kandi ndaviika makuva yaga mu mwoyo gwange.

Danyeli 8:15

Lwa ndaali ninganagana cha malola yaga gavoora, nonoho mundu yaza nasingira imbiri wange.

Danyeli 8:17

Kunangwa Gabirieli yaza nasingira ahimbi na inzi; ndaali nuvuti ligali, kandi ndaagwa hasi. Yambolera, “Mwana wu mundu, gakuduukiraa umanye cha malola yaga gavoora. Gaveeye kigira keheri chi lirova.”

Danyeli 8:18

Lwa yaali nakimoloma, zindolo ziambila, kandi ningwa hasi. Navuzwa mundu oyo yang'umira kandi niyasingiliza.

Danyeli 8:27

Ndaaluha ligali kandi nindwala ku madiku manyingi. Maku ndasingira ninzirana ku miyinzi ju mwami, navuzwa ndagenya kigira malola yaga; kandi si ndagamanya mba.

Danyeli 9:21

Lwa ndaali ni mbeeye mulisaala, Engelosi Gabirieli ya ndaali nindoli mu malola gange gaali gu kutanga yaza kuinzi. Yaali ing'inga ya hamugorova yu kuhaana visiuviliru.

Luka 1:64

Ahene yaho munwa gwa Zakaria gwigulika nululimi lwilwe lwanguha manaamolomaa nakuminya Nyasaye.

Luka 21:15

Kigira ndakahaane ku munyi amakuva kandi ovogeri vwa avasigu vinyu valivula kuhangaliza anoho kuhing'ana na aga muvooraa.

Yohana 20:28

Tomasi yamutivulira, “Mwami wange kandi Nyasaye wange!”

Joshua 5:14

Musaza oyo yativura, “Awa,” simbeeye mulala kuvo mba. “Inzi mbeeye hano kuli munene wi liihe lia Yahova.” Joshua yagwa hasi mamumama naamusigamira navoora, “Inzi mbeeye mutumikiri woovo, mwami wange. Wenyaa ngole ki?”

Likunula 1:13

Hagati hi ivinaara vie zitaya, chaliho kindu chaloreka kuli umundu, niyiviiki iganza indambi iduuka ku zinduvatiru. Yaali kandi ni yevohi umusibi gwi izahabu ku kilitu chiche.

Vakalagi 13:8

Manoa yasaala ku Yahova, navoora, “O, Yahova vugilira umundu wa Nyasaye wautumi yaaze kandi kukunyi aduuki ku kovoolera cha kulakakole lwu umwana muyayi alivulwa.”

Vakalagi 6:13

“Navuzwa umwami,” Gidioni yativura, “Niiva Yahova aveeye harara ni kunyi, kigira ki yaga goosi gaakoleki ku kunyi? Iviokogenyia zana viveeye hai ivia vaguuga viitu vaakovolera ulwavavoora: ‘Yahova siyakutuliza Egebeti? Navuzwa kalunu Yahova umali kukwivilira, ma okoleki mu makono ga vandu va Midiani.’ ”

Vakalagi 6:15

Gidioni yativura navoora, “Navuzwa Yahova, Inzi nyara kohonyia ndi Isiraeli? Vandu vi inyumba yange vavura zinguru mu ihiiri yoosi ya Manase, kandi Inzi simanyikani kali mu vandu vi nyumba yange mba.”