Danyeli 1:19 - KITABU KITAKATIFU

¹⁹ Mwami yamoloma ku vayaayi vosi; navuzwa Danieli, Hanania, Mishaeli na Azaria vayanziza mwami kuvita vayaayi vandi vosi. Kunangwa vakolwa kuva avatumikiri munyumba yu vwami.

Danyeli 1:19 Iomraidhean Croise

Litanga 41:46

Josefu yaali ni mihiga 30 lwa yaatanga kutumikira mwami wa Egebeti. Yatura mu mugizi gwu mwami nagenda mukivala choosi cha Egebeti.

1 Avami 17:1

Muporofeti walangwa Elija, kutura Tishibe mu kivala cha Gileadi, yavolera mwami Ahabu, “Mu lietia lia Yahova, Nyasaye oveeye mwoyo wa Isiraeli, wa inzi ndumikiraa, ngovolera ndi sihalavaho ni lime anoho imbura ku mihiga giviri anoho jivaga kuduuka lwambolera.”

Tsing'ano 22:29

Ololaa mundu oveeye nu vusiza ku miyinzi jije milahi? Uyu alatumika imbiri wu mwami, kandi si alatumika imbiri wa vandu vataduukanaa mba.

Jeremia 15:19

Kulwayago, Yahova yavoola, “Niiva ulirana ku inzi, ndakwiranyia kandi ulava mutumikiri wange. Niiva ulavoola amakuva gaveeye amalahi na oleke kovora amakuva amadamanu, hene yaho ulava muporofeti wange kandi. Avandu varirana ku ivi, navuzwa ivi si ulazia kuvo mba.

Danyeli 1:18

Lwi ing'inga yi mihiga 3 ju mwami yaviikaho jafwa, Ashipenazi yavugula vayaayi vosi navahira ku mwami Nebukadineza.

Danyeli 1:4

avayaayi vi ligondo lilahi, avageri kandi avigizwa vulahi, avaveeye vwangu kwiga, kandi avaveeye vugira imbara. Vave avadukiru kutumika mu kiyaalo chu vwami. Ashipenazi alavigiza kosoma kandi kong'oda lulimi lwa vandu va Babiloni.

Danyeli 1:5

Mwami kandi yalaga ndi, avayaayi yava vanyoore chukulia kilala chere chu mwami yalizaaku, kandi iwaini ndala nzere yu mwami yanwezaa ku. Nivakigizwa ku mihiga 3, gavadukiraa valetwe imbiri wu mwami.

Danyeli 1:6

Valala ku vaatovolwa vaali: Danieli, Hanania, Mishaeli na Azaria; vosi vaatura mu ihiiri yi Ivuyuda.

Danyeli 1:7

Ashipenazi mwimiliri wa vanene vi kiyaalo yavagulika amita: Mahia Danieli yamugulika Beliteshaza, Hanania yamugulika Sadaraka, Mishaeli yamugulika Meshaka na Azaria yamugulika Abedinego.

Danyeli 2:13

Kunangwa malago gahaanwa vageri vosi viitwi harara na Danieli na valina veve.

Danyeli 3:29

“Kalunu ndagizaa ndi, mundu woosi wi kivala choosi, zihiiri ziosi, anoho lulimi lomoloma makuva gu kuchaya Nyasaye wa Sadaraka, Meshaka na Abedinego, vivero vivie viladonyanywa, na inyumba yeeye ilava kitumi cha makindi. Si aveeye ho na nyasaye wundi unyala kohonyia kuli ndi mba.”