Danyeli 1:4 - KITABU KITAKATIFU

⁴ avayaayi vi ligondo lilahi, avageri kandi avigizwa vulahi, avaveeye vwangu kwiga, kandi avaveeye vugira imbara. Vave avadukiru kutumika mu kiyaalo chu vwami. Ashipenazi alavigiza kosoma kandi kong'oda lulimi lwa vandu va Babiloni.

Danyeli 1:4 Iomraidhean Croise

Litanga 41:46

Josefu yaali ni mihiga 30 lwa yaatanga kutumikira mwami wa Egebeti. Yatura mu mugizi gwu mwami nagenda mukivala choosi cha Egebeti.

2 Samweli 14:25

Mu Isiraeli mwosi sihaaliho nu mundu uwamanyikana ligali kigira ligondo lilahi lilie kuli Abisolomu mba. Siyaali nimbala kutura ku induvatiru yeeye kuduuka ku lwote lwu mutwi gwigwe mba.

Tsing'ano 22:29

Ololaa mundu oveeye nu vusiza ku miyinzi jije milahi? Uyu alatumika imbiri wu mwami, kandi si alatumika imbiri wa vandu vataduukanaa mba.

Kohelethu 7:19

Ovogeri vuhaana zinguru ku mundu mugeri kuvita vamiihi likomi avaveeye mu lidaala linene.

Isaya 36:11

Maku, Eliakimu, Shebina na Joya vaavoolera Rabishake, “Mwaza, yaanza omolome ni kunyi avatumikiri vovo mu lulimi lwa Aramaiki kigira kunyi kwalumanya. Utamoloma nikunyi mu lulimi lwu Luheburaina; avandu vosi vaveeye ku lidigi nivahulira mba.”

Jeremia 5:15

Avandu va Isiraeli, Yahova aletaa ihiiri kutura ihale kumwingilira. Eveeye ihiiri yizingulu kandi iyakale ligali, lulimi lwavo simulumanyi mba:

Danyeli 2:10

Avandu vovogeri vaativura nivavoora, “Sihaveeye ho nu mundu mulirova unyala kovoolera mwami cha yenya kumanya mba. Sihaveeye ho nu mwami, kali ave munene kandi wizingulu ligali wateva ku liteeva yili ku vavuuli, vakumu na valogi mba.

Danyeli 2:2

Kunangwa yalanga avavuuli, vakumu na valogi vaze kumwivaalira kivuni cha maloto geege. Vaza nivasingira imbiri wu mwami;

Danyeli 3:8

Avandu va Babiloni vanyoola vwiyangu kuyaala vandu vi Ivuyuda.

Danyeli 4:7

Maku vasigitiri, valaguli, valogi harara na vageri vi zing'ereng'ani vosi valetwa kandi nimbavolera maloto gene yago, navuzwa si vaali vanyara kunzivaalira mba.

Danyeli 5:11

Aveeye ho nu mundu mu vwamihi vuvwo oveeye na roho gwa vanyasaye. Lwa baba woovo yaali mwami, mundu uyu ya muha ovogeri, limanya kandi vogeri kuli vwa Nyasaye. Mwami Nebukadineza yamukola kuva munene wa valoli, avakumu, avalogi kandi avageri vi zing'ereng'ani.

Danyeli 5:7

Mwami yalanga mundu amuletele avakumu, avalogi kandi avageri vi zing'ereng'ani. Lwa viingira mugati, mwami yavavolera, “Mundu woosi unyala kosoma mang'oda yaga kandi umbolera cha gavoora alaviikwa iganza yi rangi yu musambarao kandi munyororo gwi zahabu guviikwi mwigoti mwimwe, kandi alava wakavaga mu vwamihi.”

Danyeli 9:1

Dariasi kutura mu kivala cha Medi, yaali muyaayi wa Zerikisezi kandi yaali mwami mu kivala cha Babiloni.

Zekaria 2:4

Engelosi wukutanga yavolera engelosi ya kaviri, “Nyagura, ovoolere musoleri oveeye nu mugoye gwo kogera ndi kuziiza kuva na vandu vanyingi kandi ni mitugu minyingi mu Jerusalemi; kandi lidaala lilava linene ligali. Sinalive namadigi gu kulikinga mba.

Vikolwa 7:20

Musa yiivulwa ing'inga zana yeyo. Yaali mwana wi ligondo lilahi ligali. Yalelerwa munyumba yaavo ku imieli jivaga,

Vikolwa 7:22

Musa yigizwa amakuva goosi govogeri vwa vandu va Egebeti, kandi yaali wi zinguru mu litivula lilie kandi mu vikolwa vivie.

Vafeso 5:27

aduuki kwenyolera likanisa liu vukumi litaveeye nimbara anoho makunya anoho kindu kidamanu kuli yivi.

Vakalagi 8:18

Maku Gidioni yateeva Zeba na Zalimuna, “Vaali vandu ki avamwita ha Tabori?” Vaativura nivavoora, “Vafana kuli munyi; vuli mulala yafanaa kuli umwana wu mwami.”